好悶丫 有咩做丫各位 依家16號啦...過左一半囉 每天仍是做重複的動作....好無聊丫

昨晚通肖通到天光~睇住個天由黑色轉為 深藍 又由深藍轉變為 淺藍 由淺藍又變為本來的天藍色 真係幾令架 雖然整個轉變過程只係短短半個小時 但係唔知點解 呢半個小時頭腦係最清醒ge..咩都諗左一陣~諗到 自己仲有3年聖誕可以過炸..唔知到時候 我會唔會拉到女朋友~呢 哈哈~~我又傻左啦~呢個時候都係唔好拍拖囉~

3年 話多唔多 話少唔少....可能到時候我剛剛去完高三的畢業旅行囉~~~係走之前給自己留下一個美好的回憶~

跟住去到7點幾果陣我又訓番 訓到12點幾先起身...呢幾日都係咁 一訓就訓得著 太爽啦!可能係打機打得太累了的關係了吧~

上天丫 好讓我平平靜靜的過埋呢3年啦>3<~~ 哈哈~~我係白痴~

已經過左12點了....不過我依家所打ge野都係昨天發生ge事...

哇 正丫!今日同我2家姐 大哥and佢個老婆仔一齊去左珠海個水城玩丫~~哇 真係超開心丫..不過我去之前 可能昨晚訓教的時候個冷氣開得太凍了~搞到我早上有少少感冒 有d鼻水 不過我大哥陪我去附近的藥房買左d藥 食左好番d~~ 之後的節目如常實行~

我入到大門口的時候 感覺上都沒什麼人 但係一去到買飛果度...d人多到爆哂棚咁 我地都要等左一陣...先可以排到隊去買飛 不過都好快 半小時後我地終於買到飛啦(感動。) 之後去更衣....入到去先發覺...個更衣室係.. 一d遮掩的地方都無架...雖然係門口望唔到入來...但係更衣果陣 感覺怪怪的 可能係我自己的關係吧 對呢d野比較敏感~~~

更完衣了 出去出面等埋果2個lady出來 佢地出哂來之後我地去糟左2個雙人的水泡~一個係我大哥and佢ge老婆仔ge 另一個係我同我2家姐ge(哭。)

我地第一時間沖去到第一樣野~~就係---一個差唔多圍繞住成個水城ge一條人造小河~~一開始都沒什麼的 只係漂下漂的∼但係去到一個地方 果度係有一d好大的人造浪!!哇 浪到我地好高(高的程度係 本來d水的1m深的 佢d浪可以浪到差唔多2m囉~~好恐怖架)我不停撞到個牆 諗番起都好痛~ 之後的路 好好玩架 我同我大哥果隻水泡鬥快~~我地玩到好癲 係度反大家隻水泡~~

然後我地玩完呢個之後就去左個"人造浪的人造海灘"果度玩...都沒咩架姐 d浪唔夠高..好無聊架 不過我大哥佢老婆仔....浪到"早船"喎 想嘔 結果我地就上左岸休息返一陣 休息過後 我地去玩果d滑梯~~

第一個滑梯係要用到水泡ge 我同我2家姐一齊 係一齊坐上個水泡 之後有人推你落去個滑梯到 之後落的過程中會有好多轉彎位 又係浪來浪去...沒什麼的  一個幾悶的東西~

第2個先恐怖丫...就係斜的角度差唔多有90度的高滑梯...依家諗番起都驚丫~~一開始 果個人叫你雙手交錯放在自己2個肩膀到~~然後交錯腳 同埋 任何時候都唔可以鬆手...之後我比人掉左落去...嚇死我架 我本來係開著眼睛的 還沒有閉氣 但係我滑左3分1到 雙眼開始比d水沖到睇唔到野 個口又吸唔到氣 因為沒心理準備嘛~....驚嚇的過程不到2秒 我落左來之後 我本來4角的泳褲 就係係滑落來的過程中 變左3角(即係我個pet pet的位置的果d布 滑入了我個..屎眼的位置~) 我趕忙整返佢...但係都係比人笑左一陣

之後有一個因為未夠16 所以唔比玩 我都唔知點解... 沒得玩 就去玩另外一個 果個比之前果個沒恐怖咁多~一樣的支狀滑入去那個黑黑的滑梯內~入面真係咩都睇唔到....我只係知道 一見到光就要閉氣...好采 果然真係 好采有閉氣 不過都係飲左一口水 呵呵~~

滑梯就玩完了 但係大哥個老婆仔仍然唔舒服ge~結果就走左上去果個泳池旁邊的長椅休息~我地另外3個人就去游左一陣水 之後我大哥肚餓 叫左我同2家姐去買個三文治比佢地 而我同2家姐就買左個干炒牛河 食堆先拿d工三文治 上去 點知我大哥個老婆仔無事了 落來接我地~~

食完野 就去左...玩鬼屋..入面得個黑字..一d都唔恐怖 好無聊 最後有個活人摸我...我就係果度比佢嚇餐勁ge...

