6月3日

今天早上..我地去左食早餐..終於唔使食粥..但係d野冇咩味..唔太好食...

之後我地去左學整泡菜..之後我地又試穿韓服..我穿左兩套..不過有d穿起龍袍唔似太子咁既feel..都係穿中國皇帝衫似d呱..不過如果唔帶glass穿藍色宮服再正經d真係似的...

玩完一輪..我地去左睇人參同真珠草...我都唔明點解叫真珠唔係珍珠...但係佢取音是由於隻藥好似珍珠wor==...

呢兩度真係好貴..一盒野成3000幾港幣..我都想食d補野..不過就唔想父母用錢..而且又唔係好好味..咁就話唔食啦..呀爸話買少少比我..用黎醫下我d氣管...但都比我拒絕左..

之後去左食飯..呢餐食打邊爐..餐餐豬肉..睇黎我回來都要豬戒...

食完我地去左戰爭紀念博物館..影左d相..想買頂帽..10000韓幣....買刀key扣1000韓幣..果時又決定唔到買..真係好靚...

之後去左利泰園同埋明洞shopping..成家人買左20對蔑..佢見呀媽冇買又送多兩對..用左22000韓幣..食左個mcdonald+1杯coffee都6900韓幣..幾心痛..

之後本身想買個key扣..係韓國鼓..之前賣2000韓幣一個..今日見到有個有鼓+人型公仔幾靚..佢話8000韓幣10個..1000韓幣一個..

咁有朋友又搭我買比佢..加上近何b生日..就買左10個..仲比呀爸講到7500韓幣...本身7000.但比佢發現我地有7500..其實我地仲有幾多10000韓幣起身..最少我身上有兩張...

起韓國d錢好大面額..身上袋幾十萬出街都唔太奇怪..都係幾千蚊==..真係好型..我身上都有2萬蚊..哈哈..

今日食左個32cm高的雪糕..1000韓幣很抵...韓國人搵錢好多..麥當勞都15000蚊港幣左右一個月..所以1000韓幣差唔多係最平..少過一千的通常都係小食或搭車..都唔常見咁~因為而家1000韓幣先換7.5港幣

今日我好豪咁送左個10000韓幣的手袋比呀媽..但係要我今個月出糧先比到佢...其實番工一半錢都比佢沒收左了=0=..不過我估佢都係幫我存架姐...

今日買左隻我想買好耐的白色錶...都係5000韓幣..姐係40蚊都唔使..真係抵...但係係小販到買..都唔知好唔好..

但韓國個特色係成街都係咁..我估係文化黎呱=0=...韓國有d野真係有d令人費解...

晚上食完豬骨湯後..去左南山塔..終於有係似外國很多的地方..其實琴日個夢幻樂園都係似..影左d相..呀爸影d相唔係斜就係濛..激死==...去之前落大雨..去到冇雨..真感恩...

晚上番黎買左個辛辣麵食..好食真係買番箱...個導遊講野好正..好想聽多d..

明天就回去了..來之前驚冇電腦打機悶..點知而家有點唔捨得..番去之後又要努力工作...好想再去旅行..

我唔希望家姐8月番黎住..因為佢唔番黎我地就可以過去澳洲..又有得放假..但我驚呀爸到時又反口唔去= =咁就雙失了...

講番一齊食飯...果家人果兩個女仔..個樣ok的..但係真係好串..彩都唔彩人..個父母都彩下人..但都已經唔係太好相處..果兩個女食完就閃人..

真係心諗..你地憑咩串先..= =睇佢地個樣..書一定讀唔成架啦..自問名校出身..串都我串先啦..講工作..睇佢地都唔做野架啦..我雖然係柯達員工..但話晒都比人派左去稅務局幫手..都叫做政府人士丫..真係職位權力知識多方面才能都好過佢地= =...又唔係好好樣= =

真係唔知佢地憑咩咁好似好高貴咁......自覺真係串都自己串先啦= =心中有點驕傲真不對.......

