話咁快 我地升上左初三已經1個月囉~~感覺都像是放假放哂去咁ge~~而且我今日覺得 英文難左好多丫 d生字丫 文法丫 等等等等...都完完全全的深化了丫  感覺到有點兒的壓力呢~其他呢 都一樣係好似以前咁....都算過到關 唉~~聽日就測埋最後一科----代數囉~測完之後應該可以放鬆一口氣吧 不過我諗 果一口氣還沒有鬆完 考試又會來了 時間過得真快呢 我還真想停留在現在~停留係呢段咁開心的中學時代丫~~還是好好的享受現在最後耿有ge初三吧 ~~

哇~~今日化學實驗還真好玩呢 不過丫小白佢地似乎無聽阿sir講 結果整爆左個燒瓶 我做果個實驗果陣都驚驚地....而且我仲係要揸住佢來燒野架....不過感覺都幾好~呵呵~~ bigger好似無得玩咁 呵呵~~

我成日同自己講 我地只不過係朋友姐 好多野都無可能發生ge 久而久之 有左呢個諗法之後 發覺自己已經無諗果d野好耐囉~~但我對她的感覺依然呢~~~ 她已經很久沒對我做果件事囉 ......反而現在覺得寂寞 每次家中的電話響起 我都會在想 會不會是她呢?然後飛快的沖出去接聽 咁當然唔係啦 如果唔係我依家都唔會咁講囉 呵呵~ 也許我現在已經慣了沒她在我旁邊煩我吧 ...不過我不想 真的不想 不過現在也好起碼我倆也有朋友做 嗯~~這樣的感覺都ok丫~~

哇哇哇 依舊聽緊d悲傷情歌丫 哇 正丫 幾時聽都咁有feel架 哈哈~~~

哇 呢幾日真係涼爽左好多丫...不過我就覺得 地方暖化的問題愈來愈嚴重囉 我記得上2年 都係中秋節果日開始要著長袖衫三架啦 唉.

我今日朝早果陣比我母親叫醒左 叫我朝早同中午果餐自己搞掂 跟住佢比左一d$我就唔見左了 我一直訓 訓到12點幾先起身 早餐都無食 到左中午肚開始餓的時候先 醒起母親叫我自己搞掂 我一直都好奇怪 點解會咁ge平時都唔係架 直至我出街買飯果陣先諗返起原來今日係重陽! 諗起重陽 上一年我母親都要我去bye山 超麻煩 而且果陣d天氣都已經開始凍架啦 但係依家我都仲係著住短袖....今年就唔駛 唔知點解我母親沒叫埋我去呢? 不過唔叫仲好~

涼涼的天氣~~很喜歡呢 那種感覺好舒服~ 尤其是早上一起身同埋晚上的時候丫 條街 車同人又少 d天氣又涼涼的 真舒服~~所以我呢幾個星期都不怎麼早睡覺 都是差不多一點才睡 而且明天要大測歷史 所以我自己有個借口 停留係呢種天氣 有機會真想通一晚肖呢~~感覺晚上愈來愈冷的感覺~ 到了晚上 每棟大樓都剩下幾個單位是開了燈的 其他都是關上 而且天氣涼涼 呢個景色都幾令架 令到我有一種愉快ge感覺出來丫~

何謂是愛呢?我以前係單純的諗 為一個人無私的付出任何野  就係愛一個人 直至現在 我ge諗法依然無變呢 ~~這樣單純的諗法係唔係好白痴呢?失去自我的去愛一個人 為咩呢? 我唔知丫 我到依家都係度諗 或者到時真係遇到一個能夠讓我給幸福她的人吧 可能我到時候就知道囉~反正呢d野都無可能係依家發生架啦 呵呵

                            》我的命運就是如此殘酷 讓我不能去喜歡上一個人《

哇 今日依家係落咁大雨 但係我比較喜歡打風或者係落雨之前ge果種天氣 涼涼爽爽的 天灰灰的 每次睇到同感受到呢個景象 個心就不其然有一種愉快and期待的感覺 而且會突然之間諗到好多感觸ge野 

 雖然那個景象很短暫 可能呢一刻仲係度陶醉緊 但係下一秒呢 就會落一場不知明的大雨 可能我的喜好比較特別 我喜歡下雨 但不喜歡下小的雨 我喜歡好似落狗屎咁咁大雨 我喜歡晴天 但不喜歡下雨過後的晴天 只喜歡藍天無雲的晴天~

我有呢種咁ge不正常心理已經唔係呢幾排形成的 而係很少的時候已經有呢種心理 而且呢幾年遇到的事多左 感觸亦都多左 係呢d時候 .....我會感覺更加愉快(?) 我也不知道為什麼會這樣子的

