...今朝有咩事發生丫...似乎都無咩喎 也許是我忘記了 或者係 無心去裝載發生左咩事呱 0.0 反正就係無咩特別事發生~~

下午又係去左練習話劇~ 嘻嘻..又差唔多遲左成個鍾>3<  玩到接近8點先返屋企~~返到屋企 都係無聊IMG之後上左BLOG 睇番D人係我D日誌的留言.. 估唔到 我睇到一個令我頗為驚喜..不是應該是 頗為可以說是討厭的留言吧....

其實你一開始同另外一個人拍拖 我都已經明白 你係唔中意我ge 先至咁做姐...點解你依家又咁在意我對你的感受呢? 我唔稀罕丫 我唔要丫 實在太討厭啦 你究竟想點姐...我已經放開左手架啦...個心就仲差少少  算了 反正本人的心已經傷透了 我唔可以再比我傷透了的心再次複活起來 因為我相信 再一次的複活 換來的只是一個再次傷透的心

琴日上電腦堂 我同杰杰咩都無做...應該話 我地咩都做唔到...阿sir話send比我地d野 我地都無...叫我地做啥 結果我地佢係度上網聽音樂 呵呵~~打下機咁 就囧左成堂去~~ 大測分咪大測分囉 ~~

今日作文又係要作新詩丫 我頂 超難 諗爆頭啦 都仲未作好....總之就係超麻煩就係啦!!!

唉~~呢幾日還真輕鬆呢 嘻嘻~~應該話 心情沒平時那樣down 一直保持平穩狀態耶~~~仲有 今朝上堂我無訓教丫 呵呵~~可能係琴晚早訓左呱 果然有用呢! 個幾何小測呢...希望合格啦梗係....算啦 唔理~~

我發覺 我依家對於果d野 即係愛情丫 想拍拖果d野 開始有dd討厭了...唔知點解總之我依家就係對於幸福丫 果d野呢 覺得有d反感 0.0? 唔知呢~~都好 反正依家呢個時候都唔需要呢d野ge ~~最好就完全免疫囉 咁我就少挂心一樣野囉 呵~

哇 我o左嘴丫 點解我搵唔番我琴晚打ge果篇blog ge -口-  qooza搞咩丫頂...難得我可以打一次blog 都唔比機會我增加下人氣....

唉 呢排唔好話我打唔到打blog囉 就連 我可唔可以上網都係問題丫 因為呢幾個星期 都要因為個話劇 日日都要練到7點幾先番屋企 咁岩就同我家姐番屋企的時間一樣...我頂 超不爽 今日我番來 見佢未番 拿拿林開電腦 做語文家課 諗住做左可以同阿豪佢地打陣機 點知 我都仲未興奮完 我家姐就返左來 打破左我幻想未來美好ge幾個小時  激死我啦真係...

不過都無計ge 話劇就要來比賽 練到咁夜 我都無怨言ge 阿錫仔都有問我架 有無後悔入左話劇丫? 我話 無丫 如果有ge話 我想早就無返到囉~~ 之後我再想 都算多得話劇了~~好在 話劇果邊有野比我玩 如果唔係都沒法填補我一直空虛的心靈 我都算好彩架啦 岩岩入到去 唔係做苦力 而係可以有角色比我做 果邊對我都算唔話得架啦 哈哈~~

不過今日整個早上 我都沒什麼心情 又唔係遇到d咩事丫 只係 覺得 咩都覺得好討厭 見到d咩野我都睇唔過眼.....所以就成朝有4堂都係訓左教...結果搞到物理又唔識...幾何同代數又鬼死咁難...唉 我醒覺了麼 大概還未吧

也許 像現在就是最好了  陣排總是孤單一人 小息果陣個個都帶著歡笑的 可惜 我真的沒有什麼心情去欣賞 只是想孤單一人 為什麼會這樣? 不知道哦 也許我本來干那麼多事情 就是為了讓人家討厭我 掉下我 讓我孤單一個吧 .... 也許 像現在就是最好了

今日真係...d課程極品到我唔駛講啦 係咪 全部都係理科 重要ge係 科科都有dd家課 dd下就變成多多....小小積累變左一大堆家課 幾痛苦的 不過今天的我心情依舊沒怎麼高潮起來 所以仍然在小息時間做家課 放學的時候 就係差幾何同代數姐 一下子搞掂左...

係啦 我諗番起中午果陣 我又打破左我人生的第一次了 我遲到了 因為打機 >3< 我同阿豪(即係倉鼠) 返學果陣 點解佢都咁晏返呢 因為佢係同我一齊打機 我同佢行到去學校下面果個優之良品果度 佢隻錶明明就仲差1分鐘ge.....點知去到果陣 果條miss 唔知邊個來ge 佢話我地倆個遲左廿秒 -口- 我同阿豪都o左嘴 廿秒都唔比我地 真係!@ # $%^&*  結果就係咁 我ge第一次比左學校了....

不過遲到就是遲到 沒什麼大不了 只係換來1星期的值日生涯  幫輕下政政同埋做咁大半世值日的同志們囉 呵呵~

做完值日 又係匆匆忙的跑去話劇 今日要練排位囉....哇 真係好核突丫 我d肢體動作超核突 勁不自然...唉 結果由5點幾 至到7點倆個字 都在歡笑聲渡過 結果送左佢返屋企 原來佢住係bigger附近架炸!!! 呵呵~~

之後呢 我仲聽佢講 咩係為左好仔呢? 佢就話 平時帶止巾and膠布ge果d 多數都係好仔啦 ........我話 邊有可能丫 帶得呢d野ge 未必係架姐 佢話 唔係丫 我係綜立左好多方面d人 都係咁一致認為架 我-口- 

佢仲關心下我ge感情生活...講開又講 點解我地果隊人都知道我ge野呢 係因為 我地隊其中有個成員 係c君媽果度知道我有果方面ge煩惱..結果係琴日 佢地逼我講哂出來.....不過我已經一就早無野囉... 係呢方面我好佩服丫c君媽...佢居然 我都唔知點講好啦...

講返來先 佢就同我講左一句野姐 我就比佢點醒左囉 佢係邊個? 佢就係一個飽歷風霜的大家姐啦 雖然佢細我一年 但係我就係咁覺得佢

比佢點一點 我先知道什麼是"開始"

今日係我小學ge校慶丫~~~我朝早去左 見番唔少以前教過我ge miss 同sir 不過佢地似乎唔認得我 認得ge....都無咩反應 同以前一樣 反而係果倆個校長 仍然係咁和藹呢~~~

去到11點幾 無事干 就陪個朋友去了打機 12點返屋企食完飯繼續去打 玩到3點幾去左杰杰屋企同佢慶祝生日 其實係去佢屋企搶機打 嘻嘻 過無耐 子明都來埋 依舊買左一大堆野食丫~~ 係晚上果陣杰杰屋企人仲切埋蛋糕比我地食呢 真幸福丫~~~

上網搵下自己平時聽開ge果個歌手ge歌 發覺我原來cup少左一首正野...唔怪得平時聽啦 總係差咁d野啦

聽呢首ge時候 我差d喊左出來呢 ...不過平時有feel的時候 聽都會聽到喊 因為實在太悲情啦 ...

我不恨你什麼 謝謝你讓我幸福過 那麼過去殘留的美好 足以讓我回憶到老 我不恨你什麼 謝謝你讓我明白啦 那麼現在所謂的感慨 沒有機會可以重來 重來

歌詞來ge...呢句實在太正!