呢幾日都係到諗..假如有兩種男朋友係你面前相親,,你會點揀?!
Q1..你覺得我係一個點既人?!
男友A.. | 男友B..
你啊?!唔出聲就斯斯文文..一講野就似係地震,, | 你為人心地善良,,我真係搵唔到你既缺點
識你唔係好耐..但係知你都幾好人既~ | 你簡直係完美啊~
Q2..如果我跌左落水..你會點救我?!
男友A.. | 男友B
梗係第一時間打999啦~ | 點都好..我一定會即刻跳落水救你..
我都唔識游水,,無謂兩個見報啦~ | 就算我唔識游水都會撐到你上黎..
Q3...如果我去出國公幹,,唔知幾時會返..你會唔會等我?!
男友A.. | 男友B
睇下結左婚未啦~如果未既..你不如去個邊搵返個啦.. | 就算等你等到天荒地老..我都會等你返黎為止..
大家唔知兩邊係點,,,就算唔偷食都難挨啦~... | 相信我..我絕對唔會望第二個女仔多一眼..
Q4..如果我唔開心..你會點乙水我?!
男友A.. | 男友B
做得你男朋友..預左個膊頭俾你喊.. | 我會整你鐘意既野食..買你鐘意既野..
我唔識乙水人..最多聽你講完喊完舒服D... | 就算你要我係大街講"我愛你"都願意..
Q5..你愛唔愛我?!
男友A.. | 男友B
小姐..依家係相體啊.. 我都話識你唔係好耐 | 我愛你..我可以好肯定咁講...
對你有感覺唔等於愛你..要行過先知係點,,, | 第一眼見到你就注定我走唔甩...
Q6..你覺得如果我地兩個相處應該要點?!
男友A.. | 男友B
一個願打一個願捱.,,意見分歧就大家商量,, | 我一定會就晒你,,唔會俾你唔開心,,
Q7..你覺得你自己係一個點既人?!
男友A.. | 男友B
我唔識點講去安慰人,,我只會將好朋友放係第一位. | 我拍過好多次拖,,但唔代表我花心..
要愛人先愛自己,,唔係you jump I jump 既年代... | 我對你會比佢地更好..唔會俾你離開我..
然而..男友B係談吐之間,,的確會有D說話令女生窩心..
但係並唔代表一切就好似童話咁完美...
今日係報紙睇左單新聞,,原來男人比女人一日講多2倍既大話..
而大家講得最多既係.."我好好...我冇事,,唔洗擔心..."
人..就係要扮堅強..男人喊,,會被視為懦弱..
但係一個男人會為一個心愛既女人而落淚,,係需要好大既勇氣,.,,
女人喊..可能有人覺得係博同情..
但係女人往往都唔會想俾人睇到佢喊..好似琉璃咁,,堅硬而又脆弱..
所以先會令男人覺得想枇去保護,,但一段不美麗既愛情,,
都會為琉璃畫上花痕...
|
