今日又再一次係喊醒。

但係唔同ge係 ,

我竟然感覺到似曾相識。

內容唔係好記得 ,

好似係一個好朋友要離開。

所以我走去追 ,

但係佢跑得好快 ,

我想追都追唔到 ,

眼白白睇住佢上左架車 ,

我ge心竟然會慌 , 會亂。

跟住架車 , 好似特登咁 ,

佢上左車之後 , 就即立開車 ,

我有叫停車架!!

但係佢冇停度 , 我睇住佢係我身邊擦身而過 ,

我個心好痛 , 好痛。

我開始失控 , 我一邊喊 , 一邊大叫 ,

叫佢唔好走 , 仲講左好多次。

但係對方竟然連頭都唔回。

 我個心比頭先仲痛 ,

仲有一種奇怪ge感覺 ,

我唔識點形容呢種感覺。

如果係現實 , 我一定唔會理佢。

可惜果陣係夢。

當佢走左好遠時 ,

我問我自己一個問題 ,

點解要合完先離??

點解唔離完先合??

係咪有合先會有離架??

咁我可唔可以唔要合唔要離啊??

跟住 , 我就好用力咁喊 ,

仲好自然咁坐左落地 ,

跟住我就醒左啦 ,

但係醒返果陣 , 我竟然係淚流滿面。

不過個種心痛ge感覺 ,

我可以肯定 , 我係似曾相識架!!

但係我就唸黎唸去都唸唔到 ,

我幾時 , 係邊度有呢種感覺。

仲有啊!!  我睇到對方個樣架 ,

好明顯我係唔識佢架 ,

但係點解我會為佢喊 , 求佢唔好走呢??

平時如果係夢度大叫 ,

我係叫唔出聲架!!

但係點解今次卻可以呢??

最最最不可思義ge係 ,

我竟然可以叫得出佢個名 ,

佢到底係邊個啊??

到底佢係我幻想出黎啊??

定係真有此人啊??

但係個夢 , 真係好真好真 ,

真到我竟然可感覺到 "痛" 。

         今日係  人日  !!

so happy birthday for everyone

仲有 , 預祝 (佩珍) 生日快樂

講起生日 ,

係四年前 , 我表弟年初四出世 ,

我走去問佢媽媽 , 係咪特登要佢出世攞利是

我仲係度唸 ,

會唔會有人係年初一出世呢??

我講ge "有人" 係指我識得ge人 ,

結果得知 ,

我堂兄ge女 , 竟然係年初一出世 ,

仲要係零辰12點 , 俾爆竹嚇到出世!!

超搞笑囉!! 

我唸冇人係早過佢生日囉!!

不過同時 , 我返大陸過呢個年 ,

先知 , 原來新年過生日一點唔好架!!

因為唔會有人注意 ,

唔會有人幫你慶祝 ,

更加唔會有人送禮物俾你。

就連蛋糕都冇。

所以今年 , 我特登買禮物俾我表弟 ,

真係好唔明 ,

明明呢d咁特別ge日子 ,

點解冇人記得ge!!

當然 , 亦唔排除有人唔中意過生日 ,

or 唔中意咁大陣漲ge!!

             近排掛住playing online game ,

都冇黎度睇qooza  tim!!

當我唔玩果陣 ,

又要返大陸。

不過係大陸發生左一d令我成長ge事 ,

雖然呢件事唔關我事 ,

但係佢都可以令我成長。

因為今年都幾悶下架!!

所以咪唯有狂睇電視 , or玩電腦囉!!

點知睇下睇下 , 睇到一d啞左ge人士。

雖然佢地啞左 , 但係佢地ge成就卻大過我 , 多過我。

年齡又小過我喎!!

佢地只得11 , 12歲咋。 11 , 12歲就有咁ge成就 ,

可想而知 , 佢地平時有幾努力 , 有幾辛苦啦!!

其實佢地並唔係唔識代表自己 ,

並唔係唔識講野。

只係佢地講ge野 , 我地看唔明啫!!

睇到佢地手語 , 突然我都有一種想學ge感覺。

我都想看得明佢地講咩 , 想代表咩。

係大陸 , 我最唔中意ge地方 ,

就係厠所。

佢地ge厠所超矮囉!!

次次我都會爆頭ge ,

最最最最唔中意就係係厠所洗頭 ,

因為果度d洗頭水一d都唔好用ge!!

我寧願出去洗頭好過啦!!

反正平時$10 , 新年都係$20 ,

咁次 , 舅母請我地去洗 ,

因為兩日黎 , 佢打麻雀win左成$1000幾

可能係年初三啦!!

平時去開ge髮廊冇開。

搵左好耐 , 先搵到一間係開ge!!

果次係我第一次去。

感覺怪怪地。可能係唔熟啦!!

後黎 , 聽mother同其他人傾計先知。

原來果度ge老闆係一個嚨啞人士。

佢細細個果陣 , 發燒 , 耳仔又入左水冇人理 ,

搞到佢嚨左 , 可能係聽唔到ge關係啦!!

佢唔肯講野 , 搞到佢依家都唔識講野 ,

但係又發到聲。

而果個竟係老闆 , 又係嚨啞人士ge人 ,

竟然係幫我洗頭果個??

當時 , 佢一邊洗 , 我就一邊唸 ,

係無聲ge世界裡面 , 係咪好寂寞ge呢??

但係咁唔係反而係好事咩??

反正當你想聽果陣 , 又有助聽器ge!!

你唔想聽一d說話果陣 , 除左助聽器 ,

就咩都聽唔到!!

其實咁反而係一件好事 , 唔係咩??

如果有人要餓你 , 只要一除左助聽器就得啦!!

不過針唔插到肉唔知痛。

如果真係嚨左or啞左 ,

或者我唔會咁識唸 , 我不會向好方面唸。

不過唔知佢細細個果陣 , 會唔會好難過呢??

因為果陣 , 一黎冇助聽器 , 二黎會唔會有人笑佢 ,

有人唔同佢玩 , 有人排擠佢呢??

其實一個非平常人 , 有缺憾ge人 ,

已經夠可憐ge啦!! 

如果再有人笑佢 , 玩佢 , 排擠佢ge話。

佢地會更難過 , 更可憐。

天生我才必有用 ,

不理咩人 , 只要生存落去 ,

就會有價值 , 就有用處。