尋晚又咩夢啊
見到printing同我地TTT office淘左好大既新年裝飾裝飾公司
好大型，要搵人裝添架
因為聖誕無裝飾所以補返
最好笑Evon同Isaac崗都仲係同事

今天是一臉黑、又沉思又憤慨的心情
呃，又病發
別擔心，我拉個心埋牆踢幾腳就得（踢到佢出唔到聲

一天最長的部分與一個腦殘在同一個空間
以前就燒中我
今天我不是主角，但我望到腦殘的白痴開心樣
就想正反手日字衝拳打佢（好想幫人出返啖氣
從佢既言語行為就知道佢幾識對自己既人生負責，就係唔識

我算係對身邊人要求太高？

我作為員工算不錯吧
問請唔請得假
有野趕有野做我就唔請
跟住老細就俾定野我做
講左少少就等我自己整layout

而我竟然做到唔想放工繼續做
係整得幾開心
因為老細俾我自己諗點整
有時間、有自由
其實這是我想要的工作
雖然
可能
俾老細睇完已經改到面目全非
個客唔中意，我又要跟order做野
但至少，呢刻我可以開心咁工作先

突然諗起話而家facebook係d中年、老年人先會用
其實我幾中意用，因為好多野可以睇（電腦又方便禁
之前同人討論過fb呢樣野
從佢既post、like、share會知道佢係咩人
再唔係睇返佢d相（我會睇埋外觀打扮同佢d留言、朋友
事實會了解這人多一點
所以玩FB又點姐？
吹乒乓啊？

久違在室內做運動
無計，我好怕會肥左、又怕自己變得唔靈活（包括個腦
做多點運動可能抵抗力好少少     *可能

P.S.Lunch，飽到喊…但配料很好吃

尋晚係夜左少少訓
但我訓唔著
咩料
我擰來擰去擰左好耐
由細到大都好驚訓唔著（越諗又越訓唔著

因為太多假
約左wow lunch就順便請假
但係唔駛返工都訓唔到晏
真心傷心
但放假在家好易肥
今天其餘時間係咁食零食

補返wow的生日lunch
我太矮搞到我好似細過佢
呃，其實我似細過晒很多人
lunch後我有種複雜的感覺
佢之前用過句名言串我，我想串返佢
已mark在死亡筆記

聽到了一件事情
係關於一個人返小組/崇拜，但只揀吃喝玩樂的內容出現
如果重視的話會預留時間參與
如果重視的話會諗點樣既狀態參與係最好

care的話  會用心
唔care的話  是但啦算數啦
我想唔care，但我最討厭是但同求其

講真話、講中心裡所想的
係會唔舒服、係會銀耳
但唔一定係傷害

晚上小組
咩料，我個game同我所想唔同
搞搞新意思失敗
"加拉太書 研經"
初期教會的情況都成了我們的借鑑
在教會裡從來都不是容易
因為我們背後有自己的想法
有些不夠純正便會越走越偏，把自己整個信仰神學都弄倒了

講起黎，太多假期
好想請返一兩日整理2018的內容（靜修camp無時間

P.S.我好中意行超市
呢個搵日要買！我想試呢隻味

我又以為天氣暖左
一落街…
因為今天著了短褲
如果病左係抵死既

同同事忍不住執office
執了一小忽位
乾淨了的感覺真好

又在看SNH其他成員的片，亂禁黎睇d人明明唔識
睇完就識
所以我點會無野做

本來是練波但取消了
變左回教會打乒乓波
好耐冇打
今晚主要得2個人打
所以都hea hea地
單挑了20局，我竟然贏了Cla一局！！不是幸運！！
2019第一回乒乓我居然有這樣的開頭，yeah！

有時覺得個腦係咁run
搞到有種被鬼壓的感覺
通常中間覺得好頭暈、好沉我忍唔住祈禱呼叫：救命，我想打開眼
開眼後就係一片寧靜，我便會繼續訓咩料

見到19度以為暖
點知出門後…風有點涼啊救命
手都凍死
根本唔係暖！！我咩料啊
淨間病鬼左真係糟糕（唔想食藥

在HKTV mall買了office的日用品和零食
唔知可以捱到多久

然後同老細講起我16-18未放晒的大假
都唔知可以點放…好想放晒佢
係度睇下機票…（但無人同我去啊妖（長崎的機票唔貴啊！
唔知今年我會唔會去旅行呢（未有plan

準時放工

今天在看航獸的剪輯
怪獸真係好靚女（真令人羨慕

P.S.這件牛仔褸謝謝阿娜，但我白痴漏剪左牌

尋晚又搞到好夜先訓
相信令睇我日記既人會覺得激氣
條友咩事，說好的1：00呢
星期六要清潔就會搞夜晒

今天天氣又寒返少少
咩事
扮晒暖
仲有少少雨粉，更寒
好在我都帶定件外套，唔係真係會凍死左

主日查經
我準時！！
頭髮有少少放棄，一pet 10 0就出門

崇拜是助唱
敬拜隊的互相留意是很需要的
所以能有默契是很利害
感謝有默契的伙伴

我很中意在杏花行路回家的時間
又中意行路、有時又中意一個人
係啊，我是宅無朋友啊點

訓覺休息
醒來以為要返工…
但我諗唔到星期日夜晚做過乜
然後便清醒了：現在是星期日傍晚

久違在看一些SNH48成員的片
中間看到有些人已走便覺得有點虐
明白關係再好，總會完結
當她們仍在團，飯可以看到她們互動
離團後什麼也不知道
感情是不是也會隨著離團完結呢

P.S.又是別人唔要送我的外套，感謝