唉，

  尋日好忙，冇時間打qooza呀>.<

  尋日朝早，係我起身既時候，我都冇諗過會咁忙，

  一起身，如常地，刷牙、洗面、heahea完一大輪，無奈地溫書﹏溫極都唔入腦∼

  溫溫下，無啦啦有按門鍾(嚇死)原來係xx<---(唔話你知，等你心思思)。佢話帶我地去玩喎，跟著我地去左樓下飲茶。飲緊茶的途中，阿xx突然話帶我地去大美督踩單車(真係非常非常之突然)，但係唔通話唔去咩。我地坐佢個架車出發，阿媽話佢個架係[寶士捷]<-------0嘴。上到車，係杜睇風景，又睇左唔知幾耐，到左。

  到左大美督，見到架雪榚車，即刻買左杯xxx黎食<----又係唔記得左。我地租左一架家庭裝、兩架一人單車。咁我地就開始踩啦，踩左過去，又兜左幾圈。同媽咪換左車，輪到我同阿妹踩家庭裝lu~~踩番泥既時候，有三條友無啦啦喑示同我地鬥快喎，你幾多歲呀?最後，當然係我方贏左啦~~呵呵......又唔知踩到點樣，番屋企lu~~

  跟著我地番左屋企，到左唔知幾多點，xx又黎左，話帶我地去食dinner。我地去左一間唔係好顯眼既食日本野既地方。因為太多人，我地去左樓上(好舒適既地方，有tv喔)。我地邊食邊睇tv，好好食呀！！！睇到同事三分親同師奶兵團既一半，我地食完，。好飽。埋單..............................................................................................................................................八百幾蚊?!我想講每碟菜都好似蚊滋咁細碟囉......無奈兼0嘴

尋晚好彩趕到番屋企睇溏心風暴....................所以冇時間打qooza