仍是不夠訓地起床
尋晚也敷了熱眼貼
這樣容易好訓d

本來今天都相安無事
但係老細又因個客的意思給我樣麻煩野
好煩
係咪會整到？！！唔好俾個側面相我想要張正面相
其實有些相是好難搵的
一係買3,000一張相
但要用 5、6張相

準時放工去食飯
今晚是放題 同miss隊友們
同麥3歲 Rita更久不見（兩位madam！
 覺得自己食最多
我乜都食，所以就食左好多
多謝miss和鳳文

P.S.幾靚

尋晚比完賽一如以往個腦會係咁run
諗晒過去現在未來
3：00開始逼自己停下
三長兩短的呼吸節奏

起身極度眼訓
想說準時回教會後
又因擔心屋企洗衣機爆炸（出門無閂，總之不尋常
今天又變了遲到

lunch後和平幾隻去了安靜
先是呻了一大堆氣話才各自安靜
不努力便停留和退步
別把自己想得很好
不是有教會事奉崗位就自覺很好
可能只是有外表沒內在

4：30去了剪頭髮
如果唔駛踢波我會捱到d陰
但踢波的跑動風力令我個頭髮真係好樣衰，剪！！
（但下場比賽時我頭髮又變長了
Fai每次都幫我諗髮型，又次次唔同，所以繼續幫襯佢！

P.S.左邊型過右邊

沒有落街踢波
因為夜晚要比賽
早餐吃天婦羅烏冬
好吃！但熱grad死條脷

無啦啦在重溫yuhi的寶塚片
睇得很開心

帶小組
我諗帶講道分享其中一樣要學點寫"閱讀報告"
把東西歸納好再講出黎
另外想加插小活動配合主題
繼續努力吧
但很中意過程中大家的分享
刺激了去思考

容許自我本質放縱，一定會變成更差的品格
對罪微小的讓步和妥協，只會對罪產生更大的妥協
漸漸的不會覺得自己有問題
我也要提醒自己
有些事不能妥協由它發生

祈禱會
成日都想問，帶領者是不是訓了

練歌後便去比賽
又在跑馬地，很開心！因為近！！
今次的心情沒上一次咁緊張，可能有了經驗
因為只趕到開波前到，我是後備（後備件背心好靚（著得好開心
我在比賽中的重點：
1.有一野無心的好似手批到對手的面，佢痛苦倒地
2.我有個窩利射球但隊友擋住左龍門（好蝦碌（我覺得會入（好可惜
與隊友的溝通仍是不足
對隊友的支援也不夠
只踢了半場但回氣和體力仲ok
期望自己可以踢足全場
最近給自己加插了練小腿肌的訓練（在家練
希望對自己有幫助

期望每場比賽都踢得比上一場好

P.S.呢對釘boot我都好中意

今朝又差點瀨
唔知咩事呢
肚痾的感覺

尋晚訓前在睇小組的東西
又像在做功課一樣
返工無野整時又在預備內容
其實咩主題都唔係易
就算有篇講章都要諗鋪排
真係好似做功課

lunch又自己在office
靜靜地坐在窗附近幾舒服

放工去買零食
之前病完係無胃口食零食
現在也不感興趣吃的
"慘喇！"
我竟然會對零食無胃口！
傷心到不能呼吸
但我照買了一堆零食
有人會想食既
然後買零食買到破產

每晚訓覺聽到媽咪咳就會有家姐jip聲
兩個都慘既，我在房遠離一點
點解老媽完全唔驚有一天家姐或者我可能會拎刀斬佢
咳聲很煩
唔理仲煩
但老媽真係唔理
但侄女咳佢又會話人
如果食屎可以止咳，我會俾老媽食，可惜止不了

P.S.除了759和惠康，我仲買了韓式醃菜！好野，又遇上promo！！

尋晚訓覺忍唔住襟多張被
覺得寒寒地
可能間房有嘟
又近窗

工作中偷閒整自己野---婚禮邀請卡
好緊張架嘛
人地大日子

放工前老細叫我整野
好嚇人

放工去食飯
在我不想見人時都係要見人
有空便會情緒敏感
個個都討厭

我發現識了對面的人10年
但我其實一點都不了解佢
咁少見真係唔會知到d乜（只係叫知，唔係叫識
淨係做野既態度都睇法都好唔同
諗起有人用家用同愛家人掛勾  然後話我對屋企人唔好
（現在我想講：收工啦你，你識愛咩

每個人的想法很不同
掙錢的原因
拼命的原因

我是很知足的
或者細個唔會有出街吃飯的機會，所以現在有錢可以出街食已很好（元氣！譚仔！
以前做任何運動都係白鞋（現在好開心有錢買波boot 

不敢說自己絕對正確
只係我察覺到有點不對勁
或者有些看不到的盲點
明白人的選擇不同
也想為對方設想一下

P.S.兩部marion party！