5月30日

今天是畢業天..早上我想同方成泰去釣魚..但係出門前下了數分鐘雨..當我地決定唔去時..個天又好天番...

打左一陣機果時..9點半左右..突然上唔到網...之後打機都冇得打...只可以起度玩psp...

下午去畢業禮...見到黃榮果d..老實說...成日比佢串...我話果兩毫子唔要就算..明係益人..佢仲要罵我又話咩人地唔要..咁就算啦..可能係真既..意思係我唔識體諒人感受..不過我做得唔好就係頂撞左佢一句..講左句唔係太好既野...

但係之後鍾栩靈定佢做左d對我冇禮物或者係可以話係唔體諒我感受既野時..佢又好似當係好岩同理所當然..老實說..對住佢地真係想反胃..

今日本身上唔到網已經好唔開心..仲要比人當屎咁踩..仲要強行歡笑...今日知道左原來我同康倚華中史同分..但我係78.3..即係佢係78.4..即係輸0.1..感受好差...但係又可以放下一個重擔...

我覺得係老師唔想比我..可能我操行得65同埋平時又唔係扮到好乖..不過佢真係乖又讀書叻..呢個獎佢囉真係佢聰明..我背晒都唔夠揪就真係冇計啦...

但我係唔會沉既..上到cpu中六我一定打沉佢(比人打沉多n次= =..因為係essay我最差果樣多...)~

之後補埋ko ten就回家..都係上唔到網...bath完落去食完野就去搭車去機場..幾日都訓得好少..好累..仲要趕夜機..12:30先開..

5月31日

今早到左韓國..本身以為直接再飛去濟州島..但係又唔係wor..個領導叫呀sam..個樣好靚仔...又有點似鄧健泓..但靚仔好多...

本身除左覺得佢靚仔對佢都冇咩好感..但佢穴排d行程雖然亂左本身行程..但處處都係為我地著想..貼錢都肯(d錢都係公司比既)~

同埋佢講野好得意好有趣...真係好正...

我地首先去左浸溫泉..一冷一熱咁我真係有好幾次暈暈地..差點暈我驚..之後訓左一陣就上車..去左賭場..咁我梗係唔入去架啦..

咁我咪起車sleep囉..成車得我一個人...之後起身都已經到左飯店...食石頭窩飯加火鍋..正..但個人唔係太有胃口...

下午飛左去濟州..睇左條神奇之路..真係唔係親身試過都唔信..成20條友起架巴士上熄左車匙架車會自己向前行..其實係一個錯覺..因為果度睇係向上..實際係向下..

我地又去左龍頭岩...果然係3分事實7分想像先睇明==....今次見唔到d海女..真係可惜..等多幾年佢地退休就絕種啦=0=...

今天到此為至.......

6月1日

琴晚訓左一覺..今日好好多...一早我地就食左鮑魚粥+d野..之後就去左日出峰..即係大話妹套戲既拍攝場地之一..影左好多相..又閃人..

之後去左一個叫城邑民族村的地方...知道左當地的文化..但係果度都係叫人買野..但唔多人買..我地都冇買...之後下午又食韓國濕燒

再去左柱理節狀,,都係要3分事實7分想像..但都唔知有咩好影..但景色幾好...

之後又去左將軍石度睇...即係大長今其中一個拍攝場地...又影左d相..呢排like左影花花..

再去teddy bear博物館..影左好多相相..呀媽買左隻扮牛的熊仔..haha..再去睇天帝淵瀑布..但係都唔係太靚...

我地去到樂天飯店..果度比我地住果度d景同地方靚10倍..但係好似話間room就冇咁靚...去到果度影下相...

晚飯食左人參雞湯..正..之後去左地下街行..行完終於完左一日...就酒店去.....

6月2日

今天我地一早起身..食左同琴日一樣既野..之後就搭車去..飛番去首爾..

到左之後..下大雨..大家都擔心緊..但感恩..去到夢幻樂園就冇雨...

得3個鐘左右..我地睇左動物園..有sam哥所講獅子同老虎混種的..佢話叫獅虎或者老子定老獅...好爛..又話叫liger= =..

