|
頂呀~打完個日記~佢要我關閉explorer囉~仆街~未save架ma~黑人憎~又要人打過>口<!
呢兩日因為個日記網更新~所以冇得打日記呢~呢兩日都發生左好多事~仲同阿光嘈左交tim~車~係佢自己小器咋ma~我打去關心下佢又話我煩~佢真係變左好多囉~變得極之唔耐煩~極之小器~極之唔玩得囉~好~唔搵咪唔搵囉~車~有寶呀>口<!!
前排話砌電腦~終於都打左比阿b搞掂左啦~前後唔洗3日~極快手呢~真係唔該晒阿b呢~砌左$6680~呢兩日都有同阿b傾下電話呀~今日都有~佢果陣食緊lunch呢~打黎問我細佬聽日幾點出去拎電腦~點知我細佬又十問九唔應~搞到我極唔好意思囉=口=~之後仲傾左第d野~傾左半個鐘到就收線啦~因為佢要做野呢~前兩日佢都有話過聽日去唱k架~但係得佢一個好悶架ma~咪諗住叫阿光陪佢去囉~就係咁同阿光嘈左囉~算吧啦~阿b~我地一定有機會唱o既>v<!!
阿dee都係掛住打機啦~但係佢前兩日個電腦中左60秒果個毒~整左兩日都唔得~整到連window都入唔到呀~最後要拎去比人format呢~佢冇電腦玩就識得搵我傾電話囉=3=!有次佢邊執房邊同我傾~仲比我知道左d唔知算唔算係秘密o既秘密呢XDDDDD~我都有叫佢聽日去架~但係佢又叫我咩喎~傻架咩~梗係唔制啦=3=~但係我真係好想佢去囉~可是當佢前晚整返好個電腦之後就冇搵過我啦~我諗佢又係掛住打機吧=3=~佢去o既可能係近乎0囉....!有陣時覺得自己真係好矛盾~我究竟係咪真係鍾意佢呢?!但係有時真係覺得佢好衰格~好黑人憎架啵~唔通呢d就係<男不壞,女不愛>!?
就係因為要拎錢出黎砌電腦~阿媽就走左去打簿~知道左我兩個幾月前噤左$3500出黎~但係我果日都話左比佢知架啵~係佢自己唔記得之ma~跟住走黎問我d錢洗左去邊~我咪話有d借左比ling同妹子~有d洗左~有d仲係度囉~唔通話比佢知有大部份拎左黎買w-inds.野咩=口=~唉..總之就濕滯啦!琴晚老豆諗住返黎同細細佬分享下報紙果段野~點知細細佬d態度好唔掂~好唔耐煩~最後搞到老豆係度鬥氣~又話要拎晒保險d錢出黎~玩左去又好做生意又好~都唔留比我地喎~又話唔洗對我地咁好喎~唉...我都唔知可以做d咩啦~搞到我好唔開心~諗住打比阿dee~點知佢又冇開電話呀~我究竟可以點呀>口<!
琴日w-inds.出左寫真啦~ling幫我出左mk買~買左$245~佢聽日拎埋比我呢~真係唔該晒ling呢>v<!妹子都有打黎話佢買左~仲話慶太同龍一都映得好靚呀~涼平就好生意失敗feel囉XDDDDD~呢兩晚妹子都有打過黎~佢為左朋友同屋企人o既事搞到自己好唔開心呢~咪陪下佢囉~唉..有幾多個朋友係拎個心出黎架~但係我對每一個朋友都係用心架~除非唔係好熟啦~識我o既都知我份人好易話為架呢~諗諗下~我記得有個fd話過我有內涵呢~永遠我都會記住的~我永遠都會記得佢每一句令我心動o既說話~得閒拎出黎回味下都係件開心事黎>v<
聽日出ceo唱k呢~仲會化妝tim呀~咁大個女第2次化妝~第1次係四姨結婚果陣~聽日將會係第2次呢~諗緊帶唔帶相機呀~因為唔想揹大袋~ling又叫我借個相機比佢~佢話要映juno喎=口=~唔知呀~諗下帶唔帶啦~
天氣開始轉冷了~我身邊的每一個朋友仔要對自己好d呀~著多件衫~唔好病呀~病左我會好擔心你地咕>口<!
最後希望聽日會見到自己好想見o既人>v<!!
| 
<<<17th single封面~好浪漫feel呀>v<!
<<3個字講晒-好靚呀>33333<!!!!!
