咩事
而家家中有3分2人在咳
會不會下個到我病
大家可能有興趣看我這成日嫌人咳聲的人受報應

好快諗好衫，便準時出門
利害！！

今天沒什麼很忙碌的aw要整
心情是挺悠閒的

放工去了759買零食
無薯片咁既
我行了好耐都唔知買乜好
是是但但買了些
新年前買的都未開

話說今天在office俾同事整，嚇了半跳
沒什麼，不會整嬲我，係睇人既
可能我整得佢太多，佢報仇
對著office和老細，我覺得自己很神秘，總是很隱藏
其實佢地的聊天，我每一段都可以插嘴
甚至有興趣我都不會表現出來
或者太長時間要面對，仍是留了一個距離給周圍
（我想起有個低B問我做咩要整度牆係我同同事中間（可以再動漫一點
但我希望有天這個距離會少一點

竟然做了運動
但好攰
因為本身都好眼訓

最近難得地睇晒HII的一場公演
對成員無興趣真係好難睇完全場
裡面有些歌詞很有意思，雖然不現實
（我是很喜歡這種熱血

《夜之終焉》
…最重要的東西
它或許一直在心底
才明白
所謂的
變更強大的秘密
不是一己之力而是有你和我肩並肩
You are my Secret

這種不孤獨是不現實
但是是我想要和中意的
有個秘密的存在支撐著我活下去

其實日記post歌詞我係覺得好無聊
懶有意思咁
因以前我post歌詞係出於
像戀愛了又像失戀般的幼稚

P.S.第一次咁既襯法，好像爛仔

早餐焗完饅頭熱到甩手跌了一個，浪費了個饅頭（好無聊
驚著得太多、太少都會搞到我揀好耐衫
又遲了出門

尋日俾客話完心有不甘
講到我無做野咁
就加了好多公仔在aw上
點知佢話唔可以放公仔…
懶醒真係令人想取笑

lunch的譚仔除了漏單，仲漏了我的小辣…
只有蕃茄湯的原味…

忽然好多aw需要我改
又想請假添
請唔請到呢
好想請晒d星期一佢
（覺得這年都不會去旅行
要找個頂得住我的壞脾氣既人又得閒又有錢去，好難啊

早15mins放去MK上堂
凌生有d內容聽落我不能完全認同
係佢解釋唔夠，定真係同我睇法有出入呢
但佢講思考自己的部分同愛真理堂教導的幾似

回家吃了朱力餅，唉，死肥婆

搭地鐵去MK時，有一個媽媽帶著兩姊弟
3人不斷咬耳仔和苗我
我知佢地討論緊我
（可否別這麼明顯…我係最留意呢d
（因為我成日留意人，有什麼古怪我一野就看穿

我估佢地係討論：
我係男定女

尋晚發夢見到曼聯次回合贏左PSG 4-1
英超球隊爭利物浦未出線
咩料個夢

又遲了出門
咩事

客來電投訴我整的aw核突，無整過咁
其實佢想要D咩
可唔可以講清楚D
一係就問係咪換左designer（但一直係我整
designer真係好難做
又唔係佢條蟲
佢隨便用佢角度彈句核突過黎，真係害人不淺

放工回小組
"稱義" 牢牢記著它真正的含意
因為總有人會用錯誤去解讀

行回教會的路上在回想最近refreshment的安靜內容
很多時都話唔夠時間要再諗
但跟住都係無左件事
找機會試試寫下

P.S.又買了腐皮烏冬正入手了3個

係，又係好眼訓
因為我1：30先訓
夜訓病可以點醫
就係以毒攻毒
我覺得想病就會早訓

本來今天的aw可以很快搞掂
但中途插了其他aw
photo props我諗左好耐
整咩好

我好期待同事們一起進食event的剩飯菜
無
無
無
（我自己又拎左D回家
雖然擺咁多日，我照食暫時未有不適
我最中意食少少汁的白飯
我明天再食

準時放工去練波
其實我有點怕別人長氣
um…之前有講過，踢球隊對我來說
最大的關卡係要同隊友"一起"
我唔太中意硬擠出來的團結

在之前比中完半場時教練叫我遞水俾隊友
話係我地的傳統習慣
我遞左但隊友話自己有，佢自己拎佢自己果枝
（咩料（我明白係想以行動支持隊友，但實際上唔work
今天練完波，我在收拾自己野，副教練叫我幫手放波d氣
但波和波針已在隊友手中
（咩料？
團結唔係硬擠出來（這句都可以用在我的office（毫不畏懼
（我的隊友應該不會來看我日記
（我的同事都不會看我日記
老實說：在我的觀察，我的球隊是一點也不團結

P.S.白色波boot原來很有型，但條褲令我很肥，定我真係肥

星期日晚好容易訓唔著
搞咩
我覺得自己好似郁來郁去
我係咪4：00先訓？

早上在房裡找東西
找到遲出門
救命

星期一特別不想工作
仲要d aw改來改去
好煩
都唔知點解要咁改
__  __個__
改__ __野
填字遊戲估我講乜
真心煩

我係很中意恤衫
但不會每天穿
不同時候著不同衫才有落差感
有時成熟點
有點屁孩點
我係缺少了女生一點

P.S.窮孩子就要一衫N著