今日係入院之後既返學日~唔知你地有冇掛住我呢@@?今日依舊咁樣上堂~無咩特別事發生~下晝睇表演~未開始之前覺得果兩個男仔會講得好鬼悶~不過最後竟然係笑到停唔到~最搞笑既係佢地將''放下你的鞭子''果句野轉做唔同語言讀出黎~去到英文~佢唔識讀果個樣..真係笑死我~>.<~睇完之後就差不多放學了~今日好多功課..唔計自己欠果d~一大堆地放在面前...今日很努力地去做~今日放學clara問我拎禮物..心諗:很無奈-.-"...自己的銀包只有6蚊~你想我買咩比你?不過最後都送左比佢~有時禮物..可以唔係''實物''的...有心意的話別人也會感到快樂~唔知呢個送禮物方式..係咪無人做過呢?依家諗返轉頭~自己冇送生日禮物比Creamy...唔知佢會唔會唔開心>.<~不過確實沒有money去買~無奈地冇送禮物~自己都覺得唔知點咁...

今日朝早11點入院做檢查~要入6D...好耐冇見過6D了~感覺好像很陌生~見返d以前既nurse~真係開心喔~買了很多食物給我~4大包薯片@@"~哈哈~開心~!!入到醫生話要做好多檢查~做4樣檢查~心電圖,肺功能,行路測試~抽血~隔幾個鐘做一項檢查~做完之後又訓下覺~梳化加枕頭~感覺太舒服了~訓訓下又要做檢查~半睡半醒咁去做檢查~去到6點幾上7A病房了~見到好少病人~好靜咁~不過見到小朋友勁naughty~成日講核突野同粗口~人仔細細就講呢d野~幾時講到大?都唔知佢地邊度學返黎-0-~行路測試同隔離坐果個人一齊去~就係咁..佢就開始同我講野了~大家都有講下笑~輕鬆地完成左呢個測試了~直到夜晚訓唔著~於是就打下機...不過比nurse發現我用叉電器..比佢沒收了~很氣慣~無奈地做下功課..睇下書~12點幾便訓~醫院的生活就是這樣過了~^^"

今日朗誦試誦~個個表現都唔錯~諗緊自己點算好~背都未背過~下個星期二上台就口啞啞了~中文堂討論下人生既不同事物~每個人都要排次序~12種事物要揀5個去排次序~包括有A.健康 B.金錢 C.愛 D.名利 E.權力 F.親情 G.朋友 H.快樂 I.事業 J.知足 K.知識 L.美貌...我就揀左健康>朋友>快樂>知識>親情...次序唔係記得太清楚~不過我係揀左呢幾樣~我個人認為~冇健康就乜都冇得講~想做咩事都力不從心~所以我諗都冇諗就揀左健康為第一~跟住其他d次序我唔記得了~有d人揀左''愛''係好前既位置...我唔知點解佢地會揀呢樣~可能係我唔揀既關係~所以覺得佢地好怪^^"...唔知你地又會點揀呢?

夜晚在宿舍討論一下一個人既去留~意思即係留唔留個宿生係大仔房度住~我不嬲都對呢位小朋友無咩好感~一早想佢走~我係咁衰仔架喇~唔會比機會人~比都要睇下有冇價值~方你唔會一個月之或者一個星期打回原形~未投之前個個都覺得佢係衰仔一名~好多人都唔支持佢~未投之前本身個個都有自己的一套~不過佢地個個都比d大人說服了~話比次機會佢~又話我地做錯野都會比機會咁~令到好多人都投返佢留既一票~我一個人有3票~但係都影響唔到個結果~佢地話一個月之後再投過喎..我話佢地一個月之後一定唔記得~因為呢d野..好快可以忘記~話唔定佢之後真係好乖仔~唔洗再咩決定去定留~唉~就係咁~佢繼續住係度~唔知係咪好事~明天的事無人能預計~聽天由命吧~^^"

一朝早做下功課咁~之後研究下新既memory card~for psp~180蚊~很便宜~話哂都係2手~當然平好多啦~急不及待地入下歌仔~

張敬軒隻碟很好聽喔~推介:笑忘書,餘震,老了十歲....不過隻碟唔好之處就係d音樂大聲過佢把聲~遮哂佢把聲~如果唔係隻碟都幾好~佢唱慢歌真係超好~千其唔好唱快歌~會嚇親人的~