今日30號~沒什麼特別野做....回顧番呢一年屋企既生活~

都係冇咩特別~可能係住宿舍既關係~同屋企人既關係都比較疏離~甚至可以講到冇計傾果種~佢地發生過d咩事..我又唔知~我發生左d咩..佢地又唔知/冇興趣知~所以我每次番到屋企都好少同屋企人傾計~最多都係講d無聊野...

媽媽講得好岩~因為我住宿舍...所以同屋企人既關係冇咁close~但係住宿舍既我~的確學會了獨立~有咩事都係自己解決...我知呢d野..係人都識~但係對於我黎講..如果我冇住過宿舍...我應該係一個唔識自己解決事情既人...可能仲係一個只係識依靠別人的一個小伙子~

在我眼中的媽媽..是一個很家庭主婦的人~每日放工都係預備夜晚既晚餐..煲湯~為屋企付出了很多很多~

爸爸是一個非常勤力的人~每天都努力地工作...但係太過著重金錢了~好多時因為錢而同媽媽有爭執~

家姐...不太清楚了~沒什麼好說~好少同佢溝通~

阿哥...在家中和我傾訴最多的一個人...但是傾訴的內容都是普通的事...例如最近有咩遊戲好玩....=.=

06年既10月19號...我永遠都唔會忘記的日子~看見嫲嫲的離去...家中每一個人都感到沮喪...而我也因為這件事..而唔開心了幾日...或者佢走了..對大家都係一件好事~起碼佢唔先繼續咁辛苦去捱日子~

07年..希望同屋企人關係會比上年好...亦希望佢地個個都身體健康吧^^

今日冇咁悶~雖然icq仍然係上唔到..不過上網睇到人地教用網上msn~就係用ebuddy喇~未上過都唔知原來呢個網係有msn的~@@

<---個公仔都幾得意架>.<"...一上msn...都好少人上網喎~因為好多人都上唔到網呢~不過個網就好鬼慢~收message又慢~回覆又慢~不過有msn都仲好過咩都冇啦~之前好似與世隔絕咁...同外界完全冇哂接觸~好似番番以前56k年代咁~

上上下個網又hang左~真係比佢激死呀\ . /~仲左上網都冇咩特別野做了~

夜晚整整下個ie~又比我上到msn喎~係windows live message果個~真hapi喔^^"

夜晚諗住幫psp整d野~點知壞左~唔郁得~好唔開心~希望可以整得番啦+.+

今日全日都上唔到網~msn同icq都上唔到~開頭以為自己部電腦有問題~係咁重新開機睇下會唔會上得番~

跟住睇下yahoo新聞同阿哥打電話比我~原來尋晚台灣果邊地震~震到d網絡都瓜埋~連香港都受到影響~

今日無咩特別野做過~睇左6集賭場風雲同幾場波~做左少少功課~睇下書...vcd~全日勁悶>.<......

夜晚冇野做...但係都睇埋馬騮仔先訓~希望聽日上到網啦>.<

今日boxing day喔~唔知大家又收到咩聖誕禮物呢~?而我今年就冇聖誕禮物喇~不過都唔緊要~係屋企度休息下都算係一個聖誕禮物呢@@"~12點幾去左荃灣飲茶~因為阿爸架車要攞去打蠟..所以先要去到咁遠~飲完茶去商場行下~見到soler佢地~都勁靚仔喎~同電視個樣差不多~不過睇睇下又好似真人好睇d^^"~5點幾返屋企...無咩特別野做過~

夜晚7點幾打邊爐~幾好feel~咁凍既天氣最岩就係打邊爐...我都唔知自己食左幾多墨魚丸了~10幾~?定係20幾?

一邊睇電視一邊食~正喔>.<v..最後d丸同腸仔比我同阿哥食哂..haha-0-"....

食到飽了..就繼續睇頒獎禮~不過新城既頒獎禮不嬲都唔好睇的...因為分豬肉~個個都有獎攞~超級求奇~有d獎都唔知咩黎既~係有比唔係又比~不過算啦~係要咁樣先至配合到佢地年年分豬肉既模式~

夜晚12點幾睇齊天大聖~之後就訓覺了~今日雖然冇咩特別野做過~但係就比起以前更加鍾意打邊爐~haha^^"

聖誕節喇~祝大家聖誕快樂~post下尋日影既兩張相先^^~

<----張相靚嘛~@@?

今日聖誕節冇咩特別既野做~要玩尋日都玩過了~