今日溫English的grammar,如果唔係要quiz,我一定唔會溫,唔係話溫下唔好,但太多啦,好難溫,所以無麥心機溫.

今朝抱住緊張的心情打電話俾遠方的哥哥道賀,恭喜晒!!!

唔知點解,今日突然好想返學,可能因為唔想溫書,但我知道一返學就會好忙,又有qiz,又有test,但我今日真係有D掛住返學...

唔知幾時開始,聽歌時不再只聽旋律,會去重視d歌詞,甚至會好留心去聽歌詞.

打緊日記時,同阿妹一齊同她的同學傾計,大家玩估歌仔,果個小朋友好........覺得應該唔係細路,但又唔係好成熟,成個細路咁,幾好笑既,成日重複D野講,好玩的是,果個小朋友唔知我代阿妹同他傾計,他幾有趣.我覺得我在玩他,而且搞出不少笑話.

收到聽日唔使返學的消息,好開心,因為唔使寫家長信.....

琴晚又失眠啦,今朝又早起,請問有咩方法可以治療失眠嫁?

8:30am到達竹園的救世軍,我同Apple係最早到達的年青人,除左敏Miss,之後果班人都係去到九龍灣的職訓局先黎.今日的行程都好快開始,兩位導師好好人,整個相架俾果D探訪的唐氏小朋友.D相架好容易整,用膠加熱,雖然失敗左一次,所以走左去整模,上次無黎到,整唔到,呢次補番,Rainbow教我嫁,原來真係好容易嫁,整到不少,有D整左人,但自己都有6個,最好的就係可以送給自己,但之後都係去整多個相架,前後整左兩個,一個俾小朋友,一個俾自己.

Lunch敏Miss請,食公家,幾好味,之後陪Rainbow去toilet,個toilet好靚,而且設備齊全,連花灑都有,所以就走左去玩,第一,二次無事,但之後調校個花灑的角度,玩出火,搞到自己的頭髮同條褲都濕晒,唔知點解件衫反而唔濕,所以左toilet度一直吹,吹勁都唔係好乾,所以索性唔吹,走.出到去,成班人走出去曬太陽,我又出埋去,所以好快就乾左啦,順便聽下班長者的歷史.我今日終於知道敏Miss的年齡啦!

上返去整另一款相架,用木製的,我鐘意呢款多D,結果好快整完兩個,又係一個俾自己,一個送左俾敏Miss,但之後竟然唔見左,早知就唔送!她話應該唔知俾邊個拎左........

回到救世軍,首先試下22/4表演的衫,青蘋果色,T-shirt,之後就開始練親子十式,估唔到個背景音樂係'童話',好怪,因為打太極的音樂竟然咁in,我以為會係以較傳統D.然後終於可以回家了.

今天燜燜去旺角,話買左份生日禮物俾我,好開心,雖然她同細佬夾錢,我正在期待中,我覺得我今年會是一個不一樣的一年,應該會幾特別嫁.

今日我終於衝出屋企,衝出慈雲山啦!!!放假後的第一天出去!!!

今朝無麥心機地睇下Chem, 個心已經不在了,但都有少少時間係幾集中下.....

11:00am開始準備,12:00pm去到等的地方,見到Apple個同班同學,以為她同我地一齊去,結果都唔係.......遲到大王阿卓又遲到啦,她帶埋她妹妹美美,都無所謂....

去到花園街,得個行,任何野都無買.行到旺角,首先去吃八爪魚丸同埋飲珍珠奶茶,好食又好飲,之後就開始今日的真正旅程啦!

首生係我買野先,第一次啊!之前次次都係阿卓同Apple打開先例,呢次終於輪到我啦!之後就一直行,一直行,唔記得行左幾耐,覺得腰骨痛,仍然繼續行,阿卓幫埋她美美選同配,好細心,她唔理我同Apple啦,次次買野我都要問她們的意見,或者我真係想得到人地的認同啦,所以我好羨慕她們可以咁有主見,Apple好fashion,阿卓好有style,而我?無主見.........太容易受人影響啦!!!最後買多左一條褲,又買多左一件衫,我第一次用咁多money,雖然之前都已經預左,但仍然有D心痛,用左差唔多$200.對於條褲,有D後悔,原因好簡單,因為我見到一條更好的,早知唔同Apple返轉頭,算啦,命裡有時終需有,命裡無時莫強求!本來諗住買果D,結果無買到,無諗果D反而買有,或者有D新嘗試都好的.

總結成績,我終於升上第二位,阿卓第一,買勁多啊,Apple差我少少啦,我終於唔使包尾啦,但其實,包尾都唔係唔好嫁.我今日竟然買咁多野,咁大個女第一次.我承諾:我今年唔會再買衫.聽住先啦,到心情唔好時,呢次的後悔過去後,就會再買過啦,但下次要想清楚先,其實一次兩次都唔算好過份,當今年的Easter禮物也好,自己的生日禮物也好,不後悔!!!

回家後,媽媽話幫我出部份的money.不用了,我會為我自己的行為負責任!!!

好羨慕Apple次次不會後悔,幾時我先可以咁呢?

好高興Apple 有想過我同阿卓的感受.我真的有點吃醋!!!