==============================================
01) 無論是否你的錯，你都一定要哄返我。
02) 我可以盡量每秒鐘都掛住你，大家咁話。
03) 我見到靚仔都會望，這也是天生的。
04) 我「哦」你都是因為我關心你,緊張你。
05) 你唔使係有錢仔，但最好都有比較遠大的目標和理想。
06) 同我出街時，可唔可以梳番個頭同剃鬚。
07) 我知我唔係全世界最靚，但我希望你覺得我好好。
08) 當我剪了兩吋頭髮打了少少眼影穿了對新鞋時希望你會留意到。
09) 所有大時大節紀念日同生日，你必須全部都記得。
10) 我所有濕濕碎碎野都好想同你分享，例如我用咩化妝品同護膚品，雖然你未必會明，但希望你會扮聽。
11) 當你滔滔不絕地發表你對工作細節電腦軟件NBA英國足球聯賽等等的意見時，我其實也是在唯唯諾諾地扮聽。
12) 你完全唔打扮同我去街我仲驚。
13) 我出街買野個時盡量唔好（哦）我．話我嘥錢，最好支助我幫我俾埋。
14) 你唔需要好靚仔，但一定要乾淨。
15) 我M 時係大哂，可以大條道理發脾氣，你最好一個月忍我幾日就哂我。
16) 我會假設你懂得操控及修理任何電器，包括電腦相機電視機錄影機及HI-FI等等。
17) 有很多事我並不是不懂得做，只是不想做就扮唔識。
18) 每日去任何地方時都要話比我知你位置及同邊個一齊，比我清楚哂你的行蹤。
19) 同一個笑話同話題，可唔可以盡量唔講得多過廿次。
20) 我發脾氣CUT你線，其實係想你即刻打番電話來再哄我。
21) 無論拍左拖幾耐，我都渴望你時不時比Ｄ驚喜我。
22) 我唔介意你有少少肚腩，但盡量唔好太肥，亦唔好比我瘦好多。
23) 太大隻既肌肉型男人一D都唔MAN,係好驚。
24) 我會好介意你有一Ｄ有不良嗜好的「兄弟老友」，認為佢地一定會帶壞你。
25) 在我的朋友面前，我希望你可以表現得比平時更錫我同緊張我。
26) 我煮飯比你食時，你唔可以覺得係奉旨，一定要「話」好食。
27) 男人一定要有風度。
28) 你要欣賞我的工作。
29) 大男人等於霸道。
30) 溫柔唔等於無主見
31) 瀟洒等於無交帶。
32) 如果有人追我,我會唔介意話你知但係你都要信哂我。
33) 我鍾意你努力工作，但都要盡量抽時間陪我。
34) 唔好成日問你約會去邊度好都話「是旦」，咁唔叫就哂我只係表示你無心思
35) 發脾氣時要即時哄番，唔好比時間我冷靜下，其實我完全唔需要時間冷靜。
36) 如果我同你講話要減肥，其實最想聽到你同我講：「你一Ｄ都唔肥，唔使減啦，我鍾意咪得囉。」
37) 我跟你說話的時候，唔知點解聲音會比平時嬌嗲同低Ｂ。
38) CHECK你電話的來電顯示是我的嗜好之一。
39) 你最好唔好有太多女性朋友、最好唔好有紅顏知己或契姐契妹之類的物體。
40) 我有男性朋友係好正常。
41) 我希望你的女同事全部都是師奶呀嬸醜女或肥婆。
42) 我好有興趣去知道你同你舊女友的事
43) 我有少時候都會提下同唸下舊男朋友、以前暗戀過的男生、方力申．．．但你唔好以為我仲有野。
44) 唔好將我同你以前d女友比較。
45) 唔好成日 (哦) 我,講一大篇理論.教我做人道理,間唔中係咁冇問題.長時間落去我會覺得煩。
46 要時不時對我講「我愛你」，否則我會假設你唔愛我。
============================================== |
