| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
| 2005 年 10 月 21 日 星期五 |
 | |
|
大昏迷@o@!! |
|
琴晚打完個日記就比左細佬玩啦~仲要比佢話我打個日記打成個幾鐘=.=我就返左房同ling傾左陣電話~但係果陣已經恰恰地眼訓~傾傾下ling都好似恰著左咁~兩個係電話度沉默~最後我叫收線就訓左啦~仲訓到今日3點幾=.=仲覺得好似o岩o岩訓左唔係好耐咁~總之就大昏迷啦!不過我仲記得我同ling玩個Turth~不過我唔係好記得ling問過我d咩啦~好多都係圍繞住阿dee黎問囉~有一條仲好似有阿雞份=.=但係我記得我問過ling一條問題~如果阿光同juno同時話鍾意你~兩個為左你放棄咩都得~你會揀邊個同佢一齊?!阿ling佢居然要諗囉=口=仲要揀個我出乎意料o既答案=.=無奈都爆!
頭先細細佬放學放黎~沖完涼諗住開隻森美黎睇~點知發現佢d聲有問題~初初以為係喇叭~又唔係喎~跟住先諗係隻牒問題~但係拎出黎睇又冇花~仲好令tim~最後細細佬拎入阿媽房試下~冇事喎~原來係個DVD神左啦~仲諗住叫阿媽聽日租<千杯不醉>返黎睇tim~今晚叫佢搞搞個DVD啦!琴日買果兩條琵琶仔好勁呀~原本個魚缸好多青苔架~點知一晚比佢地食得乾乾淨淨~但係我就好擔心細果條冇得食呀~希望佢撐得住啦~
o岩o岩ling打黎~佢話買左衫啦喎~仲要買裙~佢想問我揀邊條好~我即話你自己揀唔好問我~因為我知道我幫佢揀左~佢都要左諗右諗~揀左=冇揀咁!佢打黎我就醒起要打落鋪頭仔問下佢地賣唔賣w-inds.本寫真~因為聽日要出九龍塘同人換砌圖呀~如果佢有得買就出埋mk落訂~點知佢話冇得賣~咁我諗都係唔出多啦~換完就返屋企~諗諗下要去買打底褲~順手買埋底衫~因為諗緊30號著咩衫呀~嗯~諗住買呢d先啦~係喎~仲要買JUNON呀!!
|
| 刊登時間︰2005-10-21 06:05 PM [ 訪客留言(2) ] [ 編輯日誌 ] [ 分享至FACEBOOK ] |
| 2005 年 10 月 20 日 星期四 |
| |
|
so funny....>v<!!! |
|
今朝居然自己識起身喎~一早就裝身~今日著個look未著過架~唔知會唔會唔好睇~但係比我o既感覺係女人左~成熟左~仲好OL feel tim(返到屋企細細佬第一句問我做咩今日咁OL feel呀=口=)~仲搽埋枝新唇彩~ling都話好掂呀~仲話枝唇彩個色ok令~(我都話左架啦~唔知邊個話紅得濟呢!?)咁就得啦~除時轉look都ok啦XDDDD~裝裝下身ling就打黎~佢果陣先o岩o岩起身囉="=吹脹!
