*11*

今日去左石澳BBQ........

本黎話有成二十幾三十個人去架

點知個個都放飛機

淨低d 真係爛玩既(當然包括我＾＾) 去左

結果加埋我得番14 個咯!!!

去到已經十一點幾..果到真係好靚 不過真係大風到暈

白痴明唔知點解會買埋d 矮瓜去燒

燒出黎又乾爭爭又難食=_="

睇Theresa 燒野食真係一個樂趣黎架.....

佢燒咩就掉咩..勁搞笑咯 

佢竟然同白痴明一樣將d 矮瓜同腸仔"差"埋一齊走去燒

見到真係有想打佢既衝動

之後d 人係到攞部手機出黎斗大聲

又用藍牙係到搜尋

搜到d 『大焦』啊『天使一號』啊出黎

班白痴重要大大聲問：邊個係大焦啊？

真係想比人打..............

↑佢地兩個真係我地班既"媽"寶= ="

↑真係開心到暈丫....

↑我地班既靚女x2

↑個個走晒去玩  d 沙灘拖堆到亂晒

↑d 人係到佈緊陣玩閃避球 知唔知佢地用咩佈啊!?

↑咪就係用拖鞋咯....

↑係到分緊組開波....

↑白痴明竟然將個排球塞係個肚到 真係頂佢唔順= ="

↑可以考慮下搵佢地拍[盛夏光年]或者[斷背山]

↑真係有萍萍係到永無悶場 ((((^_^))))

↑個海真係好靚........

成日既行程就係一個水槍大戰下結束!!

成14個學生每人攞住枝水槍係到斗射 都幾搞笑

直至個個都變成落湯雞先肯收手= ="

最後可以講既係..........

無去既人真係可惜!!

*12*

係觀塘地鐵站撞到洪國輝同林哲連(無記錯既話..)

又諗番係小學既時光.....

果3年得到左好多好多唔開心但係又得到最多既成長!!

發覺左同表妹一齊........

真係可以成個人鬆落黎!!!

哩幾日又諗左好多野

發覺左做男仔真係好

有d 咩都可以好坦誠咁講出口

但係我就唔得...

到底我有心無意所講既野

你會唔會有點點兒在意..!?

↑我表哥啊>< 係到扮周傑倫 勁白痴咯!!不過佢都係個靚仔黎既

↑落緊雨既夜晚真係好靚.......不過又好凍

↑我弟時一定要將我既愛人帶番黎哩個對我好重要好重要既地方!! 哈哈.....