近來 ---茶餘飯後大小事                                                   2009 年 7 月 28 日  星期二       好耐好耐無打日記， 因為禧禧先生同馮穎穎小姐經常霸佔電腦， 不過我都無咩所謂，當然最好有部notebook，無既話可以做其他野。 其他野意思包括睇書、睇韓版花樣男子+訓覺，其實都充實的。哈哈   呢幾日除左去bookfair， 星期日仲同朱先生的親戚們食左個tea-buffet， 其實野食就麻麻， 不過我好高興佢地有家庭聚會既時候，都會想起我。 然後同朱先生係銅鑼灣閒逛， 唔知點解著親甩色鞋都會落大雨(留意:係勁大既雨)好無奈!!! 由於呢個關係，我鞋櫃既拖鞋數目係歷史性地創新高。   而尋日係我不斷追睇情況下，終於睇完"twilight" 發現只要沒有太多講Jacob Black，是非常地好睇， 但睇完還是會失落的，之後應該要睇咩書呢﹖   近排有些想法改變了， 自從聽到媽媽同事既老公在元朗車禍死左之後 總覺得生活真的不平凡，太無常了， 應該要更珍惜身邊的人吧。 以前很討厭小孩子，發誓可以最好不要小朋友， 但現在改變了，如果人必須離開， 或者至少應該有樣最珍貴既野一直延續落去........ 對嗎﹖