今日一早返左學校，點解？管樂團有演出嘛∼表演俾d Form 1 睇．9:00a.m.返到學校，一上樓，就俾d高form當做form one 仔，唉∼跟住就rehearsal啦，tune音tune極都唔arm，搞到d聲撞晒，不過後尾都好d啦．10:30就去左禮堂側面果到等．哇，聽果兩個司儀講野真係悶呀，又細聲wo~上年都無咁細聲．終於上台啦∼都唔知邊個拎開晒我地琴日掛好晒d凳，搞到要係台上搵凳．唉∼都唔知點解，之前練得幾好，但係竟然爆音，真係…不過整體梨講，成隊band都唔錯．

演出完，繼續坐係台上，有d人要做Demo，哈哈∼梁嘉誠之前俾Miss Tang點名做Demo呀∼郭知樂逃過大難．梨返台上，Miss Tang叫梁嘉誠俾d聲梨，佢竟然俾個長音！我諗佢意會唔到係要俾一段音樂掛∼後來吹左兩句天空之城．跟住其他樂器做埋Demo就落返台lu~不過未返得屋企，要去攞書，之前訂左，今日攞得，Listen In & Music．以為11:45先攞得，點知11:00落到去竟然攞得，我即時去掛隊，好快攞左．一出學校門口，見到郭知樂企係度，原來佢唔記得帶錢攞書，係度等阿媽拎錢梨．咁我咪陪佢等，反正唔趕住返屋企．等左差唔多半個鐘，期間見到「佢」返學校攞書^^．蠻開心．郭知樂終於都有錢啦∼但係依家條龍係勁長，有排等喔∼排緊隊果陣，郭知樂話叫埋我去食飯，我自己就無乜所謂，不過要打個電話返屋企，點知學校個電話竟然暫停使用！so借左郭知樂個電話梨打．上左一樓打，落返梨見到「佢」走lu~同佢傾左兩句，但佢走果陣竟然講左一句：你去同郭知樂傾囉∼我問返佢：咩野意思wo~但佢掉頭就走(好似笑緊)．\ _ /咁算點wo~

終於等完郭知樂攞書，then去禾輋食飯，$22食左好多野，食到好飽．之後搭車返屋企．