| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
| 2005 年 11 月 26 日 星期六 |
 | |
|
電台相* |
|
**電台照**
橘生好熱氣呀~又咁大個眼袋~記住有時間唔好打咁多機啦~最d休息咪好囉-口-!
見到你咁我真好好心痛架..>口<嗚...!
|
| 刊登時間︰2005-11-26 10:45 PM [ 訪客留言(0) ] [ 編輯日誌 ] [ 分享至FACEBOOK ] |
|
唔好惹我>口<* |
|
唉...腳痛原來係有原因架~估唔到今日就有親戚黎探我啦>口<~好煩呀~頂!阿ling仲問我聽日出唔出mk囉~腳痛出鬼咩-口-冇咩必要呢幾日都唔好撩我啦>口<!!
頭先同ling阿光傾msn~傾左都算多野呀~仲傾到如果可以比阿光揀做仔定女~佢都係揀仔~佢話做仔過癮d喎~佢講出左最重要o既一個point~就係"有冇聽過做仔o會蝕抵比人架"XDDDD佢仲話起碼唔洗生仔~之後就借左呢個機會講生仔~我話我覺得生仔都係一件好過癮~好神奇o既事黎~我結左婚一定會生仔~果種感覺一定好得意~阿光就話我好恨生仔啦~講真~都幾恨架~有句說話都有講啦"有仔趁嫩生"嘛XDDDD~跟住阿ling話突然覺得好了解男人~阿光好抵死咁叫佢去變性囉XDDD~但係我地全部都唔知究竟女可唔可以變性做男囉-口-~傾左一陣阿光就話落街~off左~得返我同ling傾~佢話阿光o岩o岩打比佢問我聽日係咪一齊出mk喎~我咪話"蝦~點解佢唔直接問我o既呢"ling就話阿光可能驚左我~因為之前3個傾msn果陣~我叫佢地呢幾日冇咩唔好撩我呀ma~XDDD我知阿ling都係講笑姐XDDD!阿ling又去訓~我就去左沖涼lu~
沖完涼姨姨返黎買左宵夜食~食左d車仔麵~串燒同埋叮叮牛肉&燒賣呢~食完上網~我msn阿雞問佢搵到阿靜未~因為佢之前打過黎比我話搵唔到河童同阿靜~問我搵唔搵到佢地~佢話冇再打~唔理佢地~佢就叫我打比佢~因為佢唔想打字喎~我初初叫佢早d訓~聽日返工架~點知佢話唔怕~我就打左比佢睇下咩事~佢講左好多關於佢係公司做野o既事我聽~但係我果陣睇緊w-inds.的野~冇咩點留意啦-口-~淨係聽到佢話唔知12月30定31號拉埋河童去飲囉~跟住佢又叫我織頸巾比佢~我say no la~佢問點解~我咪話可能係身份上有所唔同~因為女仔唔可以亂織頸巾送比男仔~唔可以亂收男仔送o既介子架~佢就講左一句令我好嬲o既說話-(咁我而家溝返你囉)shit!當我咩呀!?聽到好嬲囉~為左條頸巾溝返我!?咁織好又飛我呀!?唔好玩啦~咁o既說話都講得出!我咪答佢我係唔會受囉~之後就叫佢等陣~冇理佢~我果陣去左搵止痛藥食~因為隻腳好痛呀~搵到聽返個電話~佢話佢契妹叫佢訓教要收線~咁我咪收線囉~
今晚o既晚餐係我煮架(阿光仲叫我煮埋佢飯~我話好tim~煮好又話唔黎~係度玩佢XDDDD當然都係講笑啦)~我而家仲坐緊係度打日記即係代表我冇事啦XDDDD~5點9個字入去開始整~7點鐘有得食啦~入去切好d切瓜~滾落湯就煮飯~飯滾放埋碟牛肉落去蒸~最後就<6>埋d菜心就食得啦~都算係咁啦~全部都食得乾乾淨淨呢~cherry仲好比面咁食得最多啦~仲話好食~呵~聽日都係我煮呀~唔知煮咩餸呢~
琴晚睇左好多星座同心理測驗o既野呀~有個仲話我有被害妄想症tim-口-~其中一個結果仲準到....阿ling都係咁話準呀-3-~:::你細心到有神經質，唔識直接向對方表達自己愛意，暗地自尋煩惱。好心你鍾意人咪講句「我鍾意你」；想見人咪講句「想見你」！不過，你亦無需夾硬扮積極出擊，因為你含蓄一面係最有魅力，你先至係做人老婆No.1人選呀！<<<<就係呢個啦~我都唔知可以講咩啦=口=!!
