今朝因為某些原因而無返去上宋Sir的英文補習堂,係我第一次請假啊!上學期都只不遇係早退,阿健話今日的堂好useful,搞到我有D懊悔,他之前嚇我今日要問書,我先選今日唔返,但就算今日返,之後就要有一日唔返.阿健仲話應該,可能剩下兩堂,我突然好唔捨得,我唔想咁快完,講真,宋Sir的堂真係有用嫁~

唔想聽日先整母親節的禮物,所以今日下午就同阿妹一齊整啦!本來想整的果件野,因為買唔到其中一樣材料,所以改整另一樣---糯米滋,而且材料又差唔多,本來以為好容易,但點知整果陣時出來好多問題,塊麵團整左成個鐘,仲有,去街市都去左成個鐘,之後就整呀整,可能阿妹太有藝術細胞,拎麵團整下白兔,又整貨車,又整雪櫃,又整雪人,真佩服她,但成功例子就....唔太樂觀,結果有D好大,有D好細,總之就好搞笑,又由於D芋頭太多,就將D麵團同芋頭搞埋一齊,開頭好有心機做,做到最尾阿妹因為被段神風,小希同太子的呼喚,而要提早離開而我,剩下我一人孤單作戰,好彩已到最尾一步,搞出來的成績,有傳統的圓形,有阿妹的雪櫃同雪人,都有我的香蕉同月亮,都係彎彎的,試味果陣時,只食到椰絲的味,但層皮好滑.記得以前做cook曾經係我的理想,好彩已經轉左,cook-----唔適合我,但我仍然會繼續學煮野,雖然識D,但唔知點解,次次整出來都無麥味,你試唔試呀?哈哈...因為我驚個味會太濃,或者太咸~

今日整都係因為聽日唔得閒,好驚星期一的Phy test...

本來想等到聽日先俾媽媽知,但媽媽一返到來,爸爸就爆出來啦,唉~

好耐無試過同阿妹一齊在下午玩啦,唔俾她溫書!!!

今日個Econ quiz好難,唔係幾好.....

QQ寶話T.Chan話他知D野,他話左俾我知,但我知果個人唔係我,請唔好咁睇我,好辛苦!

Geog堂派左個成績表個分,嗯...不太滿意,我希望可以再高D,我都唔知點解會肯話俾Songs知,我唔俾其他人知,因為他們做D野令我唔舒服,QQ寶仲拎位部計數機,令我反感,所以點都唔講!

英文堂又有人監堂,點解今年咁多人來監堂?

中文堂CKW回來啦,他昨日無返,所以昨日果堂中文堂可以溫Bio quiz.今日他講他少量愛情史俾我地知,因緣近排的課文都係呢類型,原來他小二就暗戀第一個女仔!

Maths堂Stephen好勁,題題數都中,唔似我,一條都無做!哈!因為昨晚溫Econ先無做而已.......可以原諒!

放lunch同放學後都好凍,對手都變左紫色.......之後在library笨笨地同迪玩估密碼,他打得好快,好難估...所以都估唔到,失敗!

放學之後,叫Apple陪我去買鞋,都未買過對鞋這麼便宜,$29,荷荷同Becky介紹的,但D服務態度就唔係咁好.......

好多謝Bonny的開解,咁又係,我根本唔使咁介意,只係小小的人生挫折,仲有好長的路!!!樂觀D!!!

終於講左出來,多謝Apple,舒服左D!!!

阿健6點幾就出左去,都唔知今晚幾點返,無他在家,少左把聲,靜左.....

小珍(阿晶),生日快樂!

今日唔知做咩,成日都好似失魂,唔知自己做緊麥,都係果件事啦,行樓梯差D行左上去6樓,上堂又唔係幾專心喔,咁先慘呀!

P.E堂考籃球,覺得幾無聊,但好彩都容易.....但之後無端端食波餅,成個排球飛過來,我又望左去第二度,前面D人又個個都避開晒,好痛,有D暈.....阿Sir話一定要打波,唔係扣平時分,所以同Sarah,Songs,荷荷玩乒乓波,好搞笑...

Maths堂唔知點解將份今年的會考maths卷交俾我.

中文堂作文,聽到話唔使聽日交,就無麥心作,好想呢篇作好D,但個題目好難,而且無麥心情.其實我寧願阿Sir話今日交,咁我在堂上就有動力作,返到屋企就唔使做多份功課.

英文堂睇戲---The sound of music,一直睇到5點,唔使當值,加上上次又缺席,近排又少左去,無計啦,盡量多d去啦!

今日心情:一般~還是學會忘記吧!