今日係明明表哥結婚既日子,下午我換好套飲衫後，就落樓下搵明明!之後就一齊搭的士出發去黃大仙福夗酒樓會合!原來明明著西裝都幾好睇呀~個感覺好特別,睇落去比平時斯文得多...... hahaha!到達後我0地就去搵佢表哥祝賀~我見到個新娘,覺得個新娘都幾靚女呀,原來佢表哥都幾有眼光喎~!之後就幫佢表哥手招呼客人,由四點幾等到成九點幾先有得食野,超餓呀...真係差d餓屎我了 ~終於到食飯時候,嘩...見到d野食超正呀,全部都係我最like食既野,有乳豬,蝦球,雞絲翅,糖水等等......勁食勁食,食到好飽!但我隔離個件都幾好野~唔使食都可以好飽,因為佢勁飲紅酒,飲到唔識停,拉住佢都仲飲,企都企唔穩仲同我講話冇碎 ~真係要比個叻佢呀!飲到大約12點就走了~本應諗住明明飲到咁碎,佢都送唔到我返屋企ka la!諗住自己走,點知佢又唔肯,話擔心我,一定要送我回家先安心!其實佢飲到咁碎,我仲擔心佢啦~不過佢又真係幾好野,送完我返家,佢仲可以自己一個返到屋企,真係服左佢~佩服佩服......

    我同明明影既相相~

今日係06年4月12日......亦係我同ming ming既happy紀念日,好開心呀~ ~!ming ming佢今日放工就出左去葵芳拎花花比我啦~佢拎完花花就去我樓下接我再一齊去尖沙咀行~好攪笑呀!佢同我講話係條街度拎住d花行,見到有好多人望住佢呀...有d仲係度笑tim~haha真係笑屎我啦~!梗係啦,又唔係d咩節日,冇啦啦有條友係條街拎住d花,我唔識你都會望下你啦..傻瓜 佢仲送左一條好貴既頸鍊比我呀...我簡直係開心都喊囉 ,不過都要罵下佢呀~! 咁大使,買咁貴既手飾比我~!因為我真係好擔心你唔夠錢使呀!你又知道嗎?不過算啦.....條鍊我都好中意~之後我地仲去咗新港中心個間和民度食晚飯tim,叫咗成6碟野,食到好飽飽呀~!我最中意食就係佢果個吉列豬扒鍋呀...好美味呀~!諗起都流曬口水呀!食完之後大約十點幾,佢就送我回家了~!希望年年都係過得咁開心就好啦~!呢日又係happy day...我會永遠記在心中~!

d花同鍊真係好靚靚呀,所以我都忍唔住要影返幾褔相作留念呀~!

睇返先知,原來我都好耐冇打過日記啦......今日兩點幾就同明明出左去葵芳食日本野,個間日本野簡直係平靚正,阿sum果然係冇介紹錯呀 ~!之後食完野大 約三點鐘,就開始起程la~我地搭mtr去香港站再轉260 or 6x巴士直接去赤柱,架車都好快去到,大約20-30分鐘都到了.....四點半就到達赤柱,我哋第一站就係去左赤柱大街,個度有好多古董同掛畫賣呀,另外仲有好多唐裝衫賣,但係就唔覺有小食賣,之後我地仲行左去近海邊既石上面坐係度傾計同影相相tim, 明明好攪笑,成日好擔心我跌倒, 哈哈哈 ~!跟住就去左海灘行,好慘,對鞋入曬沙仲比蚊咬左兩啖tim,d蚊只係識得咬我,又唔見佢咬明明,激死我了~! 我地一直行仲路過英軍墓地,之後掉頭去另一條路行,路途經過好多清吧,個度好多外國人飲酒~!再直行,就去到赤柱廣場了......個度有大排檔...m記...百街....同好多貴餐廳,我地行到咁上下時間就去左赤柱露台餐廳食晚餐,價錢都ok既,環境又舒適,又see到曬所有靚景,每人都係百幾蚊就埋到單了,我地大約九點半就坐車出返中環,返到home都成十一點了~!今日真係好開心呀 不過另外仲有地方未行完ka~但太黑la~唔敢行入去,咁就留返下次再去過啦~!

頂.....今日真係好激氣呀~! 做做下野都唔知咩事wor~!老闆帶埋一個新miss返黎~!

仲同我講叫我教佢do野....之後先知咩事~原來佢係代我個位...我真係好嬲囉!咁突然，事先又冇通知我喎~

佢真係當我死既... 仲懶係辦哂好人咁~!勁行LOW~平時成日串我、我呢排都忍唔到佢LA~都開始發癲串返佢啦~!

點知佢仲屈我,同阿SIR講話係我要咁急走~~!嘩..頂呀!即時火都黎埋沖左出去喎~ 之後我幫佢做D野都係交行貨比佢~

理得佢死LA~!都唔關我事LA~到時唔好唔夠人手又叫我返去做呀~到時我實串返佢!正衰人.....衰人.....衰人....死狗璃...正賤人.

但我都知D同事都好唔捨得我KA LA~ 放心LA~得閒大家約出黎食下飯啦~你地要多D搵我嫁....BECAUSE我唔多打電話比人

KA~!KI...KI...KI~

今日下午出左去mimi屋企叫佢教我織頸巾，順便教埋我收針，不過到最後都係唔識，超無奈呀.... 我去到仲有同佢個兩隻貓咪玩呀！仲影左幾張相相0忝...開心屎我啦！之後仲同佢個fd一齊打麻雀0忝…玩到大約7點就同極樂、阿b、麥穎一齊去左葵芳行街街呀！仲去左kfc食dinner，行到大約10點幾就回家了~p.s葵芳d佈景好令令呀! mimi屋企既貓(bobo)

我同阿妹係葵芳影既令令相相ar~靚女ma?