今日一早就上堂喇...今日成身好似散曬咁呀...上堂又係十下十下咁喇...之後因為唔使上tut..我地成組人去左開會開下開下...又冇食lunch....之後就返左屋企迎左陣...起身個時都3點...拿拿聲拾野去練水...

今日練水真係不知所謂到極點喇...唉...2日都係咁喇...唉.....

之後去左超市入左d貨,之後返到屋企煮左d野就做功課喇....一做就做到3點幾....

 今日一早就要起身讀返書囉...之後就返去test喇...個test都ok..不過冇10題喇應該.....之後上堂又係勁訓喇...近來成日晚上精神早上眼訓囉...之後上完堂就返屋企喇...

咁岩撞到brain同tim佢地...佢地係到捉棋囉...我又足下咁囉...等到3點到就出去食tea喇...用左41分鐘食曬..之後就搭車去練水....

今日練水都係好累呀....今日游得唔係咁好囉....如果唔係之前食左tea可能游得仲衰tim呀....游完返屋企喇...今日雖然好累但都要做下野ga...加上又要打返d日記咁..做曬先訓囉..都唔係...仲有d比賽ga日記都未打ga....

 琴日咁晚訓...今日真係好唔想起身呀...成7:00先起身...之後極快咁半個鐘做曬d野..出去門口等教練...今日咁遲起身連lunch都冇整呀...lunch是但買d野食喇....

7:30我教練黎就去泳池喇...

今日熱身,問左教練點做之後就去喇...熱身係2000米囉...其實都幾金架...不過游落又好似冇咩喎...沖個個25米蝶個時仲pb tim...嘩....我知我今日一定游到27秒ga...

之後就等等喇..等到佢轉左個電子召集板之後就落去換褲喇....換完就等囉...第一組游...唔緊要因為抽到條好線...之後游個時都冇咩野...同上次差唔多...之後到邊望一望...27秒喇...yes....年幾喇等左...嘩...游到27喇....之後真係好興奮呀....興奮左好耐喇....放鬆完都仲好輕鬆...如果琴日唔係3點訓...可能仲好d架...哈哈哈...

之後等左個幾鐘先游100自...等好耐呀....之後拉好根就去召集..我要56秒呀今次....pbpb...叫住咁去呀...之後召集個到都離譜架...本來我第一組架嘛...轉左我去第3組囉...要同d快我幾秒ga人..係好辛苦架...不過有人係我左邊可能好d掛...不過要游邊線姐....一開始我真係跟住我右邊個個人架...之後因為拉車都係俾人放....到邊望喇...56"91...yes...又一個pb喇....又踏入56ga 界線囉....不過就冇之前咁興奮...有d開心喇都...之後又係去放鬆..我又係到諗...我琴日如果唔係3點訓會好d ga....

之後返去個時本來想去小食店到買下野ga..不過教練話唔好...之後同阿joan同jackson出左去買subway...嘩...好味呀....之後食得半個...返到黎就要熱返身等游200im喇...個時間好似過得好快咁呀...好快就到喇...lee200im呢...雖然pb左少少...不過都唔係游得咁好...下次再機會先算喇...

游完就等走囉...睇完最後一項800米先走得.....

5點幾先返到屋企....之後上下網整下野咁...之後好快就到7點喇...之後就去煮飯喇....今日好肚餓呀..加上前幾晚都冇食到晚餐呀,一係出左去食呀咁...

之後煮左個雞排crossover牛肉餅意粉呀...好好味呀...不過煮得太多...食唔曬...諗住遲d食....因為今晚要溫一溫書呀....之後煮完就返房一到睇溏心風暴一到食喇....有段真係勁好睇呀...

就係講到林峰同鍾嘉欣拍拖,林峰要開夜做緊野...做到累累地到鐘嘉欣就黎到按鐘就話"先生,外賣到喇"..我突然覺好sweet囉..之後d 對話又係好sweet囉...好甜蜜呀..加上鐘嘉欣又係靚女喎..個個sweet樣呀...真係殺死人..

之後我係到諗...香港開通宵就好喇..因為仲有好多餐廳都未關門呀嘛....係澳洲呀晚上方圓十里都全關門喇...想食野都冇得食呀....

之後睇完出去洗曬d野...之後睇睇下電腦訓左...冇讀到....

 今日起左身仲係好累呀..成個人都唔係好想去比賽咁...之後教練車我個時..我都訓左一陣呀....今日雖然得上午有比賽但係因為我跟教練車...所以都係要下午先走得....

今日游第一項第一組囉...wo....今日個比賽因為比較大型,所以係會有播國歌....播完就開始比賽喇....播個時我地係等到喇...之後一播完我地就要行出去喇...事關播完國歌d人好興奮喇...係咁拍手喎...咁岩我地又行出黎上線...個感覺真係好似世界賽...d游泳明星出黎..d人會叫會拍手囉...個個feel真係掂呀....可惜唔可以感受好耐呀...之後就要開始我第一項ga100im喇...

lee個100im比上次游得差游得慢..特別係背...唉....1'05...我記住你....

