今日老公仲未要返工 (佢就好啦.. 新年放咁多日假)

我地一早起身落左去樓下大快活食個早餐先, 之後佢就陪我去威院產檢。

其實都唔算等得耐架勒, 好快糖尿科姑娘就叫我入去, 先係佢面前篤次手指, 4.7mmol ! 之後等多一陣又入去見返姑娘, 咁比佢睇咁耐以黎篤手指既紀綠, 佢話我控制得幾好, 已經唔洗再返黎見佢勒~~yeah~~ 同埋篤手指本身1個禮拜篤2次宜家可以變1個禮拜篤1次就得勒~~呵呵呵呵, 係開心事。

冇諗, 就去見助產士, 佢幫我度下肚size, 摸下肚, 之後話bb size正常, 聽埋bb心跳148 正常, 咁就走得。今次都算快架勒, 臨走, 我報左名聽果個咩分勉講座, 3月3號又要請假黎聽了... 冇辦法啦... 如果係出面報名聽既話又貴喎.. 呢度聽講座唔洗錢喎...(不過其實要請假扣錢都係差唔多= =)

產檢完就同老公落沙田行下... 睇下考車既資料 (太耐冇睇學車既資料, 原來沙田執左好多間學車既舖) ... 之後中途發生左少少不愉快事情, 唔開心既事就唔講啦~不過我想講既係... 我特登行去homesqure度睇下間bk store有咩買, 點知去到真係好失望... 原來唔係我所諗既舖頭黎.... 真係白行。咁所有落沙田既目的都冇哂... 最後返大埔..

返到大埔食埋個lunch, 帶A仔出街行下順便去銀行入票, 之後去左買床單仲買埋雞蛋就返屋企.. 返到去5點幾我攰到飛起, 宜家行一陣路都攰成咁... 我地2個就訓一陣教到食飯就落返阿媽度食。就係咁過左一日。簡單但開心的一天。