今日又係一早就番到學校，無野做就係到睇書，之後就早會。

下午ｌｕｎｃｈ時就去左麥當勞，食到好飽！

放左學因為男男同孫曉彤都唔得閒所以就代佢地上總部開會

係果到見到有兩個普照中學（yu261）既女仔，令我諗番中２果

個自己，真係搞笑∼中２果個我唔多曉用腦諗野，又唔多會對

發生係自己身上既事唔開心過，成日都係到笑。

但依家？我都唔知自己似麥∼

今日三魂唔見左七魄咁去番學，雖然等唔到車但搭的士番到學校就啱啱好，唔使遲到

都ｏｋ啦！

第一堂係ｍａｔｈｓ，升上中三可能個腦轉得慢左，所以咩數都唔曉做，當啊ｓｉｒ

叫ｄ參加左數學補習班既人出去交＄＄時，都有ｄ後悔自己無參加。

之後果堂係ｅｐａ啦，ｍｉｓｓ都係照樣講左好多題外話，都算精彩既，起瑪我唔會

釣魚先啦！

出去食ｌｕｎｃｈ之前就有人同我講叫我食完番黎去搵老鷹，番左黎老鷹就係咁係到

問我覺得自己勤力ｄ定中３勤力ｄ．點解今次化學考試會係全班最低分．係唔係掛住

玩所以臨急抱佛腳，比佢咁樣講兩講我ｄ眼淚就出晒黎，唔係因為佢鬧我，而係比佢

咁一講又令我諗番起中２學期尾發生一直到依家每次諗番起都會勁ｄｏｗｎ既所

謂回憶，又比佢ｄ說話刺一刺激，我既眼淚就好似已經忍左好耐咁一下放晒出黎，

哭到不似人形，我果時都係到諗自己點解會咁眼淺竟然係到喊∼

等到夜晚老鷹重特登打電話黎我屋企同我老母傾左陣，唉..............................