仲有d熊熊..會做請請的動作..又坐起度...好得意..仲有佢地唔係食肉而係食餅的...這是我親眼見..但係普通餅..

不過sam哥話佢地係比樂天熊仔d熊地食= =..第一天坐車隻熊起身邊..haha佢地真係好q..好想捉住佢地抱下tim...

之後又去左動感影院..都唔錯..但ocean park好似仲勁..之後又睇左d動物..有鳥兒表演和四季花園..坐一架超細火車兜一個好細的圈==

之後買左隻白老虎仔key扣...出番黎影下相...成團人都幾融洽..只係有家人有兩個女..我估佢地同我咁大..睇落去應該大我少少..但係一睇就知係rap妹..佢地係唔點彩人(唔係我同佢地講野)..呢句野係我老豆講既..

其實我覺得佢地成家都係咁..不過都係唔係太理啦呢d就...

今日晚上食乾燒...有落冷雹..出去睇時冇左=0=...

今晚都好早回酒店..好先進..但係今次個bathroom細過琴日的...但2樓有得上網..都好正了...

感想:韓國d有高少少職業女人好有禮貌..其他唔係好知..但男人係好冇禮物..聽說會起街隨便打人是可以的..只要你比他年紀大就可以了...

而且好多野係益本國唔益其他人..仲有好多野....好似電話起國內賣70定700幾蚊左右但起香港要賣4000幾..仲有外國人起韓國睇醫生買野都要比多3倍多錢..

同埋韓國雖然有少少似外國..但大部分特色同中國都相似..尢以城市特別似...只係四處都係韓文..=0=....

韓國係大男人主義社會..睇黎都未達平等狀態...

明天好多行程...仲有後天晚上才回香港..待續

明天就去韓國了...本身應該好開心的...但每次旅行前總會驚呢樣驚果樣...

唔知點解次之都係咁..想起之前做好多野..好似好大遺憾咁..希望今個旅行真係開心先好...

今日番工..好累...應該打錯一定的野..但未太比人發現..其實我自己都唔知有冇打錯先岩...之後又訓左好多覺..

差唔多每個break都可以發一個夢..太累了....

完左今日既工作...好似唔會再起到做咁..因為番到黎都唔知比人調走未..又唔知會唔會起第2間房...呢班同事我覺得都幾好...有點黯然傷心...

之後番黎...打機...晚上食完飯睇左陣電視....好想再打下機..好想同佢地成班再去刷棋..好想玩槍game= =...好想去打波..

好多野好想..唔知點解會講到咁..但我既心好亂..次次都係咁= =....

今日起火車見到有人玩monster hunter...就問下佢地點玩..佢地教左我d野..令我有好多野玩...

番黎..諗住問下自己d同學...但係就比人話正版唔識教我(ps:正版同dl應該一樣的..除左語言外)...

事件反應到其實出面一個唔識既人..比起我地學校d人仲好品格= =....起碼我知道未必係我問題先...

因為如果係我問題..應該去邊都係同一結果...但而家事實出黎就應該邊都冇事..去交流去旅行去工作起街上都冇事= =只係起學校有事...

謂然覺得與其靠人幫..不如做好d=_+.....始終自己學校d人冇咩愛心可言....

明天畢業禮...見住自己個獎比人拎左..個心酸到流...不過都唔係最重要..最慘是明天又不知要面對人地點串窒我...= =....

早上起身..又是超眼訓..訓多幾個字..又食唔切早餐...

前天發夢見到自己拿獎..很開心...可惜發夢很短暫...不過真實也不長久...

至少..在我的心中...這個獎我已經嬴到了...這己經足夠吧....

回到公司...今天有位同事..應該多ok高級對比起我地黎講...整左紅豆糕...好味..食左一件..佢仲有一盒多d..我真想食多幾件..又唔好意思拿..

今日還是在做這沉悶性的工作..這工作很安寧..但少了點衝勁...但不知為何又覺得好舒服...

