我都唔知有幾耐無打過日記啦！因為哩幾日我係咁係到玩「ｓｉｍｓ２」，玩到傻，玩到癲。

我自己都覺得好奇怪，我玩過好多ｇａｍｅ，但係都無好似今次咁玩得咁盡，有時明知

要測驗都寧願玩而唔溫書。開始我只係覺得好玩既原故，但依家諗下諗下好似覺得自己係

到逃避緊咁，逃避現實中既所有唔開心，去左個自己理想既世界＿有人會主動咁去關心你，

又會有人好重視你同埋緊張你，永遠係你最最唔開心時出現係你附近

可能就係因為咁，自己就沈迷左佢啦！

依家好似連以前最鍾意玩既紅十字都唔想玩咁，有時放左學就寧願話唔得閒乘幾番屋企打

機都唔去開會，好似成個人傻晒咁！

聽人講話為自己定立目標就唔會迷失方向，但我升上Ｆ．３就覺得自己毫無目標可定，好似

日日都係到將個魂魄留左係屋企打機，自己個身體就去左番學，我諗就算我唔番學都無人會

留意到，真係好ｄｏｗｎ，好ｄｏｗｎ

今日成十一點先起身啊！

無幾耐之後老母同老竇就一齊出左去打麻雀，乘低我同細佬，唔知咩事同佢

抄大獲，大家嗌交嗌到面紅耳赤時，老母特然打電話番黎，我就講左句心情

唔好就收左線啦！

之後一點就出左門，今日約左點半同白痴萍一齊又行ａｐｍ，費是出到咁遠。

佢係ａｐｍ到買左個斜咩袋，都ｏｋ靚架，可惜個牌子名我就唔曉串

而我就梗係買左個傘仔既側咩袋啦，靚爆啊，又唔係好貴^﹏^

之後番到去藍田，我數下自己個銀包重有幾錢，點知啱啱好夠錢買埋「模擬市民２」

即刻就走左去買啦，番到屋企就瘋狂咁玩，我依家又要去玩啦∼