今日係星期五，亦都係學校去果個白痴旅行既日子

我琴晚已經同我老母夾定，話今日請假，所以今日

我老母９：００打番學校啦，點知學校果邊話一定

要有醫生紙先俾請教，咁我無病點睇啊！？

咁我老母咪拿拿臨璀我飛的去番學，換完衫都

９：１５啦，落到去可能連個天都幫我，等極都等

唔到的士，學校既集合時間係９：３０，咁我咪索

性番番屋企，無醫生紙都理得佢！

無幾耐我老母又出左去打麻雀啦，等番我一個係屋企

我就玩電腦玩到十一點幾到就換衫出去行街

雖然得我一個，但唔知點解我覺得好自由啊，自己想

去邊就去邊，我首先去左太子聯合廣場啦，可能星期

五ｄ學生個個要番學呱，無咩舗開＝　＝

又無咩人，所以好靜，但我就係果到買左兩件衫啦，

之後就飛左去旺角，係到周街行，去左潮流特區啊

重有好多地方ｄ字唔曉打＝　＝

今日咁就使左我三百幾蚊，番到屋企先４點幾，勁早

夜晚時隻老鷹又打電話黎，話我今日唔番係炸病，聽

到係佢打黎我已經嬲啦，做得出又唔怕認，所以我就

用好得意既口氣話係炸病唔番！

之後又比佢話左一大餐，又叫我老竇聽ｗｏ

又係咁搬自己個女出黎ｗｏ，我咪愈聽愈嬲，佢講唔

夠兩句我就串下佢，搞到話下話下咁就話左個幾鍾，

到後黎我都覺得佢係到晒緊時間，都費是串佢，係咁

係到哦，佢先肯收線，重搞到我同老母老竇嗌左場大

交，依家真係勁唔鍾意佢咯＝　＝

佢自己賴係慘咁話做我地班班主任好大壓力，你估

我地又好想做你學生啊！？

睇住黎啦，以後我唔串到你七彩我就唔叫李小敏

琴晚做完ＥＥＲＳ已經成１２點幾，所以今日

起身特別攰，唯有死下死下咁番學，第一堂就

係reading堂，ｄ無做ＥＥＲＳ或無帶野既人

比Ｍｉｓｓ　ｙｕ罰作文４００字，題目係

" learn english is fun " 我諗佢地作完就真係

ｖｅｒｙ　ｆｕｎ啦，諗番我琴晚做到咁夜都

係值得既^﹏^

之後果d堂都無咩特別，都係訓下聽下咁。

放左學就慘咯，因為蔡成測要去睇ｄｏｔｏｒ

就掉低左班Ｆ．１比我教，我就可能緊張啦，

所以出唔到聲，好架硬咁扯高把聲＝　＝

搞到我好似鬼叫咁嗌足全埸，下次我一定唔

可以再衰！