９月１１呢日，
真係我係大日子囉，
冇啦啦比條女摑左我一巴囉．

諗係都勁嬲呀，
事源係今日我係元朗既某一間書店度打下書釘咁，
跟住冇啦啦撞到ｋ先生，
傾左２句之後就繼續睇書啦，
跟住借左ｋ電話打比個ｆｄ問少少野，
還番部機比ｋ之後，
我又繼續睇我既書啦．
冇耐ｋ就走左∼
係我係度揀整跟住睇咩書既時候，
冇啦啦有個戴白邊紅框眼鏡，啡啡地卷髮既
著住黃色有花邊短外衣＋一件灰灰地又棕棕地色既面３，
手帶銀手鏈，下身係短黑裙，拎住個啡黃色既手袋既胖女人行埋黎
〔我點都會記住佢！！〕
跟住冇啦啦一巴摑落我既左臉度，
同埋講左ｄ極難入耳既說話ａｎｄ話我做咩溝佢條仔，
我完全唔知發生咩事囉，個個女人我又唔識既，
３唔識７冇啦啦一巴摑落黎，仲要係超大力啵，
拍一聲，成間書店ｄ人都睇住哂．
我唔知佢咩事囉，
同埋我個日除左借ｋ既電話之後，都再冇借過任何人既電話，
那位女士我印象中係冇見過既，加上佢大過我至少幾年啦，
我都冇咩可能會得罪到佢啦∼
仲有既就係，佢打到我塊面紅哂同腫左囉，超核突！

而家ｄ女人真係痴痴地線咖，
冇啦啦打人的！

佢講完之後，就接到一個電話，聽得出係個男來的，
但唔清楚講咩，
個女的就答唔知咩你仲咩打比我呀等，
嘩，個條女ｘ我個陣就鬼死咁大聲＋咁惡，
而同個個男的就咁細聲，
就係變得超快囉．

跟住個女人就好急咁比錢ｂｕｙ左本書同飛出去，
而我？我就真係摸住塊面，呆左係度，比唔切反應，都唔知咩事．

咁大個女，比人真係好大力咁摑落黎我面度，
真係第１次囉，仲要係唔知咩事就比人摑，
２００５年９月１１日這個大日子，
我唔會唔記得！

今日去左ｋ　ｈｏｍｅ，
但係呢，佢就好累，成日都係度ｓｌｅｅｐ，
於是，我就幫佢按摩啦，
到累啦，就訓左係佢身邊，
一訓就訓到５點幾６點度，
中途都有醒過下既，
醒過見到佢攬住我，呵呵，
有時就錫我咁，
不過佢就冇真正咁好清醒過啦Ｔ．Ｔ

走個陣我漏左ｋｅｙ係佢度，
搞到夜晚比呀媽話，
要第２日再去多次－．－ｖ

但係凌晨１點幾個陣，接到個電話，
搞到我喊左－，－ｖ

今日ｄａｙ６乜堂都有，辛苦死我Ｔ．Ｔ

中文個篇聆聽後感ｍｉｓｓ話我唔夠具體，星期一又要再交過．．．都唔知咩ｍｉｓｓ來的！
英文就ｌｉｓｔｅｎｉｎｇ，悶到訓著左，
數學個呀ｓｉｒ今次唔係咩蕉，橙等，
而家男人搵女人，女人搵男人，基等，又狂講佢以前教既一間學校ｄ同事係好多都基既事比我地知∼
ｐｈｙ，ｃｈｅｍ同ｎｉｏ我已經唔聽書了，係度睇書〔倫理學的〕就好過得多，
而電腦就都唔多野做，不過行上行落辛苦左ｄ　ｊａ∼

同埋放學個陣又要淋雨了，
尋晚開始病病，有咳又流鼻水等．．．

食完野，陪ｆｄ去銀行拎野，跟住就去左十大啦∼！

期待聽日見到ｋ先生，呵呵，我要個好溫暖的抱抱呀，你要給我呀！