今日10點幾醒左~幫grandma辦身後事~1點幾~好匆忙咁去食飯~食左半個鐘就去殯儀館了~每個人都要穿著定訂既衫~好努力咁摺紙~聽屋企人講話摺黎係想比grandma可以洗錢~不停係咁摺~簡唔中去燒下野~唔知點解..經過呢件事~大家的關係比以前close了~唔單止係屋企人~同親戚的關係好像也融洽了~平時都唔同佢地講野~但係反而今次又有講野~真的很奇怪~^^"~雖然係辦喪事~不過個個都有講有笑~唔會因為grandma而唔開心~原來辦喪事都有咁多學問~要教埋個時辰..先可以舉行儀式~真真正正聽到''來賓請留步..一鞠躬,再鞠躬,三鞠躬~家屬謝禮~當人地黎既時候~親戚都要跪係一個地方~表示答謝人地既慰問~有一part好好笑~揸fit果個法師不停咁行~有4-5個人一個跟一個咁跟住佢行~之後佢地無啦啦轉黎轉去~轉左4-5個圈~~又拋一枝點住火既火把~我好驚佢地撞埋一齊~如果真係撞到~就真係笑鬼死了~10點幾就完結了~大家都很累了~要換衫~成大班男人入哂去個廁所換衫~感覺很好笑~11點幾返到宿舍~因為之後果日屋企人要去大陸~我唔洗去~所以返宿舍~就咁就過左一日了^^"

運動會的一天~一朝早6:45分就醒左喇~唔知點解咁早醒~年年都係咁~一朝早準備出發~8點幾上了車~打下機~同eason玩psp的winning eleven9 @@"..不過架車搖下搖下..都唔知自己打緊乜~太陽又曬得勁~完全睇唔到部機~全日得兩個字可以形容...就是熱加累...唉..運動會真的不知點形容~好玩又唔係~唔好玩又唔係~好在就係可以睇到一班運動員果份為冠軍而努力的樣子~見下自己想見的人咁^^"~唔好在於每年都係咁熱~又累~但係今年運動會比較特別~第一運動會啦~第二係creamy的生日~但係我無送野比佢~唔知佢會唔會唔開心呢~>.<~雖然佢口講話唔洗送~不過始終個心都有d唔開心吧~唔知佢think咩~haha...算啦~果叫自己果時真係無$~如果唔係都買了~唉~後悔後悔~lunch time果d飯真係....唔知點形容..食左幾啖就冇食喇~跟住人地買左m記~人地又請了半個double cheese burger比我食~woo~我至愛喔~好耐冇食過了^^"~食完之後去擲木球集合..等左n世都未到~救命~運動會果日攞左一個銅牌~好過無啦~跳遠就無喇~自己無咩天份~比賽果時~頭兩次foul左兩次~第三跳先跳到~真係好彩跳到~如果唔係三次foul既話都幾魚架~擲木球...第一果個係eason...唔知點解佢拋得咁遠~第二果個...都幾遠架~不過唔係我地學校~原諒佢啦@@"~自己都算唔錯啦~拋左17米幾~算唔算遠呢?其實自己可以拋得遠d既~不過果時拋得好求其~~咁都有第三~haha~hapi>.<~等到下晝先有得睇接力~接力不嬲都係我地學校既囊中物~睇住自己學校放人地飛機~哈哈~很好睇~老師都幾好睇~d阿sir真係跑得好快-0-~超屈機~睇完哂比賽就上車走人了~5點幾散水~坐到7點幾便返到宿舍~一返到宿舍有人話屋企人會帶我返屋企~嘩~真係好呀~我不知幾想返>.<~合哂我心意~好肚餓~同屋企人去食糖水~不過自己就叫左兩碗叉燒拉麵~真係好食~飽了就回家~全日就係咁過了~很累很累~不過都1點幾訓~haha