然後我地又去玩多次第一次玩果個 今次仍然係咁 快係多左隊好鬼搞笑ge人 本來一個水艇(即係比雙手水泡大一d 有個低 而且係一個船的形狀) 只可以坐2個人...但係佢地就超載 坐左5個人....我同我大哥等埋果班人一齊玩大浪果一part~好低死 佢地差唔多浪哂出來 哈哈~~好鬼好笑架~而我大哥就笑到反左艇...呢個仲好笑~~

然後我地去左個兒童游泳池到玩..不過果度唔單單係泳池 而根本就係一個在一d淺水上的兒童遊樂場....不過我一入到去最無聊就係睇到有塊野寫著..."本地區只論合兒童遊玩 成年人請勿內進" 不過我地唔理咁多 因為入面都有好多大人 入去玩~不過每個遊樂設施都有一個"麻甩佬"睇住 有好多野都玩唔到~~所以就算了 散下步 去另一個地方玩~

最後一站我地去左個有1m深的泳池玩~我大哥就教佢老婆仔游水 面我同我家姐就去玩一個 水上浮台的東西~~係上面好難企的穩架 我家姐一早支持唔到掉左落來 而最後我因為耐力不足都係掉左落來

大概玩到5點到 就結束左今日的行程~~玩完之後一身散~ 結果係屋企訓左1個鍾到 就起左身 沖個涼 就打打blog咁~~總之今日就係爽啦 哇哈哈~~

我都係第一次打咁多野炸...我下次去都係唔敢玩果個90度了...太可怕了 簡直係惡夢丫!

...有幾日無上來呢度睇人地d  blog啦  自己都好耐無打過 手有d痒~~但係今日終於可以上番來呢度啦 ~~見到好多人都打左新blog 我當然唔汁輸啦~

唉 暑假已經一半了~已經開始有悶的感覺了 不過仲頂得住....每天都是打機 食飯 沖澡...解決生理的需要丫仲有訓覺~不過都有好多日都係通肖 >3< 唔好意思哦 皮皮and e凡 無聽你地話~~~ 都係做呢幾樣野 都幾無聊架 其實想搵d野搞架 不過就係懶無去做~

我生左粒非知丫原因就係因為 上個星期日 我2家姐突然唔聲唔聲ge係韓國(可能又係放暑假吧)返左來屋企~~帶左好多垃圾食物 食到我第2日立即出左粒左大又熟的非知  幸福過後總是痛苦的

星期一晚上 我大家姐請左我地成家人去西環果邊食葡國餐丫 正丫 好正架丫 不過唯一有遺憾的就係 就係我個口果粒非知...好痛丫 搞到我邊食邊痛......不過都係低ge~~ 痛苦之中也可以有幸福的存在 但係只會令痛苦更加多and大 就好似我粒非知咁~

唉 唔知皮皮呢排點呢 有d挂住佢...丫寶寶定係bigger話佢係果邊有d咩唔開心丫...不過都無用啦 知道又點 又唔可以幫佢分擔 呵呵~~好悶丫 丫 好想快要開學呢 想同番初二丙班的老友吹下水丫~~>0<~雖然初二丙班已經不過之前那個那麼完整 但係我地仍然係心連心ge~~

好丫 聽日可以去珠海個水城玩囉~~應該會好正吧 我係第一次去炸 >0< 而且係同我大哥and佢老婆去丫~電燈擔的唔只我一個 仲有我2家姐~我要cut頭髮丫 好多好麻煩 搞到我好唔方便丫 訓覺都要就住就住......之前又係因為懶的原因而唔去cut~今日或者聽天無論如何都要cut左佢架啦!

                                                              2008年8月3日(即係昨天)

哈哈~今日我同埋豬皮丫 e凡 小霖 bigger 小寶  政政 +豪 柏豪 娘子~還有2個傻豬..(即係鋒鋒 同+棋) 我今日玩到好瘋狂 本來我諗住只係玩下水咁架姐 不過我睇到政政比娘子進左落水之後...唔忍心見到政政得佢自己一個成身濕哂 自己一個落水玩 所以我就唔管咁多了 跳堆落水同政政玩~呵呵~我終於知道果陣時點解果d女仔係d4級污染水都可能玩到咁開心了~~因為我今日都終於都領悟到了 ~~藍天and白雲 感覺好快樂 (果陣係變返3級污染水) 之後2個豪都同堆我地2個一齊玩~呵呵~我地個個男仔都玩到濕哂身丫

玩到大概5點幾果陣  上水沖身and洗身...無帶衫來 但係玩到咁瘋狂 某程度來說自己係犯賤~好麻煩丫 個袋d沙好難洗返出來丫..最後我地全部果仔 都有落水而無衫換果d 都一字排開坐在係上面d鐵柱到 而d衫好似咸魚咁......有太陽下面爆曬

我坐係d鐵柱的感覺~好正面對住個海 and後面不斷有d自然風吹來 哇 果種感覺丫 真係要坐左係上面先知道~政政件衫比果2傻豬玩 ...果2條友仔將佢件差唔多就來干的衫 又掉左落水.....又濕返 政政好可憐 第一個比人堆落水又係佢...又比人搞到咁慘..

