早上落街踢波
早知著長袖打底
有點寒
隨隨便便踢完便回家
10：30居然有人來球場！少有的

早午餐吃杯麵！
上星期無食！今日補返
食辣！焗脆d豬肉！yeah！
會肥下去！

睇睇下電腦突然收到警察電話
話四哥飲醉在街上，被送入聯合醫院
"下，咩料"
他的老婆完全不理會
"嘩，咁遠啊（KT）""搭的士咁貴"
大哥，呢個係你老公，搭去台灣你都要去啦
仲麻煩了細來幫忙（最後原來未醒要他白行（本來想扶四哥回家
（我有一刻想一野跳上去坐醒佢
因為下晝有野做…又call了四嫂
"我要返工，唔請得假"
"由佢啦，佢醒左會識返去"
我已經唔想再聽到佢把聲
然後在msg寫了很多粗口
「我俾返人工你，你同我死過黎啊！！！」我好想咁同佢講

我沒有嬲四哥飲醉
但我好嬲四嫂

為何飲醉的事總發生在我家的哥們
二哥飲醉在雪櫃小便
三哥飲醉在家中除褲行走、又跌到流血縫針
四哥飲醉鬧爆陳恩、這次又入院
（大哥有無？
這群人咩料！！！？
可能間接都影響左我，對酒不感興趣

攰都繼續清潔

P.S.食完辣會絞肚痛的

涼左喇又！！！
但我仲係著短褲
想睇下會唔會病
不過中招個人係虛D
可能明天就發燒

因為下晝請假
一返到office就非常趕地做野了
facebook都無login
因為信唔過同事又要自己whats老細問
好驚煩到老細爆我
趕緊地做完急既野就放工

同家姐lunch
第一次食薩莉亞
鐵板扒果個我中意食

下晝cell
從別人帶cell令我諗自己可以點帶
可能係有諗頭
但要花多點時間去組織點帶
下次cell是我帶
加油

回家訓陣才回教會上堂
探究耶穌行動的背後
覺得很有趣
比喻就是不直接說出主體
想知道便要花腦力和時間
用比喻去帶出意思，真帥氣

P.S.牛說條褲唔襯

今朝一個驚魂
嚇一嚇我
中招就是煩
繼續短褲，痴線

諗起返工又是煩
好趕的aw仲未output
感到非常不安
別搞到我星期六要返工
（因為明天還要請半天假
真的很擔心

這幾天一直在為同事工作的效率而煩惱
主負責一個event卻對我整的大部分design不清楚
甚至未睇過
要令人對自己有信心確係要d行動
溝通可能是問題
但工作能力都是問題
我覺得自己對人的容忍度不低
對同事不是討厭，只是不解，我掌握唔到

準時放工都感到很不安耶
明天只有上午，會如何…

今天有單新聞引我搵上搵，搵了小時候深刻的一個山火意外新聞來看
了解下當時轟動人的意外細節
原來一直都沒有一個清晰的定案
最後意外是怎麼發生之類
睇了一些網上報導和討論
在想如果我的家人有什麼意外
即使是個殘忍、傷心的內容
或者我都會想知道真相
各種事上，我仍是那個想找到真相和答案的傢伙
不喜歡不明不白

同事叫我改野，我也會問：
客想改定你想改？
點解要改？

知道了真相，才知道應該要責怪誰

P.S.很久沒吃的麥

今朝個人懵懵地
落到街行左幾步先諗起個頭唔記得噴spray
又返左屋企噴一下先
雖然噴唔噴都係亂

lunch搞printing男同事個頭
係架喇
我好中意搞短髮的人的頭髮
又中意幫人諗衣著
話我無病都唔得
適合的髮型和衣著其實係sell自己

我忍夠了不了解的人仍是不了解
煩的人仍是煩
放下了以前的經驗來挑戰我們
好煩
歷史在重演

晚上是小組we care
煩擾的生活
給聽分享的人一點歡樂、思考

P.S.文青

上星期買左d辣涼菜，因為太中意食
今朝返工又買
上星期個姐姐叫我靚女，今日姐姐叫我阿仔
"阿仔你有冇環保袋"   "阿仔，$65丫"
我以為我把聲咁嬌俏可以幫忙
唔關頭髮太短事
應該係我個樣唔夠靚

輾轉間本來的練波取消了
等我仲期待去練波添
睇定地圖
不過現實係我要OT，9：00先走

我是真的黑了面
講野串串貢
我問同事：
其實你知唔知output果d timeline？
你應該要知架嘛？
點解你好似咩都唔知
你地溝通好有問題
你有冇問清楚d production time架？
唔好拎你之前d經驗黎講？可能每次唔同，你要問清楚

回家後便換衫落去踢波
個場有人…聰明地打俾侄女問佢樓下7人場球場有冇人
竟然無！！！！
即刻過去！！
宏德居球場！
期間見到個發脾氣的男孩

P.S.個瓷磚杯墊好靚