工作的同事對我都好好..特別是一班aunt..今日唔識搵銅鑼灣道...一提出黎..佢地就講左n個方法教我..仲幫我搵地圖..可惜最後我都係好耐先搵到我要去既地方=.=

今日去左in蒙古..打左好多次電話先搵到..唔識講普通話係最蝕...其他我估都ok的...

之後因為已經遲左番工..所以一早請左假..想番home打下機..

2點幾番到去..食埋野bath埋..打算3點有得玩...點知1分鐘左右斷一次線...激死...去到5點先冇咩事..

搞到我本身想升到43lv..而家得42lv..= =...睇黎旅行前都係捉唔到老虎寶寶= =.........

最唔抵就係難得請左半日假..番黎搞左兩個鐘無聊野..咁又冇左1day玩= =...6點幾食左d野..玩多陣..bath完..7點去睇醫生...

個護士好乞人憎..我同佢講我聲time(我約左浚7點半起太和)..仲有幾個到我..已經late左...佢仲要話下一個到我時..下一次又比其他人入...

一入又去左我估計成20分鐘咁上下..搞到8點幾先睇完..激死..我8點要去到沙田打波呀...搞到又要打遲一粒鐘走..本身想早點走回來玩多陣...

今日叫浚佢地等我..雖然我知要佢地等冇野做係好無聊..正常唔等都岩..

但係站起如果起叫得下做朋友既程度上..我認為都應該等下...起我感覺上..肯等既未[3係知心好友..但唔等既一定係只係外圍朋友...

不過由始至終我都唔係太鍾意把人地放起知心好友上..唔係冇..只係唔易咁做...因為我覺得而家d人性格太不合我了..兩個世界的..

今日去搵路..問個個人..見佢地一開始都係唔理我..可能以為我係問佢借電話的騙子..有咁既提防係好..但係人與人之間的隔膜咪就係咁黎囉..

政府成日教人要提防要提防...我覺得與其叫人提高警覺..不如教人唔好做騙子仲好啦...

想起果日去搵音樂農莊...問既人應該多數都係村莊..應該知識水平唔高..應該冇咩見過世面...起碼我自豪我學識同見聞一定比佢地高..

但係受到佢地熱情的幫助...我突然覺得讀咁多書..學識多左有啥用?..社會上冇乜幾多個人聰明老實說..但人人自以為聰明咁提防人..又自以為聰明去利用自己才能去犯案...

社會風氣每況愈下...睇下人地農村...我地成日笑人x下仔..笑人冇知識...但人地平平淡淡互相幫助快快樂樂咁日日生活..我地就人人爾虞我詐明爭暗鬥咁生活..真係聰明反被聰明誤..

所以我好想做一個教師...我希望把這一套思想教比學生知...起碼社會上就會少d衰人...

今日打波學到野...咁岩比我做到短time的一張枱主...都幾開心...幫個大光老師改英文mc..d人錯到7彩..最叻果個repreat左2年的中六都只係得39/80囉...真係悲哀..

我終於知咩叫低處未見低....今日見唔到大長老...@@....但係黎耀昇都黎左...

打完回家...打陣機先=0=....

今朝番工..好累..好想嘔...因為琴晚太夜訓...

番到去不斷工作..好沉悶..但係由於大家熟左..多左野傾...

雖然d人同我年紀差好遠..但唔知點解我對住d細過我幾年同埋大過我果d特別易傾得埋..

所以overall黎講而家番工都幾開心...不過相信好短暫..因為當果位同事回來後..我呢位backup同事又要去番葵興...

真係又要面對新環境..仲有果度只係請左4個新人..3個都係女仔=0=..咁即係我會好難搵到話題傾..我又唔係好易同異性面對面傾到計的...

今日有個aunt好好人咁幫我拿左張八達通去o都果部機..可以搭車平2蚊...不過由於佢當中走左..我問人地時..

比人搞gag咁話佢偷左我張野走..其實佢地同我開玩笑..結果一片歡樂氣氛就咁就出左黎...

