今日係寶貝30週了... 仲有10週就見面啦~好期待呀!!!!

我個肚都越黎越大, 感覺都越黎越不便。宮縮既情況都越黎越多, 好彩問過醫生都係話正常既, 只要唔係每5分鐘宮縮一次就得架勒~

日子越黎越近, 我都開始有D緊張, 緊張要買D咩比佢啦, 緊張生個時咩都唔識又唔明, 緊張BB出世後唔識照顧佢啦,最緊張係怕好痛... 做一個新手媽媽真係唔容易, 真係好多野唔明唔知。但係好彩既係我將會有媽媽既幫手, 所以都冇咁擔心既。

今日, 度一度自己既肚皮, 都有成41"了, 其實唔算大, 畢竟上次檢查醫生都話阿B係細碼B... 雖然好多人都話細碼對我黎講係好事, 因為生果時唔洗咁辛苦, 但係做媽媽既點都想自己個BB係健健康康最好!!我仲有2個半月追... 追返BB做中碼就可以了。