今日出到沙田~諗緊買唔買cake比Bobby食好~最後都係買啦~買左一件朱咕力慕思同芝士蛋糕佢地食~再買多一件朱咕力慕思諗住做早餐~點知去到先知Bobby放假囉=口=好失望呢!咁就諗住我同ling食左佢算啦~但係我想食果陣~就到我覆診啦=口=~為有放返低入去見左醫生先啦~唔知點解今日咁少人覆診呢~我仲要快過阿ling tim~但係佢張紙個時間係早過我架啵~我都唔知點解會咁呢=口=!死期終於都到啦~又要度腳~結果係同上次果個度數一樣~果一刻唔知點解會好開心~可能係覺得原地踏步都好過退步先啦XDDDDD但係同時又比醫生比阿媽省左兩句=3=~ling又話左我兩句~但係ling講中左我個目標~就係慶太啦kaka~所以我會努力架啦~嘿!最後我都係冇食到蛋糕~因為請左醫生食~而原本諗住自己食果件已經比ling食緊囉=口=!睇完醫生就諗緊去邊~阿媽又想去舅父度剪頭髮~但係ling又想我陪佢睇<再說一次我愛你>~之後我地走去飲茶~最後阿媽話下次先剪~咁我就同ling去睇戲~阿爸阿媽去tst買大閘蟹~睇完先搵返我~我地買左飛先去飲茶呢!我一坐低就叫左個鳳爪排骨飯啦~點知阿媽好出奇囉a_a大佬呀~早餐都冇食呀~肚餓架ma>口<!食食下~老豆就打黎~佢出黎搵我地~等佢出到黎食左d野就走啦~去左行陣city super~係入面真係可以行到一日唔係講笑呢=口=~d野仲好貴下tim~我見到有日本薯仔~即刻諗到薯仔慶呢XDDD仲見到日本雞蛋~成廿蚊6隻架~唔知係咪好食d o既呢=3=?!行左陣~睇過下d麵粉~跟住去睇戲啦~睇完先買~套戲真係好好睇~我初初唔係咁想睇阿sa的~因為之前果套<常在我心>做得唔好~點知今次又做得幾好喎~唔差~佢同劉德華o既對白真好sweet架~華仔對采妮果度又好正~如果有人咁對我~我真係真係今生無悔!最正係采妮一句對白<只要係同自己最愛o既人一齊過~無論過咩節都係咁開心~!>加埋華仔果句<只要同到鍾意的人行埋人生的最後一段路~即使係好短~但都覺得係值得的>真係好正~諗返d對白~會出現返個畫面~又眼濕濕咁....散場啦~我淨係知道好感人~好正~係最近值得一睇o既戲黎~我同ling喊到眼都腫~出到去等我阿爸阿媽~佢地買左大閘蟹~同埋買左兩條琵琶仔同兩條個樣成個波咁o既金魚~好q架>v<!原本諗住散架啦~因為ling去睇鞋~我地去city super買麵粉~最後一齊去左食味千~食完先散~上到city super諗住買麵粉整蛋糕架~但係最後都唔知買咩好~冇買到~阿媽買左兩隻雞脾同d麵包就走啦~阿媽又話想行下HMV~但係執左~d人就話比我地知7f果度有間~上去打左個round~我買左古巨基隻新CD同森美個歌劇團VCD比我細細佬~因為佢話想睇~就當生日禮物比佢囉~我份人就係咁細心~聽過人地話鍾意咩就會記住啦~但係我都好口硬架~人地問到~我會答唔知的~當然都要睇下邊個o既XDDDD~我老豆就買左隻英文文歌CD~阿媽就睇唔中啦~好開心我又支持左正版~但係講真~自從愛上w-inds.之後就係要支持正版呢=3=!跟之真係搭車返屋企啦~但係返到去仲要買con~同阿媽兵分兩路~佢去買野煮麵食~我就同老豆去買con~問過佢如果有色點計~佢話即棄o既90蚊4對~有d用兩個星期o既就99蚊1對~我又兩隻眼唔同度數~即係要買兩份喎~嘩~好貴呀~所以最後都係買返冇色的~我諗我會買黎試下o既~但係一定會係好重要o既約會先用啦XDD~買完真係返屋企啦~好攰呀~好眼訓~即刻除con啦~跟住又攤下~睇下電視咁囉~阿爸阿媽同我都冇食麵~因為味千個麵食得好飽呢=口=得我兩個細佬食~我地就直接食大閘蟹啦~一人有兩隻呀~kaka好正呢a_a蟹係我最鍾意食o既海鮮之一呢~正>口<!食完仲飲左枝波子汽水~簡直係人生一大快事呀>口<!!!食完睇左陣電視~唔知係咪喊過~所以好鬼眼訓咁~睇左一陣就搵衫沖涼~出到黎細細佬就比我上網lu~仲睇到12月號JOUNON今日出左~但係我今日睇過冇囉~點知夜晚就有啦~好唔開心呀>口<!!!