不過呢倆日我一直都係網吧到過 真架 呢內日 我對住部腦仲多過對住我老母老豆 琴日 即係星期六 我一放學 食左中午果餐 即係12點幾 食完就跑去網吧 一直玩到晚上11點幾 即係晚上果餐無食 我都唔知點解......之前我都無去到網吧好耐架啦 淨係有時同丫政政一齊去下咁姐 係星期六 想去網吧打機的感覺超強烈丫! 結果就瘋狂打機打左成日

琴晚11點幾係網吧打完 之後沖個涼 係屋企繼續打...(我痴左線) 星期六丫嘛 難得一個通肖的機會 打到3點幾 我諗住較個鬧鍾係7點幾叫醒我 我仲諗住7點幾食完個早餐又去網吧打機架.....點個佢整唔醒我 結果搞到我9點幾先起身 果陣感覺上自己好似遲哂大到咁架 哈哈~~不過今日我都係玩到6點幾就返來 溫習做家課

e凡同杰杰幾幸福丫~~真羨慕丫 不過呢d野....都係比我自己用來羨慕下就算囉  反正我的命運就是如此殘酷 讓我不能去愛上一個人 呵呵~

最先前大測ge果3科成績已經出左啦 英文:85 物理 我仲以為唔合格 而且我又唔敢話佢容易....都有75 而語文呢...唉 一分付出一分收穫咁啦 都係75分

其實我今日先發覺 每次測每一科大測ge前都係懶散ge.....本來我可以拿到更高分吧...又可以話我根本唔想將自己的分數提高 平平凡凡就好了 而且我都......總算過得去咁啦

我亦都知道因為某d事 有時都會搞到我溫唔到習架 但係我始終都分得好清楚....不過琴晚我就真係好亂丫個心 因為 我唔知打唔打過去好丫 打過去啦 又驚會阻著佢溫習 你地都知架啦 d英文生字 真係好生架 d音又多 好難背  唔打過去呢 自己個心就忐忑不安 所以就搞到自己無辦法去溫英文生字....生字都溫唔到 唔好話詞解啦 我諗我今次小測實衰梗架啦

順實自然吧啦 我雖然會用呢句野來當借口 但係始終都係唔得 個心唔多唔少都會諗住架嘛...唉 唔知丫 不過呢排我真係少諗左好多好多架啦 話哂我都會將事情的輕重分得好清楚ge

唉 星期一就係化學啦 各位都要+油哦!

今日一放學就去左網吧打機...成11點幾先返 由中山12點玩到晚上11點幾 呵呵~~ 係9點幾果陣 丫杰杰就同我講左一d令我幾莫名其妙ge野 佢話 有d野 你係唔係應該去煩惱下呢?(唔係指愛情 係指各方面) 跟住我又話 我依家都無呢d煩惱 點解要突然拿出來煩惱丫?杰杰話 有d時候 唔到你去煩惱架啦 而且呢d野 遲早都一定會遇到ge 你咁樣去逃避唔得架 跟住我又話囉 下....遇到先算啦 反正我依家過得都幾快樂丫 沒煩惱丫 佢就話 你有ge 你一定有呢d煩惱ge 至少你依家比我睇到你有好多煩惱先 我就話 其實都係愛情的問題姐 其他都無架 佢就好堅決的話 你實有! 我就話 嗯...可能我真係有囉 但係好多時唔會去留意同埋拿出來諗囉 久而久之就可以忘記了自己的煩惱係咩架

講到呢到 我唔記得左後面啦.....唔知點解佢會咁ge呢.....=..=我真係搔哂頭...

哈哈~今日都正常上學囉 ~~~不過一返到學校就要大測物理 我覺得丫...好采計算題淨係出一題姐 應該無死得咁慘ge 鳴 哭~ 星期一又來多科化學 我諗 應該無咩問題呱  因為平時都有聽書(雖然間中有一倆堂訓左) 而且只要背一背d野 應該無問題ge.....

我覺得今日幾多家課下 其實唔係好多姐 只係.....唔知丫 我覺得囉 今日 d堂都唔錯丫 起碼我無訓教先啦 哈哈~~不過有幾堂 唔知點解 個心情都down左一陣 之後又回神過來 呵呵~~ 哇 家課丫 家課 ~~

也許我的命運就是這樣 明明已經想好如何去小心地去行呢一步 但係點知一行就,.......衰左囉 唔通 我係唔可以同任何女仔發生d咩關係感情關係的嗎?
 

不過點都好 反正依家都只係過左一日 就算係諗 都唔係依家諗啦 我做任何事之前 唔可以一開始就打定輸數ge  咁之後做果件事就會一直有咁ge心態 咁唔得架嘛~

有人同我講 也許是自己諗多左呱.......不過點都好 始終果晚我都拿出了勇氣出來和她說果幾句野丫! 始終件野已經開始左 我就沒法返轉頭架啦~~睇下落去之後會點啦!