今日放假~冇咩特別野做~上下網..打下機咁~每逢假期就係重覆咁做呢d動作~

下晝4點幾返屋企~未返之前同爸爸食大家樂~好耐冇去過大家樂~食左叉燒米粉~又係叉燒~悶唔悶d呀~>.<"

不過叉燒係我至愛~冇辦法^^~食完之後就返屋企了~返屋企冇咩特別野做~睇下賭場風雲~原來都幾好睇架喎~歐陽震華d演技都幾勁~連煲左幾集~哈哈~上網download仲好過係電視機度睇~@@"~

本身上緊網...比阿爸叫左出房~問我食唔食薯片~有薯片咩都唔記得~一路食一路睇電視~唔經唔覺就食左半筒~仲要係無飲水~問你死唔死..一定喉嚨痛>.<...

今日又有funtion~去聽講座~今次個題目係名人與學生真情對話-積極人生~何為積極人生呢?

我認為積極是一種態度，本身並沒有對錯，如果動機不純正、目標不對，或是為達目的不擇手段，這種積極才是不對的；或是目標達成後就得意洋洋，目標達不成就痛苦萬分，這樣的積極就是錯的。唯有當目標正確，作法正確，積極就會成為一種優點，會為自己、為他人帶來快樂。

今日聽葉詠詩講下佢奮鬥歷程、點睇人生~呢個講座同尋日果個真係相差十倍~尋日果個無聊到嘔~今日呢個總算有d收穫..最記得佢講左一句機會是留給有準備的人~我聽完之後覺得呢句說話無咩意思~我覺得機會其實就等於運氣~當你預備充足左唔同於有機會比你~例如我讀好d書~裝備左自己等唔等於會運用到你所學既知識係生活上面?就算你讀書好叻~都唔代表你會搵到份好好既職業~運氣一到~機會就會到~

我深信這句說話The opportunity is equal to the luck<---機會是等於運氣~我相信這個信念冇咩人會認同~但係我有咁既想法~^^

夜晚去左聯合醫院探人~順便去ok度買下野~買左雪碧+sandwich~買完諗住即刻飲~點知一開就噴到成手都係...勁慘..諗番起都激氣~都唔知仲咩咁黑仔\ . /...比汽水激親....>.<

今日有function~下晝去聽講座~未去之前...週會要為自己個社講一d野~好緊張~又係口震震~都唔知自己講緊咩~

講完就算了~第一年做社長~都開心架~不過我覺得...如果我做社長既話..其他人會覺得:玩野咩~果個懶到死既人做社長~個社想唔死都幾難~不過佢地咁諗都好正常既~-0-"...最有資格做果個都唔肯做~咁個波咪推左落我到囉~根本我就唔係社長既人選~只不過冇人做..先輪到我做~算啦~我都冇咩所謂~

下晝去聽講座~個題目本身好吸引既~評論歌詞~但係我第一眼見到果個人就知會好悶~果然不出我所料~佢一講野~把聲沉到嘔...想唔眼訓都唔得啦~我懷疑佢根本就冇為個講座預備~d人問佢問題~佢都唔知答左d咩出黎~佢只不過係睇住個powerpoint...我懷疑個powerpoint都唔係佢整~係人地幫佢整~佢講既野~唔係我想接收到野~可能我對呢個講座期望大掛~對呢個講座有d失望~聽完都5點了~返宿舍~原來阿權叔係咁好笑~話說佢係校車度~要整個算降台比輪椅落~點知個升降台落落下就比個雪糕筒頂住左~跟住個阿叔就話'點解會落唔到既?壞左呀?...跟住我話比佢聽個升降台下面有雪糕筒頂住左~佢話自己白痴~haha~很好笑~

今日呢個講座真係...1個字形容...就係悶!!!!下次比我見到呢個人個名~我就唔會再去聽佢講野~>.<

今日9點幾要去比賽~朗誦比賽..非常之緊張~搭校車~一去到已經係第4個人了~

我排第39號~有排啦~未朗誦之前睇下人地既表現..入到個hall..都唔知咩hall黎既~凍到死~著左冷衫都可以打冷震~原來朗誦有好多野睇架~...第一眼見果個人...咩都唔記得...緊張到佢~仲口震震~下下都要人提~魚到死~@@"...仲有好似去左動物園咁....有d人朗誦好似隻長頸鹿同斑馬咁~個頭要伸向前~真係笑鬼死我^^~!朗誦果個發覺原來自己拍手掌可以好大聲-0-"~當我拍既時候好明顯係大聲過人地~加上我又專登大聲@@"~d同學都話如果我唔拍既話...其他人就冇咁大聲喎~haha~^^"....個評判唔知點解寫得咁慢~5分鐘一個人~等到頸都長了..終於到我了~(果阿sir講No.39 Terry,Chan Sai Hing)...到我既時候好緊張~讀果時口震震~不過自問自問都ok啦~好過平時練習果時~好彩冇唔記得~唔洗人地提>.<~

朗完之後再睇其他人了...個身在不斷打冷震~睇完eason同billy既表現之後~最後尾果個係我以前既宿友~我一見到佢...我就認得佢了~幸好..佢都記得我~haha~!等攞成績~個評判講一大堆野之後就派成績了~80分~同eason一樣~都滿意啦~80分都唔易攞架^^~攞左成績之後返校學了~好急咁食飯~都唔知食左d咩出黎~下晝有3堂空堂~好野~!有得訓覺-0-v~...

很久沒有打日記了~竟然一個week都冇咩事發生~haha~真係古怪~

今日雖然唔洗去旅行~不過都要返學校到整壁報~8:20分到左學校~我竟然唔係最早果個><..有人仲早過我~

等齊其他人就開始整壁報了~整左3-4個鐘~不斷地釘野釘野~效果都不錯喇~話哂都係自己班整~果種合作精神~像瀑布般湧出來很有成功感~@@~不過就好鬼死累~原本好快搞掂.不過d字唔齊~要再print過~最後搵cutter~~一次過cut哂佢冇咁煩-0-

12點幾lunch time..食pizza hut~嘩~超多野食喔~兩個餐再加多一個批...成為651蚊~miss真係rich~第一眼見d食物好似好多咁~不過最後尾都食哂~最鐘意食薯蓉~對上果次食pizza hut係helloween~^^"...食完之後都1點幾了~個個人都等住放學~而我就等搭車返宿舍~未走之前同下miss wendy傾計~練下朗誦~星期一比賽喔>.<..好緊張~又傾左好多無聊既野~@@"..不過講真~好難有時間同miss單獨傾計~難得有這個機會~珍惜^^"

3點幾再上車返宿舍了~一天的生活就是這樣了^^v