今日11點幾起身~一家人去九龍灣度睇狗仔~未去之前就去左德福廣場到食野~叫了一碗雲吞麵~好快就食完了~近排胃口好像大了不少~成日一口氣就食哂成碗麵~我屋企人都覺得我厲害-0-"~之後就行下街~睇下野~德福都冇野睇既~好鬼無聊呀~行左一個鐘頭到就去九龍灣到睇狗展了~未入場見到好多狗係到鬥吠~未鬥之前就有牙齒印了~見到d狗好好笑~你知道咩係8哥嗎?狗的一種類別~佢地個樣真係好樣衰~我屋企人問''唔知佢地係朋友面前點讚自己隻狗既呢?係咪話佢好型仔呀~好威猛@@''~有時我屋企人講野真係好搞笑~所謂有其父必有其子~我話哂都係搞笑之人..屋企人當然係有番咁上下架啦>.<~

講下狗展既情況先啦~都幾好睇架~d狗仔好得意~比起我屋企果隻真係差得遠了~(雖然我果隻都得意~但係佢地真係超得意^^)佢地唔單止得意~仲識好多野添~我見到有一隻雪橇狗~佢真係超型..又大隻~靚到唔知點形容..真係好想養番隻>.<~仲有呀~佢又乖喎~識比手啦~叫佢right hand佢就比右手~叫佢比left hand佢就比左手~真係聽話到佢呀>.<~仲有仲有~佢識扮死~叫佢sit,趴低,轉圈..樣樣都得~真係勁到.....好無奈~見到自己隻狗淨係識得食同玩~真係比佢激死~不過算係咁架喇~總括黎講我果隻都算乖既~只不過係太過活躍~不過通常狗仔都係活躍d@@"~如果唔活躍你都驚啦~haha~

睇完狗展就返宿舍了~在宿舍冇咩特別~夜晚打下ps2~好耐冇打過~技術仍然都係咁好@@~haha~這天就係咁過左了^^v

今日朝早7:00起身~唔晏唔遲~換返件好傻仔既運動衫~除了運動會之外~今次係第三次著~算係破左記錄了~坐車時望下個天見到好黑~心諗..有8成都唔洗去了~@@"~今朝一返到課室見到好多本past paper...好厚..見到本數學就想死>.<"~今朝罕有地creamy入左我課室~感覺很古怪-0-~好耐冇見過佢會入黎(得我一個人)~

今日去西貢的大澳門旅行..感覺蠻不錯喔~環境一流~除左我地學校之外~仲有好多人~第一下燒果時~勁慘~勁比d野彈親~好鬼痛~之後燒都冇野了~今日總共食左10粒丸,兩隻雞翼,6塊麵包~食得都唔算好多~朝早既bbq唔係我強項~夜晚燒先係我最厲害的@@~今日燒烤的技術自問都過得去吧~自己燒的雞翼最感滿意~haha^^~金黃色的@@~絕無取巧~^^"

食到12點幾就停哂手了~食下隔離班既燒魷魚~嘩~未試過都唔知..原來燒魷魚係咁好食架>.<~連吃幾次~吃不停~之後就睇下人地踢波~其實我都唔明點解要帶個波去~又唔係地方大過人~萬一踢到人就唔好啦~不過佢地話帶~於是就好唔願意咁做左一個姑尼~帶足球~成個bag都脹卜卜~好唔方便~唉....算啦~一年一次~何況佢地係最後一年的旅行~就下佢地啦~

休息到2點幾就上車走人了~之後就入禮堂休息到放學~太relax了~^^

夜晚8點幾回家~放屋企之前去食壽司~叫了一個叉燒拉麵~食左兩舊鰻魚sushi~<---我最愛的壽司~吃飽了便回家了~12點就訓覺了~今日都幾累~所以都好早就訓了~^^"

依家唔係日日都打日記了~會否不符合日記的意思呢?究竟日日都寫無聊野~定係有特別事先寫好呢?

近排記性唔係咁好~不太清楚原因是什麼~係咪因為自己唔刻意去記住呢?一些不重要既事..真的很容易忘記~>.<~好耐之前本身要帶幾本書比人既~點知就拖左好耐都唔記得帶比佢~終於佢就無奈地叫Creamy提我帶~通常佢提左我之後就一定會記得~but都係唔記得了~莫非我真係'少年痴呆'?尋晚在自己手板上寫住''記得帶書!''今日朝早終於記得帶了^^"~你知道原因嗎?就是因為手係唔會唔見~如果我寫左係紙到~張紙可能會唔見左~用腦記既話又會好快唔記得~所以寫係隻手到係最好既方法~^^"

今日全日都唔算太眼訓~英文測驗測左兩日~超累~隻手未停過~不斷地寫字~整體來說都唔係唔識做既~只不過係做一d好普通既tense~will or going~present tense~煩死~仲要係幾張紙~中史堂派返d工作紙~得8分..20分滿分-0-~哈哈..下次又要加把勁了~(想想自己係咪唔適合讀中史)

聽日去旅行~我地班討論左要唔要買多少少野食~討論得好高興(不過我覺得佢地另外再加野食既話..會很wasteful~)因為bbq通常d野都係食唔哂多~好少會清哂~不過有多都好過冇~所以就建議了買雜扒,雜丸等bbq必食的食物~

仲有仲有~近排天氣涼了很多~提醒自己要著多少少衫~(今日好乖仔~著左長袖衫再加一件冷衫~^^"v)

今日星期二喔~頭三堂係週會+英文朗誦的試誦~之前果晚諗住背熟佢~點知背背下就訓左覺了~今日個個朗誦都唔錯喔...但係我就勁唔好~上到台讀得唔好+唔記得~(不過校長都話我讀得幾好喎~話冇讀錯字~反而eason佢地就讀錯左少少~)希望到比賽果時會好d啦@@"...27/11<----尖沙咀assembly hall..好緊張..唔知會唔會又出多一次醜>.<~"

今日整日都冇特別了~除左朗誦之外~^^"