今日6點幾返左屋企...以為會出街食飯~點知屋企人有約會....媽媽和朋友吃飯~爸爸和工作伙伴去吃飯~

留下我一個人..真的很討厭寂寞...

買了m記便當晚飯~(double cheese burger+薯條+熱朱古力)<---- 一定不夠飽吧-0-

食完便去上網了~上到12點幾...太累了~訓覺....

一天就這樣了...沒什麼特別~只是寂寞吧了~

今朝冇返學~訓到10點幾~很累很累~尋日痾到個人都冇精神了~

11點幾去左麗港城度睇醫生~睇下發生咩事~

等左好耐好耐~終於到我睇了~不過都係冇咩特別~講左等於冇講...咁就收左200幾蚊~真係唔值~因為我睇果時都唔係最差果時...差唔多好番先黎睇醫生~有鬼用咩~睇完就back宿舍了~

都要食藥+食粥~多d休息下就冇事了~不要吃凍的食物~不要飲奶<----醫生的要求就是這樣....無奈的...我是醫生也會這樣對病人說的喔...-0-

今日好唔舒服~肚痛...痾左唔知幾多次~痾下又訓下...痾下又訓下咁~

訓左3次覺...一係唔訓...一訓就訓左好幾個鐘頭~痾死我了~唔訓既話又會肚痛,訓得多仲衰...個人暈下暈下

照計我都冇食過d唔乾淨既野~點會搞成咁~每次去toilet都係痾水...慘...

唉....仲咩個天要咁樣玩我...

冇胃口食野~做咩都冇心情~成個人都頹哂~唉....

沒力氣地寫了.....就這樣結束吧~~

今日夜晚落街~周圍睇下野~食左一個double cheese burger~之後就去左百佳到買下野~

開頭諗住買一兩樣野就算~點知越買越多~越買越hapi~行下又睇下~見到咩就買下咁-0-越買又好似越唔夠咁~唔知係咪自己平時少買野呢~因為通常零食都係屋企人買既~自己都好少會出錢買野~今次出自己錢,仲係買d自己想買既野~講真...食對我黎講..真係冇咩要求...基本上..放得落口既野..我都會食~(當然難食既野就唔會食啦-0-)!

以下就係我所買既野了~大家估下係幾多錢吧@@"

3枝道地綠茶 2pack蜜瓜荳奶 1pack出前一丁公仔麵 1袋airwaves(honey lemon)

2罐jolly shandy 1筒鬍鬚佬叔叔薯片~

買左咁多野都唔係好貴-0-~可能係我買d野都係平價貨....全部都減價~

所以都幾抵@@"

幾多錢呢...聽日開估到吧^^

今日考中史~尋都晚溫到幾夜....溫左4個鐘..8點-12點~

揀題目同左好多時間~諗黎諗去都唔知揀邊題好~不過考果陣都係唔係好識~唔知點解溫左都唔係好識答d問題~可能係自己真係太過懶...臨急抱佛腳~搞到考得唔好~

唉~下次要努力d喇~+.+

下晝空堂~不過都有野做~中文present...我只係一個搞gag的角色~d資料性既野..我冇參與到~因為我都冇預備過...所以由人地去讀主要既野~我就讀d好普通的就可以了~present完之後~就睇其他人present了~佢地既表現都不錯喔~除左billy..-0-

因為佢實在太悶了~一聽佢把聲就知悶到死.....我差點恰著=0="

一天就這樣過去了~繼續努力溫習....