頭先仲搵左一個好耐好耐冇搵o既人~佢升左職呀~真係恭喜佢~但係我覺得自己魅力對佢已經不大啦~因為我叫佢陪我玩msn佢唔肯呀~用盡所有方法~佢都唔肯=3=算吧啦~我又唔係人地邊個~可能咁樣好過同佢一齊呢~係佢一句說話先令我有心動o既感覺~仲記得當時聽到佢講果一句係好開心~但係無奈唔知點解果陣唔搵就唔搵~到而家我搵佢~世事o既野就係咁架啦~唉...
|
| 刊登時間︰2005-10-21 01:51 AM [ 訪客留言(2) ] [ 編輯日誌 ] [ 分享至FACEBOOK ] |
| 2005 年 10 月 19 日 星期三 |
| |
|
what!? |
|
琴晚沖完涼打比ling啦~佢呢兩日唔知咩事~好努力咁做功課同溫書呢~我同佢都係傾下男人講下人事非咁啦XDD~諗住打比阿光~問下佢有冇開過我ac~順手傾下電話啦~點知佢又唔聽電話囉~之後好想打比阿dee~ling話掛住人咪打比人囉=3=~咩啵~咁人地咩呀ma~咩事姐=3=~最後都係打左比佢~原來佢近排失蹤咁~係因為打online game囉=口=之後傾下佢過左台灣做過d咩囉~佢話諗住過去食檳榔~點知搵唔到~佢話o岩o岩去完烏魯木齊~仲要o岩o岩落機~話要去搵成吉思汗~但係搵唔到~仲話去蒙古一年得一班機tim XDDDD~仲問佢30號出唔出黎~諗返起~佢好似冇比一個確實答案我地咁=口=跟住佢同ling傾條ram都可以傾到嗌交咁o既~兩個真係前世撈亂骨頭咁=口=!不過同佢傾電話係好開心o既事黎>v<!!
琴晚成4點先訓啦~今日訓到成2點半先起身呢="=破左紀錄~都未試過訓到咁晏~比老豆知道又話我咁晏起身~夜晚唔比睇電視~第朝落去行街~咁就真係攞我條命去吧啦=口=!聽日仲要一早起身~返PW覆診呀~仲會見到ling tim~唔知佢阿媽去唔去呀~如果去希望我阿媽同佢阿媽唔會傾d咩事好了="=~如果可以的話~仲諗住睇埋<再說一次我愛你>tim~但係最怕o既係ling會比人的返入去呢=口=~好想行下個citysuper呀~買野黎整蛋糕~睇下聽日點再算啦!
|
| 刊登時間︰2005-10-19 06:37 PM [ 訪客留言(2) ] [ 編輯日誌 ] [ 分享至FACEBOOK ] |
| 2005 年 10 月 18 日 星期二 |
 | |
|
Just feeling.... |
|
琴晚同ling收左線之後~我都訓唔著~係咁聽歌聽收音機~又係聽聽下先訓著~跟住今朝晨咁早就起左身去做物理治療~我都估唔到我自己起到身囉=口=做緊果陣都唔係好眼訓呢~做完走果陣~要等埋個治療師寫報告呀~因為星期四覆診~要比報告Bobby睇~佢問我仲繼唔繼續做治療~我一口就答佢做~佢就話"你都冇咩好做架啦啵~仲想做d咩?"我答佢唔知~因為我真係唔知=口=~佢就話問下醫生仲想我做d咩喎~佢又問我有咩想同埋有咩唔想佢寫係報告度~我叫佢照實寫啦~佢就話如果佢照實寫會比醫生鬧~因為佢做唔到醫生o既要求~係咪即係暗示我懶呢=3=!?返到黎原本都唔係咁想訓架~點知攤攤下就昏迷左~仲要係唔識醒果隻~成兩點半先起身食飯=口=勁!