今日其中一個老闆好好人..請d開ot既人食蛋糕..但係我地新入去..又有得食..益左我地^^..

今日食飯好慘...琴日叫果碗小辣冇辣味咁..今日叫大辣..辣到我成面都係汗= =...我覺得對面果個人笑緊我...=0=..早知帶飯..原來不少人都帶...

今日有點唔係幾開心..因為知道原來冇分科或冇獎就唔會有通知..咁即係我中史真係冇左...理智的我好快又冇事..因為睇開左..

始終我而家都叫有份工..又係政府既人...都可以話比同輩高出幾級..都幾開心....不過遲d又要讀lu~~~

但係獨自一人時都仲係為左呢件事有點耿耿於懷...始終落左好多努力..但人地有證明人地都有努力..都感恩..

神比佢有既聰明比我高..我已經盡晒力..但始終唔得就係唔得...晚上番左home打機@o@....

晚上有個懷疑係翁怡彪的人士同我講左陣野...佢講某d野都調轉黎講...不過又唔使為左個不關痛癢的人煩...最慘是比佢拖左d時間..

搞到解個任都解到好夜=0=仲差d比怪圍死=.........=真係潛水怕屈機呀....

我漸漸識玩monster hunter2...覺得幾好玩...但係winning10我仲未研究到邊個係難度...而家踢真係冇難度可言=0=...

是是但但咁半場(玩最短時間即係5min半場)都入5-0...= 0 =仲有咩心機玩姐......d電腦都唔太動既...

琴晚禧禧唱歌樣真係好正...本身諗住明天先upload相..但都係想擺一擺佢個樣比人睇下..真係好正XD

今朝6點就要起身..睇黎以後星期一至5都要...起身搞點晒d野就上班去..

途中玩左陣psp..感覺很暈..或者係太早..同埋地鐵又多人又要企又要轉...如果去搭307又驚遲到又貴..

之後搞左好耐野..同左d人傾計...下午宣誓完冇耐就開始真正工作..原來同pool有個人好似係何希懷呀媽..應該係..佢問我識唔識何希懷..

放左工..就去左大埔墟火車站等ben佢地..約左7點..我食左包薯條先落去..見到有寥寥數人..之後我地幾個去左買野..佢地買左兩支香檳比麥生麥太囉=0=..又要我出埋錢..

之後成8點先出發..早知回家bath完先啦...

去到..打邊爐..d野好根味..我仲飲左好多汽水..比呀媽知道實罵我一餐...之後佢地無啦啦起home唱k...

咁我都坐左起度..佢地話抽牌抽中要唱..好彩我冇中姐..我把聲咁難聽=0=....

之後參觀麥生麥太HOME...佢間home好靚..好古典下..好岩我...不過佢個仔就幾慘..比我地沖左入去..其實係麥太開門比我地入..我都唔知咩事咁見到佢冇著衫..個臉仲好多白色..估計係護臉既野..

整完一輪後都11點50分左右...就分左3部的士回家....明天又要番工><...我想訓覺= =...

p.s:今日最樣衰係入錯左女廁...同埋發現果度男廁係冇廁紙的..一人一個月好似得一卷..好彩得人地借比我..下次我都係自己帶定先...

今早起身..又番不到主日聚會..

之後呀媽話出去食完早餐買埋條牛仔褲先去主日學..咁就去啦..

但係佢出去之前都有點唔舒服..去到大埔墟..買左兩條牛仔褲..佢就話叫我同佢挵的士番home..

結果佢番左去訓..我連早餐都未食就番主日學..個心好亂...番到去見到一批朋友..慢慢先開心番..不過中間比人罵左幾次..

有次係c+榮做左個無聊動作令我地笑=__=...完左買左d野回家食..呀媽好番d..原來唔係咩大病..好感恩..

下午冇去釣魚..原來的原因係下雨同埋呀媽唔舒服..但係下午冇落雨..我真係想去釣魚..但係晚上要打波...

結果起home打機..6點左右老豆話落去食飯..食左個豐富的晚餐..呀媽唔舒服都話要飲至cool冰冰=___=飲完就行出去大廣..

