今日呀,無咩特別野,只係朝早可以俾我訓耐D,難得一個星期先有一日俾我遲D起身.

由於Chem堂唔知他教麥,只好自已惡補,有D明左,但唔明的居多,點算呢?我唔想去搵阿Sir,他一定會話我嫁,可能話我無專心上堂,雖然近排傾講傾多左,又或許話我點解上堂唔明又唔問.算啦,繼續惡補啦...

要相信自已!!!

一返到學校,就見到Bon Bon啦,她戴眼鏡,而且仲........

今朝去左上宋Sir的堂,無去救世軍的職訓局,覺得很不好意思,因為呢個活動都差唔多完啦,但我仍然無咩理它.所以我好期盼今日宋Sir可以早點放學,雖知呢個係無可能的事.到11:00am開始,我已經無麥心機聽書啦,11:15am時,聽到他話仲要10分鐘,我已經想暈,Jenny話明白我的感受,因為她都試過,到左11:30am他話放果陣時,我好開心,立即收拾D野,然後再衝出去擦黑板,講完goodbye後,立刻跑出課室,走去搭minibus,12:00pm到家,之後又出去啦!

我一見到條路無麥人就開始跑,由其係斜路時,簡直衝落去,最後用左17分鐘由慈雲山跑去竹園的救世軍,12:30準時到達,成績唔錯,去到之後,覺得肚痛,最後都無麥事~聽番Apple講,她們今朝做左幾個野,下次會再做,而我就下次補番.之後成班長青傳動力的成員就一齊練太極,準備22/4時表演,D招式唔難,但速度好似慢左D,而且到22號果陣時,我都唔知仲記唔記得...........

完成救世軍的工作,就同Apple去左龍翔中心,買左個Hello Kitty的畢業公仔(幫人買的),之後去黃大仙中心,竟然很驚奇地見到宇,他好似同他Dad and brother一齊.............然後繼續同Apple去搵野,一張Hello Kitty的card,搵左好耐都無,覺得好累,就去左m記,Apple去扲左杯水,之後我地就一直在那裡sit,Apple拿我部手提玩game,我拿她果部聽mp3,就這樣過1個鐘頭啦,接著,大家就各自回家啦~

由於未搵到張card,我就去左慈雲山中心找,點知撞到兩個更加意外的人,4A班嫁,唔撞仲好,其中一個F.2同班的,但大家都無打招呼.他們一定見到我,因為搭電梯,他們站在我後面.....好彩皇天不負有心人,我終於搵到張card啦,幾靚嫁,唔錯^.^

原來,去行街都好累的~~~難怪Jenny話鐘意留在屋企,我十分同意!!!

今日返學又撞到個未撞過的人啦,就係F.3仔啦,Alex同佢傾計,但兩個人講D野又好似無麥關聯呵,我只係在他們隔離聽,無插嘴...之後在學校問口仲踫到阿卓and衍衍,真係熱鬧,她們行前樓梯,估唔到上到四樓,在後樓梯又撞到衍衍,真係有緣.返到課室,阿卓黎搵我陪她去找Miss Lee.早會時,又被Amy拉左落去,阿卓卻自已一個去左我課室搵我,她當然無怪我啦,邊會咁容易生氣>.<

小息去library,Bon Bon不在,迪話佢去左see doctor,我仲以為她有甚麼事,原來只是陪人去~

Phys上完堂唔明,就問朝輝Sir la,但他講左成堆野,我都唔明..........

Lunch陪阿卓去搵宇教她關於Computer的野,library同課室都無,阿卓話應該在hall,我就估應該在6樓開會,但我地都唔再搵啦,我要上去溫Econ.仲以為今日文娛匯演,無Econ堂,點知1:45pm要返去Econ Dict. Dict完就去hall,學校好睇重呢個節目,但我就覺得並不是一件甚麼大件事,或者因為我唔係工作人員,無份籌畫,又唔係表演者之一,所以我並不關心,但我又要多謝呢個文娛匯演,唔使上堂.其中有一篇英文朗誦係我在學期初時參加朗誦的,再次聽到呢篇文,有種熟悉同親切的感覺,係我今日所聽的咁多朗誦之中,最好的一篇!!!(有D私心)嗯.......我覺得今年的話劇都唔錯,以較切身同搞笑.

放學後去library當值,見到宇竟然穿著打籃球的打扮上黎,原來被人捉上黎.阿健今日唔知做麥,竟然不斷叫人陪他玩killer,我無理他,叫發哥教我Chem,他講D野我真係明嫁,但他唔信,他話自已都唔知自已講麥,本來我有好多問,但都無問晒,因為他話他唔熟,驚教錯我.

放學後,在樓下踫到宇,他好似在玩雜技.之後發哥真係請我同Apple食野啊,我食雞蛋仔,其實呢次係我第一次食雞蛋仔,Apple食粢飯,好味!多謝晒你呀,發哥,你一定返到黎嫁!