今天沒吃早餐..食齋燒鵝頂住肚~整日都係好平淡咁過左一日~返學如常般~上堂恰下眼訓咁~不過今日數學堂好出奇地冇扣恰眼訓喎~唔知係咪專心呢~?所以一d睡意都冇~真的很難得呀~(我唔係anytime都恰眼訓架~你地要知道喔~>.<)..haha^^..今朝creamy好怪~無啦啦係門口say hello~因為心情好@@?定係咩原因呢?哈哈~無從判斷~今日中午食飯..嘩...都唔知咩黎既~係咁以食左就算了~跟住食下薯片填下個肚就算了>.<..下晝電腦堂~又訓左一陣...haha~不過無訓哂~^^"~今日夜晚出左去..未去之前去聯合醫院探下人~嘩~好耐冇去過病房了~有一d懷念既感覺~以前自己成日發燒~入院都入左n咁多次~依家強壯了喔~病也少了~之後就行下商場...無無聊聊地周圍睇下野~累了就去Mcdonaldo食下野~諗唔到食咩~隨便咁叫左一個apple pie+朱古力新地~嘩~好耐冇食過喔..真係好好食呢>.<...有機會既話要食多次先得^^v

今日係最短既一篇日記~哈哈~真係好平淡的~依家決定如果無咩特別事..都唔打日記了~等有d特別既野先打啦~ok@@?

今日1號了~咁快就過左1個月~時間真係非常快呢~回望一個月~都係好平淡咁過去~10月19日係我唔會忘記既日子~今日上堂.英文果個miss病左~有人來代堂~嘩~久違了的miss wong...悶到我死~唔單止係我~成班同學都覺得悶~求其寫幾隻字應酬下佢~佢講既野完全冇放在心上~今日又派卷~中史~只有9分~真的很多喔~haha~下次要加把勁~今日開左所謂既家舍會~不斷地你一個我一個咁發表自己的見解...你有你講..我有我講~你一言我一語~感到好麻煩~回想佢地班人~淨係識推卸責任~唔識一齊去解決問題~第一佢地年紀少~第二佢地無用腦去諗~就連執自己個locker都要set時間去監管佢地執拾~大佬~你有番咁上下年紀就識得自己去做架啦~洗咩人地set比你呀~餵你食飯好嗎?幫你做哂功課佢呀...仲有呀~你入得黎大仔房~起碼自己都有能力同自律咁做好自己既本份架啦~你依家黎到大仔房~就要人地幫你執番呀?個房搞到亂七八糟~一入到去有異味~好難頂~最正常都係我同Dickson~我同佢都頂唔順佢地~有一次佢地食完飯~冇人執野~食到成個枱都係食物~但係冇一個人去主動執野~最後當然都係我同Dickson搞掂個爛攤子~d職員成日都話'''比d機會比佢地..唔好自己做哂'''大佬~睇唔過眼就要出手架啦~你估佢地真係咁好自己主動去執咩~如果係咁乖仔既話~咁就唔洗搞成咁啦~在舍內有好多不滿的事~但無辦法~佢地還是小朋友~只有無奈的原諒~!

已經5日冇打日記了~心情不太好~不想去打日記~假期不斷地打機..麻醉自己心中的不快~努力地忘記這件事~今日總算是沒事了~假期不斷地想著msn的事~唔知係咪自己多管閒事~搞到自己唔開心或者加左d麻煩比自己~我唔知佢依家點諗~開頭以為自己好無聊~去管人地既事~人地想點咪又得佢囉~你咁得閒理人地仲咩呢?事件大概如下~我無啦啦比人lock左msn~唔知其他人有咩感覺~可能其他人會覺得~有咩所謂呀~咁執著仲咩喎~但我不是這麼想~我認為..每個人做一件事之前必須要想清楚別人的感受~就算是一些微不足道的事~都要有這個概念~我問過佢點解~但係佢只係話''用icq傾都是一樣吧~''佢無直接比答案我~只不過係換轉個方式去答~這算是完滿的答案?起初..我叫佢整番好佢..佢話整好~but顯示離示..所以我睇唔到佢online~but我一次又一次咁知道佢呃我~真係好嬲~之後都好少上網~日日都打機~有一晚~凌晨3點幾打左封e-mail比佢~希望佢睇完之後會諗下自己所做既野...不單令感到我不開心...仲有angry>.<...仲有都希望佢明白下我既感受~唔好嬲喔~知道嘛~^^"..現在想來我確實有d多管閒事~~不過事情總算完結了~忘記背後，展望將來<---我的座右銘^^