今日係我地最後一場比賽呀!

不過我覺得開心..又有唔開心,因為唔捨得

唔捨得d人

由F.1到而家,都佔左我好多回憶

記得有一次,係街場,一路打一路喊,難忘

最後成隊喊,壯觀,未試過,唯一一次(我諗得我一個記得)

我有時會諗..點解我會入左培敦,點解會入籃球隊

點解我唔係其他學校?點解我唔係打排球?

點解係咁安排?

好開心,原來我係屬於呢一到

琴日down番哂之前好想聽既歌~正

夜晚同家姐阿媽出去食飯,太耐無出,佢地好忙呀....唉

食完之後去左三聯,買左本書,又無左$60啦...

發覺自己原來偏愛睇果類型既書,我知自己份人好悶

呀..琴日放學,我行行下見到樹下面有隻蝴蝶死左,訓左係地下

隻蝴蝶既花紋好特別,之後再行多幾步,見到一隻一模一樣既蝴蝶係到飛

唔知隻蝴蝶係唔係搵緊果隻蝴蝶呢..

我發覺原來我對上一篇日記係9號=﹏=其實我有開電腦架

不過果陣覺得沒什麼可以記載

昨天:

RE堂topic係戀愛,聽酷愛

"分不出真假的愛恨"..岩呀,都唔知係唔係真係

我覺得而家既情歌同以前既情歌唔同,唔知你有無同感

之前既情歌好甜蜜,情深,無咁多係關於sex

甜蜜情歌~例如戀愛預告(我第一時間就諗到呢首歌)

4點打學界呀,輸波呀..不過都無話唔服既,我地平時無練波

人地有練,贏係正常"

之後坐向sir架車去睇男仔打波,哈哈,正呀,4個F.5坐哂阿sir架車,好屈機呀

其他人自己搭的士,哈哈哈,個場面好搞笑,亂黎架

男仔係唔同啲,勁快@@有一個男仔打得好叻

打到最後平手呀!!!好緊張!係替佢地緊張呀!要加時"

最後都係輸左呀..輸左小小

今天:

睇左"不能說的秘密"

開頭好浪漫,感覺好真

講到愛情係可以穿梭時空只要係真心相愛

早排同koyee齊慨嘆一件事..其實我地兩個好白痴

嘩嘩嘩~星期五完左一日陸運,今日又黎啦,真係快呀

朝早有項比賽真係樣衰!希望見到既人..唔好再提!包尾喎..樣衰都喊呀!

之後11點就到左4x100,winnie係最睇重!

唔錯呀~第三~其實好開心!>3<好開心呢3年可以同佢地3個成為隊友!我好愛你地呀!

其實開始無力...下午屬會接力,本來係prefect,但最後又番返去籃球隊,哈哈哈!

好開心呀,可以幫籃球跑,實在太有歸屬感啦

之後緊接住班際..好驚呀...我無哂力啦...不過我班D同學仔好好呀^^哈哈

最後係無贏到,真係抱歉..拖累哂

頒獎禮

籃球隊--第一名!

5D班際第一名!(見到阿遠衝線...呀...傻傻地架..)

社際--HERMON(人馬強盛)

NO.1------O-L-I-V-E-T------勁開心心心心心心心心心

其實好光榮呀!身為OLIVET既一份子!^0^

你而家可以睇到我篇日記...係經過我阿媽不斷痛罵下而寫下

你都估到佢會鬧我D咩架啦..

佢每次都係破口大罵,無了解下我既意向..我有諗過係唔係我錯哂

但係....算啦..我都慣哂啦~佢永遠都係咁,我明點解佢會咁..但係..

係咪又係我唔夠成熟?唔知搵錢難...可能係啦.....

算啦..講落去無意思~唉~正仆街