最後我地d衫褲都未干 就走了~~哈哈 柏豪真係好人 佢請我地3個人(即係+豪 政政and me)去左食m記 晚餐~

真係好爽丫今日 我又好多第一次無左啦~ 就係 第一次在海灘swin~~同埋在著住衫的情況下跳落水~呵呵~~好玩丫今日 我地d衫丫 低褲全部唔知點解都染成黃色了 可能係d水污濁吧 我本來白色的變了泥黃色 政政最低死 佢黃+藍變左綠丫哈哈 (即係佢本來係藍的 之後+了黃色上去 變了綠色)是真的丫 黃+藍真的變了綠

                                                               2008年8月4日(即係今日)

昨天10點幾的時候 豬皮打比我 佢話佢聽日走囉 叫我去送埋佢最後一程....正確d來講係丫娘子唔識路 叫我去帶佢去坐車.....嗚 不過無論 為左丫娘子又好 豬皮又好啦 我都覺得我應該要去 呵呵~朋友嘛~佢仲我8點到要去到等佢 我問佢幾點上船..佢話9點...=..=)

果晚我驚我自己訓到唔知時候 驚起唔到身送丫豬皮 所以果晚我成晚無訓 一直打機打到天光~~我係4點幾果陣真係超眼訓 於是我搵d野來搞...搞到自己精神d~仲沖左杯朱古力奶飲~都係自己沖的好飲>0<

終於去到8點啦 我唔記得左昨天玩得太瘋狂 條牛仔褲都洗左 之後臨緊臨忙 我突然想起我地之前打邊爐 丫e凡果套裝束 於是我好似e凡果日咁著 著條軍訓的時候果條褲 之後再著一件比較細件少少的衫就出左去了

我去到學校等左一陣 見到娘子了 我唔小心帶左佢遊左一陣花園 呵呵~之後差不多9點先去到港澳碼頭 好無奈咁 豬皮深係佢d野都已經2-3大袋..不過一個女仔有咁多野係好正常姐 佢叫左丫娘子幫佢拿左一袋衫去果個叫..行李儲存倉果度 之後放低哂行李之後 豬皮就同佢..唔知係佢父親定係 親戚~急急腳咁走左了....額...走得一d都唔浪漫ge 話走就走 又轉頭...一d感動的場面都無..不過沒關係啦 之後還有機會見面吧..

身邊的朋友逐一離開自己了(雖然先係一倆個..) 但係都係果句 我唔想仲有d咩朋友因為咩理由而離開自己...感覺好難受 之前一想酊豬皮4號就要走的時候 我無哂心情打機了 用訓覺去遮蓋我呢個悲傷的心情......講真 因為呢件事我有好幾晚都訓著...但係我又唔想丫皮得唔開心嘛~~所以一直在她面前裝著比較開心的樣子~~我也知道丫皮會上來呢度睇~~呵呵~~我忍左好耐啦 都係依家講左出來~~~真係忍唔到嘛~~

不過丫 阿皮丫 你係香港要開心d丫 唔開心就打長途打來呢度d fd丫~~ 我突然諗到一句好肉麻的說話...算了都係講了~~ 我隨時都會在電話旁邊哦~~.....我講d咁ge野好怪 呵呵~

這幾天都是這樣子 每次想打blog的時候都有人同我係msn傾計 呵呵~ 搞到分左心 打唔到blog 不過今日呢 就無人阻著 哈哈~~可能是早上的關係吧 msn都沒什麼上線~

聽日去黑沙玩丫~~有好多人去架 有e凡啦 小霖 ahyo bo唔知去唔去 bigger~~ 當然還有我地ge主角---皮皮啦 有我 政政 柏豪 +豪and政政啦~~哈哈~應該會幾熱鬧架!  我仲記得之前阿皮皮 tracy e凡 ahyo and小霖係果d 4級污染的水到...玩耍..諗番起到好嘔心.. 不過唔知以後仲有無呢個咁開心and熱鬧的畫面呢? 我想應該還有的〝

皮皮昨天已經汁哂d野啦 ...佢4號就走了 諗諗下 淨番2日炸..唉 真係唔捨得 也許之前自己不會去珍惜吧 到差不多失去的時候才會那麼感觸...朋友嘛 而且關係都幾好的 呵呵~

我不想還有什麼人離開我了...因為 離別的感受真的不好受 杰杰都已經去左了(雖然只係一個月) 但係皮皮就..可能以後都不會再回來了.. 我想 我現在應該還有能力陪埋佢最後呢d日子挂~~呵呵~~雖然能力不多 但係我起碼可以知道 呢幾日我係一直係佢身邊ge.xd~~女仔成日用的一個..唔知咩詞~