買左兩隻2手的正版psp game..就係winning10同埋monster hunter..希望唔好沉迷....個老闆仲送左張32mb的卡同埋個保護貼比我地=___=v..

之後飛的回家換衫去打波..超不在狀態..不知怎麼說..總之連球也控不好..退步萬分..感覺塊膠好硬..睇黎都係要灌新膠水的時侯=0=..

明天第一天番工...果度我仲未識去..都係估係果度..上網睇過地圖..希望明天唔會搵錯地方...因為要齊人上去宣誓...

好驚番工比人罵..同埋請假方面唔知點...看到的為我祈禱吧...起碼請左下星期去韓國先..畢業班夏令會大致上都係請1日..但係教會夏令會就遲d先講...

個心有點忐忑....晚上..康小姐搞了個爛gag=___________________________=....看來爛gag的風氣直捲全球==...

今朝早同呀媽去食早餐..中途為左d事嘈起上黎..感覺自己都唔太岩..

之後方成泰出左黎陪我買竿..終於買左支新竿..個老闆好好人..又計平d又送野又幫我上線..

仲好好傾..教左我地好多野咁...佢老婆都係讀cpu..佢幾好人..得閒搵佢傾下計就可以增長釣魚知識...

之後去左開戶口..個counter好似叫楊耀鴻..都係好好人..雖然我唔知有咩特別讚佢..但係都要提下佢個名..因為整體上佢都好用心工作..

之後回左homebath完打左陣機就團契..完左之後就買左個吉野家飯食..之後回家..

晚上睇左個電影叫鼠膽龍威..本身我想睇少林足球..但呢套都幾好笑丫...

晚上呀媽打死左隻x曱..之後用佢打死果對拖鞋踩落我隻鞋度..整到我地都冇得落..叫佢幫我洗仲罵我一餐...咁係佢整dirty..又唔係唔知我有潔癖..不過我成日都比人咁屈機..忍到就盡量忍啦..

今日聽到方成泰拿到中史分科...但係自己信都冇..

至少咩都冇都有張邀請卡呱=.=...聽到佢囉..個心真係酸左少少..因為胡sir果邊d人囉我都覺有點唔開心..但都可以話因為胡sir關係我先輸..

但係如果而家都輸埋..真係好冇面...個口話唔計較..但個心又控制唔到...真係自欺欺人...咁既心態真係唔岩..

不過應該左一斷時間冷靜...都冇咁介懷吧...

對於自己既工作..感到不錯..始終起同輩中可說係首坐寫字樓定咩..又起大公司做...突然好似大個左好多..變到覺得自己好似20幾30歲既人咁...

明天有得買game玩..部psp終於整好..睇黎去韓國都唔使咁悶^^!

今日早上冇去開戶口..都係好似前兩天咁過..3天食埋幾乎一樣的早餐..但我仲想食=0=..

下午1點半左右去左入職..正式成為柯達的員工..但做d咩同埋幾多錢就唔比人地講出黎..又會咁都得..但我都係話左比父母同幾個朋友知=0=..

之後同左父母去上水食左d野..買左兩件衫..其實我想買多幾件...起碼有多兩件我都想要..=0=...仲未買到長袖shirt衫..

之後回家打機..呀哥番左黎..晚上有帶子食..但我都係like食豉油王大蝦..

近來..開始左我搵工番工既生涯..可說係初接觸呢個社會...唔知係咪自己自大..睇見身邊朋友唔做工或者係做一些餐廳等工作..

覺得佢地好似沒多大變化..但係自己去左劾樂農莊..去office..出到去好遠見工..覺得自己好似成熟左...

其實本身就有呢份成熟..只係一直都唔願意拿出黎用..但起呢個社會中..有時提防少d都唔得...我覺得就算我入讀中齊..睇野都已經好唔同..

起碼我覺得好難用番之前果份天真去看野..

黎緊呢個星期五..係畢業禮..本身我最想起呢個典禮有個分科獎..但係..有冇又有咩重要丫..