之後放完鬆督返上去等喇...等左個幾鐘拉好根就去游100蝶喇...其實我仲有d累架...不過累累地可能游得仲好...之後游個時..個1'03"22真係完全空白曬咁呀....唔知做咩事囉....唉...算喇...教練話我游得唔錯喎...唉...不過冇pb囉...

12點游完..等到成4點先有得走..之後都係勁眼訓..係教練架車返左陣...之後返到屋企就去brain同alan間房玩喇...都係打機喇....之後好快就7點幾喇....出左去8mile 個到食飯...食台灣野呀...ok喇...第一次去8mile 個邊囉...

之後佢地唔知突然做咩事...話教我車喎...仲去左空地個到練...本來我諗住...好簡單架姐...係師博到都冇問題囉..點知坐落先知有問題...架車大左咁多ga...原來車ga size係好有關係架...平時師傅架車係細車...lee架就係中大車囉...入彎呀,停車..完全唔一樣囉...好難呀...我有段時間係腳震囉...我左腳係震到...好驚呀...加上lee架車冇保險...撞左就大鑊喇...

之後練完空地...個人定返d就去練小路喇...條小路其實我地過架喇...不過係早上...晚上真係難d架我覺得...不過都係好有問題..睇黎我都係唔考車住喇...咁ga技術..點考呀?...

之後返屋企玩左陣...打左好耐機...3點幾先返去訓喇....嘩....

聽日仲有比賽架....

今日真係好累呀..琴日趕完ass訓左4個鐘到就起左身....係到諗...今日會做d咩,幾點做...諗左好耐....之後hea到10點幾就出去交左ass先...之後就諗住出去sunnybank買野喇...之後再出去做一做gym...之後再去練水...就係咁喇...其實都好多野做....

之後出左去巴士站...突然有d事..之後又返左屋企....成12點先出去...交左份ass...

之後返屋企整野...整到勁累呀.....lunch都冇食..不過唔緊要喇...陣間先食喇....之後3點幾先出到去練水.....因為練水係一定要做ga野黎架...不過好累呀...係巴士站真係訓左陣呀...應該冇走到車ga..不過架車勁遲囉....遲左成15分鐘黎囉...我又眼訓喎...都唔火佢喇...

去到岩岩miss左3個400米...好在姐...之後游游下勁肚餓囉...哎呀....就黎游完個時個肚係咁出聲囉....嘩...之後游完...立即去買野食呀...

一到同$家姐傾電話一到行街...買左野返屋企...都有食到d野ga...咁肚餓...之後返屋企食大餐呀....

點知返屋企玩玩下電腦...訓左tim...之後10點幾起返身俾返部NDS brain..之後諗住煮野ga..之後諗諗下...又訓左囉...最後今日係lunch同dinner都冇食到囉....

聽日仲要比賽tim...是但喇....隨心喇....

 今日一早就要返去test喇...其實我自己都冇咩信心呀..入到試場都冇咩野....之後見到份野...唔多識....只好用常識去答喇...不過其實好多都係常識..你點都唔選個d不為倫理ga答案喇....之後做完就同d groupmate...傾計喇...傾到11點幾就返屋企做ass喇...

做到成3點幾先出去練水....我後日比賽囉...不過我勁冇heart呀.....之後去到練水個人仲係呆下呆下....反而今日練得好好喎...係中上等ga練習呀....

 嘩..突然對比賽有另一番景象呀...之後就去city買車飛喇...買完返屋企煮下野食上下網咁...

之後去左brain個到借左部NDS黎打...打左一陣就做下ASS..做完又打....打到成3點先做完...send俾我家姐改一改囉...本來想等佢改完ga...點知之後都係勁眼訓...訓左冇理我家姐喇...

 今日一早就起身溫書喇...溫左陣就食早餐之後就出去考試喇....今日要考SM呀....好有信心架我....之後一去到睇份野...大鑊喇...呁難ga...之後愈做愈冇信心....之後做完用左一個鐘到就交喇...算喇..都考完喇.....

之後返到屋企就要溫返另一科喇...就係讀SI喇...LEE科真係其實真係冇咩讀過..之後一直讀讀讀..讀到2點幾出左去同brain同alan,tim食lunnch...食完就返屋企係咁讀喇....

讀讀下突然停電喎....嘩...停左幾耐呀....5點幾停到9點...電腦又冇電....讀左好少....唉....之後有返電就立即煮野食喇....因為冇光煮唔到呀...之後是但煮d野食呀...就同vicki msn....msn左一陣就keep住溫書喇....

溫到唔幾點就訓囉....

 今日一早返左去上堂喇....不過因為琴日真係太累囉...上上下又訓左喇....今日上堂同上tut都頂唔到呀..好似啞左咁呀....

返左屋企就係咁讀書喇...聽日SM test真係不容有失架...之後溫下書就訓左陣之後又溫囉.....

一直去到7點幾,之後阿媽打左黎..同佢傾到8點幾就去煮飯食喇....今日冇去練水所以唔煮咁多野喇....食完又係咁溫書喇...真係溫到想X呀...

估唔到一踏入19...就要有個咁大個考驗呀...

一日就係咁過喇....