單車…最近經常不自覺地哼起來…


腦海內不斷浮起前幾日既一件事…果朝早既劇情實在令我意想唔到。

當揪住你既工具箱,心 嘩左一下:做乜會咁鬼死重既…

我揪住行左半分鐘,只係短短既半分鐘…而我老豆就揪住尼舊野行左半世…

當我放手果一刻…握一握拳頭…乏力了…原來我頭先係用盡左力去揪住果個箱…

再諗下…我老豆日捱夜捱,用勞力,用青春去換返黎既錢…

而我…唔洗流一滴汗…不費吹灰之力就拎走佢d血汗錢…

佢賺錢 賺錢 賺錢,  我洗錢  洗錢  洗錢

就係尼一刻…我懊悔,我羞愧……


 不要不要假設我知道 一切一切也都是為我而做
為何這麼偉大　如此感覺不到

想起你對我既勸勉…我會繼續努力的! 

     一場我好鐘意既情節. 現實中應該做唔到嚕…

我受夠喇!! 我係咪真係咁好蝦? 係咪真係咁好蝦?

係咪肯蝕底D…就係乜都要入我數???

講真我真係唔會太計較D乜野~

套片係我自發性話去拍、話去剪~有冇錢我都會去做~

我唔係睇錢做人~睇錢既 我就唔會做義工!

係 ~!  CM   ~我係收左錢~理應更加落力去剪片~但我有剪丫~

我係有良心! 我應承左話去剪~我點都會交貨~但你明唔明啊~有好多野你係未知架~

我都要返學架~我之前要係咁考試架…我放5:30 pm 我都照搭一個鐘車~捱住肚餓過黎LA..

我下下都10點幾先走…你又知唔知啊~又有好多次我落到黎,有人霸住部剪片電腦,我剪唔到,

白行一趟,你又知唔知啊??  冇人開門,我食白果 ,你又知唔知啊??

係!我係格仔茄,係攝影組,但唔係好熟剪片唔係罪黎架...我又唔係成日用…

OK~係~~我唔識用d軟件…我咪去學囉~學都要比時間架~我唔想交行貨都有錯??

仲有d剪片錢唔係我一個人要哂架~仲有一個人平分架~

到頭來,你係剪片房見得到最多既人係邊個AR? 

個300蚊  比D車費啊、夜晚食飯錢都扣得七七八八喇…

我為錢,我就唔會咁落力去剪喇!  我為d乜姐!?

我唔介意由我一個人捱義氣啊!!但我係介意點解由始至終都係得我一個肯去捱義氣!!

整片如是,整Board如是,做義工如是,搞義工組如是!  一年復一年...

我仲要撐到幾時?  堅持到幾時?

今日我本來要溫書,我星期一考英文,但我又再一次捱義氣神咁早去側魚涌,我今次好驚遲到~

所以我起早身~早出門口,早到三個字去到! 但仍然有人放飛機,咁我可以點?

硬住頭皮睇完個show…諗住拿拿林諗住返屋企溫…但又諗起聽日中心乜Q報名日,

我想v-net套片聽日有得播~

於是又返左去葵芳,想剪埋d手尾佢…撞見cm話急召義工帶蕭明…咁.遇到咁. 我又可以點?

幫!  帶完蕭明六點幾又返中心,終於可以剪,搞搞搞,搞到11點,正當我大功告成之際,

我禁save all尼個濟…頂!!部腦輕機…乜都冇哂…我又可以點啊?

即管笑我…話我~ 話我死蠢丫~唔識拒絕~話我懶丫~咁耐都未剪很掂~

但你地又知幾多? 明白幾多? 

好辛苦啊…我做咩要搞到自己咁辛苦… 咁多野煩?

我都只係個普通人…吃力不討好…冇個有心! 仲可以搞d乜?

講真…有邊個會肯去關心個組、主動去承擔?   哈....

有熱誠…肯犧牲…會負責任…           who?

火都熄左一大半…喇 

好人都做夠?

唉…激死! 

so so so sorry~向今日等過小弟既兄弟姐妹們致歉~

實在太小看搞細節所需既時間 同埋 旺角既人流....

今日終於達成左我長達大半年既承諾…講返都有點兒慚愧…

縱使我有一定責任…但做事有時都要睇天時地利人和既....(狡辯中>0<)

anyway~終於訂左波衫~26/5有新波衫著~好開針~

夜晚去左同sumyee ma食飯~完成埋另一個承諾~

多謝哂sumyee ma萬歲~

多謝哂god~

新波衫率先睇~

一個字.…型爆~!    你話係5係?        你:「係!」

仲有你…我仲未請你食雪榚…幾時比個機會我ar>0<

細個果陣…我好羨慕人地打波勁…甚至妒忌…

不停輸波…不停咁反問自己…點解人打波,我又打波… 點解我打唔嬴佢地…

點解我成日都係執邊睇果一個？

細個果陣…我又好羨慕人地讀書勁…甚至妒忌…

不斷成績差…不停咁反問自己…點解人讀書,我又讀書… 點解我高分唔過佢地…

點解我成日都係台下拍手果一個？

十八歲了　　　成人

我依然係打波屎　　　讀書差

但我知道問題唔係人地度　　　係我

自作孽　不可活

尼句話　聽起黎好似好衰咁…但細心諗下又不無道理架喎…

你唔努力打波…自然屎…你唔比心機讀書…唔通成績會名列前茅!?

時間　神就比左你喇…想要D乜野就自己去爭取喇…

有一首歌我想點比我一個好好既朋友…佢依家仲活係痛苦當中…我都唔識點安慰佢…

唯有借歌共勉,盡一點心意~

天下太平 　 張學友+陳奕迅

曲：伍樂城
詞：林夕


(E) 沒錯 大戰差點觸發過
他與她爭拗後果 各有各突然離座
(J) 結果 面對分手的痛楚 當初相好化成干戈
回家先知肚餓 寂寞地食無花果
 (J) 恭喜欠伴侶也可 憑懷念難過
(E) (身體壯健也是成果)
(E+J) 便算他的最大痛楚

(E) 失戀算什麼 失去什麼 當初兩個 變一個 獨立如初
(J) (日後或會講和 仍然留住兩臂 ）
 (J) (問）孤單怕什麼 只怕人多
(E) (日夜任意消磨 隨時流淚也可）
(J+E) 多麼折墮 ３x（即使一個）
(J+E) 也最多 去學情歌 將功補過 (Yeah Yeah Yeah Yeah Yeah)
a3 (J) 沒錯 別理中東的戰火 會相愛竟不會諧和
當然得不到結果
(E) 結果 沒理英超的賽果 記憶裡只得這場風波
留低雙輸結局 靜坐並沒人撫摸
(E) 假使這是個結果 遺忘後來過
(J) (饑荒戰亂卻沒成果）
(J+E) 沒有槍傷已賺夠多


(E) 難道世上唯有愛情 (J) 爆發難過劇情
(E) 這樣便去怨命 (J) 世界亦算太平
(E) 有自由去再度 (J+E) 選個喜歡的背影

(J) 孤單算什麼 一個人多
(E) (異域沒法講和 和平從未永久）
(J+E) 勾起戰禍
(J+E) 愛最多 跌入漩渦 失憶好過

孤單算什麼 算什麼
失戀算什麼

分手了還有心 毋忘受傷的寶訓

擦光所有火柴難令氣氛像從前閃耀
至少感激當日陪著我開甜蜜的玩笑

==================

其實我都有少少明白…

振作!　努力! 

    笑