今日仲睇到w-inds.新相tim呀~呀橘生個樣好殘呀~仲起左好多粒粒tim~唉~好心唔好成日掛住打機啦~要休息多d呀~唉...心痛死我><!!
|
| 刊登時間︰2005-11-26 04:24 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 11 月 25 日 星期五 |
| |
|
無奈*** |
|
今朝同ling.靜收線就上床訓教~但係隻腳唔知做咩事好痛~訓得唔係咁好~成日醒啦~諗諗下單野~我都覺得好無奈~唉...算吧啦~
總之我maymay係呢個日記~對住咁多個慶太發誓~由呢分鐘開始她和他的事~我全部一概不理~只知道她是我好姊妹~他是我好朋友之外咩都唔知唔理!!!如果她係要呷醋係要冚頭埋牆~還是對他對我有任何不滿都唔關我事!!因為我要做o既野已經好盡力咁做晒!!
決定了~有個好契姐加好朋友就已經足夠!!
|
| 刊登時間︰2005-11-25 04:48 PM [ 訪客留言(1) ] [ 編輯日誌 ] [ 分享至FACEBOOK ] |
|
包包* |
|
今朝成6點先訓呢~因為睇埋皇馬場波呀~晏晝成2點先起身啦~仲要係比我阿姨叫我起身~因為話婆婆同包包殺緊黎~咁咪拿拿臨起身刷牙洗面囉~
當我彈入廁所果陣見到marco玩緊無間度online~咁我咪入左廁所打比姨姨問下囉~跟住姨姨話返我知marco話做每日一篇咋~唔認有玩過無間度囉~好彩阿姨信我講o既野姐-口-~算吧~呢單唔理啦~包包今日入左黎~同係電話果陣簡直係兩個人黎啦~點玩都得呀~姨姨放工返黎冇耐就同佢地過左舊碼頭餵蟹仔~我就梗係唔去啦~上次去過行到死死下呀-口-~我就有我係度上網~國國就訓覺~到6點就返黎啦~姨姨就煮飯~婆婆就執野~佢地就係度玩~我都係繼續上網~同阿雞傾msn啦~佢話河童又話上佢度食飯~而家又唔上喎~所以搞到佢好興~我咪叫佢呢個問題要同河童傾下佢先得架~一定要傾o既問題黎~唉~我都唔知點幫佢啦~傾左一陣我就開飯啦~婆婆煲左淒涼菜湯~好正呢~食完飯洗好碗婆婆就同包包走lu~婆婆話包包上左車未到第二個站就訓著左啦~勁開心今日同包包玩>v<!!
上網見到w-inds. d新相~我貼左上黎啦~係下面>v<!!
|
| 刊登時間︰2005-11-25 03:49 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 11 月 24 日 星期四 |
| |
|
just令相*** |
|
11月23日~Tokyo FM~
小涼帶頸巾啦~開始凍lu~
小慶你好勁啦>v<!!!!
2006 1月號JUNON
慶太係對腳好長呀XDD
有咩秘密聽呀?我又聽=3=!!
小涼警告你唔好靠咁埋呀>口<!
小龍你d拍甲好令XDDD!
龍一聽到d咩咁開心呀?!
令令****!!
3個傻佬拎住把掃把扮哈利波特XDDDDD??
|
| 刊登時間︰2005-11-24 06:10 PM [ 訪客留言(0) ] [ 編輯日誌 ] [ 分享至FACEBOOK ] |
« | 233 | 234 | 235 | 236 | 237 | 238 | 239 | 240 | 241 | 242 | ... | 273 | »
|