今日一早完版主要做o既野就上JPOP睇下w-inds.佢地有冇咩消息~當然冇消息就係好消息黎o既~但係真係好掛住佢地呀><點知比我見到有人話佢地BourBon的牧場篇新CM出左啦~即刻走去dl黎睇~但係比我想像中冇咁好笑~不過龍一好型呢>v<涼平真係好牧羊人feel~慶太係最正常~但係佢著果件衫好似女人左d咁=口=~仲有好多好多BourBon tim呀>v<!! 發覺自己好叻叻a_a~全部自己cut的>v<!!!
|
| 刊登時間︰2005-10-18 06:31 PM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 10 月 17 日 星期一 |
| |
|
Do you love me?! |
|
曖昧
曖昧讓人受盡委屈 找不到相愛的證據
何時該前進 何時該放棄 連擁抱都沒有勇氣
只能陪你到這裡 畢竟有些事不可以
超過了友情 還不到愛情 遠方就要下雨的風景
到底該不該哭泣 想太多是我還是你
我很不服氣 也開始懷疑
眼前的人 是不是同一個 真實的你
曖昧讓人受盡委屈 找不到相愛的證據
何時該前進 何時該放棄 連擁抱都沒有勇氣
曖昧讓人變得貪心 直到等待失去意義
無奈我和你 寫不出結局 放遺憾的美麗 停在這裡
Do you love me?!有機會~我一定會問返你呢條問題!!
琴日個日記超短呀~冇咩心情之外~就係因為果陣一心二用緊ma~好多野都冇打上去~好似前晚個翡翠歌星賀台慶咁~有咩可能係白組贏姐~雖然我係支持至愛o既千嬅~但係紅組表現得非常出色呢~我o既舊愛劉德華一個都贏佢地啦~再加埋我打令leo~咁都輸~幹!好明顯賽果好有問題啦!琴晚都有電視睇呢~睇全球叮皇爭霸戰~其實好多叮皇o既表演都好悶啦~最後兩強係香港代表o既變聲王馮文樂對馬拉莫生~最後馬拉莫生贏馮文樂4秒呢~不過兩個表演得好好啦~d示範單位最出位o既都係爆炸猛男PHD~佢地表演得勁好笑呀!
睇完電視~又係時候排隊沖涼=口=沖完涼返房~同芝芝玩左陣sms~之後佢訓啦~我就打左比ling~傾左一陣佢又要收衫=3=我就出左廳睇下有冇電視睇~果套咁o既蜀山傳~成套科幻片咁囉=口=真係唔識欣賞~睇睇下ling就打黎啦~返左房同佢傾電話~傾好多野呢~我地仲好無聊咁係yahoo度打自己個名上去搜尋~我個名居然一個都搵唔到囉~阿光果個名都搵到一個~ling係最多啦~搵到成三百幾個~哈哈~勁白痴無聊呢XDDDD!
今日妹子msn我~叫我預早送出年份生日禮物比佢~衰妹~今次就算啦~下次再咁早要出年o既生日禮物就唔買架啦!佢仲差我錢未還呀=口=可惡!佢話下星期有得還喎~我就睇下有冇啦~之後問埋佢我d goods點~佢話wendy買唔齊~好多人都唔齊goods喎~幹~咁我咪得海報同手燈囉~場刊都冇本~真係呀~而家我想要o既係場刊同條電話繩囉>口<唔制呀!!上去拍賣度睇下有冇得買先得呢><!!
|
| 刊登時間︰2005-10-17 05:22 PM [ 訪客留言(2) ] [ 編輯日誌 ] [ 分享至FACEBOOK ] |
« | 240 | 241 | 242 | 243 | 244 | 245 | 246 | 247 | 248 | 249 | ... | 273 | »
|
