尋晚訓得好差
咩事
訓之前我個腦諗咩黎

總有一、兩日返工唔想蠟頭
帶帽
然後個頭扁鬼晒

一直在期待同事們event出去工作
最中意free到可以作反的感覺
點知
老細的whats來了…
遙距控制
又係麻__煩利是封
好煩
本身客的comment已白痴
白痴的我整完老細仲要comment都係白痴

lunch漏到我晚餐食唔落…
零食都無胃口呢樣最傷心
肥了

P.S.四哥送的台灣柚

尋晚係度諗敬拜揀咩歌
諗到個睡眠質素有點差
今日諗既同尋晚諗又唔同
仲要揀左首易炒粉既歌易入錯key
祝我不要太搞笑

返到office繼續利是封
討厭的利是封
見仁見智
我自己就真係唔中意，又唔靚又唔型
而家係懶有message
但邊個會睇，通常只會理靚唔靚
仲要而家係超直線將個message整出黎
幼稚的手法

小組用"越難越愛"黎探討文化
咁討論下去都好多討論的空間
事實上
現實中有掙扎、有困難
但仍會想堅持去愛
當然那種愛和重視、堅持是不是正確呢
現在的文化是每人都有自己的正確
但事實這世上正確的只有一個
耶穌以外所見所聞的
沒一個沒有破碇和矛盾

最近好勇給別人send了一個mail
內容係我一D對佢的提醒和提議
我應該身邊人的一個炸彈
隨時會爆炸下講野兇人（食__啦你
也中意講D另類的說話
會銀耳的（所以無朋友

有些提醒
講會害左佢
定唔講會害左佢
（前提係要我都正確先得

P.S.泡菜紫菜好好食

我1：00訓已經很好
連手機都無禁！
唔想對眼越來越細
現在已經好細！！

早上行經柴米小學警察封了路
有個師奶貪方便照行俾警察鬧
最後我掉轉頭由LWS果度行
（覺得俾警察話好樣衰

出門涼左既！！！
係咪曇花一現來的！？

我真係性格好急的人
尋日放工買左零食
覺得很好食諗住今天早上再買
點知公司附近果間無
叫家姐幫我lunch再去買

未回到office已收到老細whats…
唔想開whats

繼續改很煩的利是封
佢既comment已經將利是封變左唔係新年
個客中意點就點啦
我呢D茄呢啡

放工回教會打乒乓

今日先開始揀歌
其他樂手和助唱應該激死了（等啦，星期三交歌

P.S.芽蔡花！！！

颱風後的上班
果然路上滿目瘡痍
因為好多樹斷了，好似去左森林咁
而我
這像老鼠的狐狸，就是森林家族裡的一隻角色

唔駛返工就好了
因為好眼訓

FB grp、好多人都話應該全民停工一天
然後講晒粗口鬧爆政府之類
um…其實我都想唔駛返，但純粹係唔想返工
我諗了好久，like不下去
全民停工仲要諗好多野，唔係一句咁簡單
咩人可以停工？食市呢？診所呢？（跟住D人就會鬧點解唔開
D人話非緊急部門可以停工（何謂非緊急？點界定
有人話停工幫手清理（有D人咪又訓到下晝、睇戲食飯、出街影下相咁就一日
停左工D老細咪又係鬧政府（經濟效益點算？
俾公司自行決定返唔返（D老細10個有8個照常營業
我肯定我老細一定會要我地返（點會蝕俾我地
（我都有聽到有D公司真係停工一日，知道路上危險，個別例子

不過明白交通真係好唔方便、路上也有危險
但每間公司都有自己的狀況和處境
邊度係一句決定就可以搞掂和解釋到

但如果交通未ready，停工都唔係唔得丫

老細要求蒙太奇的效果
好煩啊！
話唔想我花時間整
他的老鼠
software整唔到
點唔花時間整啊！
係咪玩我

放工去了換月餅！差d過期

P.S.柴米外是森林

尋晚轉8號風球，幾乎都99.9%今天返唔到崇拜
閂埋鬧鐘
但都係8：00幾醒左
因為屋企人在廳唔知整乜嘈醒了我

淨係防風無防到窗會有滲水…
我都起身幫忙
之後便回到床上悠閒地禁電話
開電腦用就發現我電腦後的窗邊都漏水
Oh No！！！

我都要整
又要得閒check下
多水又要扭毛巾
搞到我好忙，訓都唔敢呀下

點解唔星期一先打風呢
（跟住就會俾人問候（你個xx真係冷血
等等！返工時想突然有日唔駛請假既假期
以我這種懶人角度，好正常呀嘛？
我又唔係中意打風帶來的傷亡損失（冷靜D好無

今次果然係超強颱風
前兩日仲特登上網睇下颱風點形成
除左強大風之外、又大雨、樓都搖
強得有點可怕

無野做就係咁食野
得啦，肥返晒1年既野回來

又要揀歌做主席了~

P.S.早餐，yeah