其實而家要我講番自己班有咩人出黎..我怕都要諗下..我真係驚已經唔記得左..只係1個月左右..已經唔記得lu..就算比我拿到又有邊個會記得...

其實想拿..想有好多經驗..其實都係有想起同學面前認叻既心態..不過其實都係好幼稚....

睇下而家學校..我番去有幾多人識..?雖然我唔算好出名..但總起學校拿過不少獎..也為學校出過比賽..但係新一年來臨..知道又記得既已經係可能寥寥可數..

所以話..以前咁想拿分科...又有咩重呢..虛空的虛空..呢d無價值既野終歸於空...

出黎工作..其實咪又係一樣..雖然而家搵好少錢..扣除車費離用..真係連自己都未必養得起..如果要供樓更加唔使講..就算比我多幾倍..做到呢d事..又有咩用呢..

不少人一生為賺錢而努力..年輕時用健康來換取金錢..到晚年卻把辛辛苦苦賺來的錢一筆一筆咁使出去..也是為買些好東西來換健康..真可笑..

不少人幾有錢..或者做到幾大事業..結果都終於空..唉...未正式做野都咁大感慨..第2時都唔知點...

希望起呢個社會歪風下..我仍然可以保存對神的信心.....

現在..其實我心目中的理想職業還是教師=__________________=...............

今朝起身玩左陣...就要出去搵工...

今日的目的地係音樂農莊..真係好難搵..首先要搭64k起一個連vincent起網都查唔到的祠堂村..

下車後兜黎扈去比個太陽曬到飛起...後來傻下傻下入左條岩路..再問左好多人..

行左我諗冇半小時都有20分鐘的路..果度d人幾好人..好熱心下...對比起而家住起社區的人實在老實好多..

去到好多人..佢見一輪好耐...等左個半鐘先到我..見完走人..但係應該唔會做呢份工..

雖然佢可以成日調上班時間同埋唔係日日要番..只係間中帶camp..每日比番錢我地咁..而且起果度我覺得我可以學到好多野..

但係由於佢要拿500蚊黎讀course..讀完先退番400蚊..即係收100蚊為請老師的費用...我父母唔比..咁就冇左份好有興趣的工..不過佢都未打比我叫我可以去上堂..咁姐係可能我根本就冇份..

之後番左home bath完玩左陣..就帶鍾去買眼鏡..我自己都要拿...相後補..紅色..覺得望下去ok好睇..但有點怪呱==..

鍾配眼鏡238$..但係加左200$黎做超薄..我感覺好似令佢用多左錢..當初我好像講到200蚊左右一定有貸..搞到我個心有點內疚定咩..

之後我地番左黎大家樂食野..因為我未食飯...之後佢送我回樓下..我番去bath完就打機..感覺有點悶..因為冇咩野做+冇咩人陪我玩..

晚上今日第一次刷棋失敗左= =...起度帶人升lv= =...有點頹..hea埋呢幾日都好既...

今日去拿眼鏡時..柯達打電話黎話請我..都幾開心..佢仲話暫時定我起葵興番工..真係happy...事因灣仔係比果d打字慢d既人..可能打數字快果d去入資料..

估唔到我琴日打錯咁多字..30秒得果47個都可以入到去葵興..真係可以話係榮幸..我的心真感謝神..

佢叫我明天去入職..星期一番工...一日唔計食飯要番9小時..不過就得25蚊一粒鐘..即係一星期做6日都係得5400蚊=0=..

不過暑假工就算啦..但係而家好擔心..因為我驚中間因為有d如oral或者係畢業禮又唔番得..又驚撞教會(應該唔會日日都要番的)..

同埋驚中間我有起碼6月都有2次旅行..加埋成10日左右..我真係驚佢會因為咁唔請我..但係都係入左職先算啦...都係明天的事..

明天自有明天的憂慮...希望自己都唔好擔心....反正一切都在神手中...全然交給主吧..

而家我想做的事..也許是睡覺吧..