呵呵~今天也過得不錯哦 沒什麼意外發生 唉~~幾爽的一天

今日我地學校搞果d咩世遺遊 都幾悶下 又熱 首先我地去左果間...唔記得左了 入面側面的上面的果d富有 藝術氣息的彩色玻璃窗~~嗯嗯唔錯~而且又靜又有泠氣~

下一站我地去左個比較中式feel的"廟宇" 呢個同頭先果個西式的"教堂"好唔同 大小已經差好遠了 無冷氣更不在話下...算了 都參觀左一陣 記得了 果個好似叫 關帝廟 哦 係唔係呢?唔係好記得

下一站去左另一個比較細的教堂~~~不過有3層..比我地參觀 又係參觀一陣 又走左 都無咩特別

下一站去左民政總署參觀 我地平時經過又經過得多了 不過就係好少人入過去...原來入面辦事的地方好細架炸..其他果d都係比人參觀的 樓上有個圖書館 不過要1點先開....所以我地去左果個花園仔 入面有d以前我地澳門的 用陶瓷整的 的畫~~果個導遊話 入面畫都係以前澳門 魚村的景象來架 都得意~ 幾值得用手機丫 影相機丫 影左佢~最得意ge係 後面少少的果個噴水池丫 有2個出口位 2個都係用石頭整出來ge2個人樣 其中一個壞左 出唔到水 不過我地見到的係 有支m記的飲管插左入去 超低死丫 未去過世遺的人 明天留意下 話唔定仲係度~

之後一站去左附近的 仁慈堂 入面好細 我地唔可以一班一班人入去 其中一d人入左去先 先可以到另一批 我地上哂去參觀左一輪 之後入去隔離的小房子聽個阿叔講返之前的故仔 ...都唔錯下

最後一站去左 玫瑰堂 又一個教堂 都無咩好搞 我地又係參觀左一陣 之後就散水了

杰杰叫我返學校門口等佢個...傻豬出來 之後我地3條左仔一齊去左"白m" 食中午果餐~~~佢地經過一輪sweet之後(果陣我都在場架大佬)e凡可能有d事返左屋企 淨番我同杰杰吹下水 我同佢吹左一陣 叫幫我手解決左d我呢幾日一直擔心的事情  呵呵~

點都好 珍惜未來以後的日子 好好開心活下去丫~~各位

我2哥換左死性....佢居然比我玩佢部psp 雖然只係只可以比我玩到5點幾 不過都算了 比我滿足下就足了

死人杰杰 放我飛彈...又話我2哥比我玩的時候就來我屋企同我連機玩.......答應了我又唔來...都唔知佢想點丫~~~!!!!

今日好悶丫~~~昨天通肖打機 打到4點幾先至訓~ 朝早10點幾先起身 食早餐無耐又食中午果餐~....成個下午都在家中同我大哥上網睇"海賊王" 都幾無聊下.... 今日個msn都幾靜哦~無咩人出聲 應該係出哂街吧~

不知道我們還有多少個聖誕節可以過呢??呵呵 不過點都好 珍惜現有的一切~尤其係自己的daddy and mum咪 是他們將你們帶到呢個世界的 是他們養育你們的~即使他們對你點都好 都要珍惜丫~諗下諗下 有d唔份氣 我先至15歲炸~ 唔知可唔可以讀到大學 可唔可以指拖丫,結婚咁~~唉 有d事人是改變唔到ge 咁就算了 由得佢 順其自然啦~  人生無常 說不定 六合彩就無得你中 而死神就偏偏選中了你......不過我有一班好朋友那麼多個 哥哥 姐姐 已經足夠了...無遺憾了

~呵呵呵呵~ 嘿嘿嘿嘿 ~哈哈哈哈~嘻嘻嘻嘻~ 今日本人心情又令又爽~昨天同我2哥一齊去網吧打機 打得好爽丫~~之後返到屋企 佢又比我玩佢部psp 哈哈~幾爽的一個晚上~ 打緊機的時候 唯獨最不爽的就係 個msn不停響度add果d聲 好煩人....不過算了 你地都係吹水姐 ...不過講真 我一直在打機 都無理會過佢地 呵呵~

本來昨天晚上的時候我想通肖打機架 ......不過都係因為某d關係 都係唔好了~~~唉~我依家都在網吧打緊blog架~~杰杰呢排都唔知做咩 又唔打blog 又唔上魔獸同我玩....而政政又鬼死咁遲先至上線 子明就因而太累 就好快落 成個朝早得我自己一個人在網吧打機.....都幾悶下 只可以同一d未見到面的人聊下天 就係魔獸世界入面d人....

玩魔獸 我認識到唔同的人 其實都唔可以話係識ge~~都算係傾得上吓咁啦~都幾好架 有時都會學到d野 不過今朝經過我同一個素未謀面的人傾左只係短短幾廿分鐘 我都有好多感觸~

好多時 通常係d老豆丫老母蛾~話咩丫 要讀好書丫 將來要搵間好的大學入丫 你入到好的大學遲d出來搵野做都易d丫之類的說話 但係一d比較正常的年輕人都大多數不會理會的 我也不例外 但經過今朝之後 我改變了想法了 之前我大哥丫 二家姐丫 大家姐丫 甚至係我大姐夫都係會同我講過之類的說話 我都沒理會 但係今日 就係同果個人傾左一輪之後 我想我因為知道以後會點做...不過我又驚講得出 可能做唔到丫.......你地都係丫 要讀好書 都要為自己的將來想一下~現在社會好現實架~~港澳呢邊就來搵唔到食架啦~要出大陸架啦 大陸見到你在一間好普通的大學畢業的話 會無咩理你地啦 你地好好想下啦~~~

仲有 珍惜眼前人~話唔定聽日會有d咩世界未日丫 之類的事發生的哦~ 聖誕節 仲有幾多個聖誕節我地可以一齊過架呢?你地聽唔明我講呢d野唔緊要 最緊ge係

~~眼前人and事物~~

唉 這幾天真過得輕鬆丫~~太爽丫

我發覺夏令班唔錯哦 只係返半日而且星期六成日可以唔駛返學 感覺唔錯and良好~哈哈 星期五果日下午一放學 同埋杰杰 政政 子明 一齊去左黑沙........泳池swim 我地落左水一陣 見到..豬皮同霖霖...佢地只係同我地say hi 之後走左 我地就係咁 一直游到4點幾 居然有一大班人來泳池"踩場"(大約20-30人) 我地4條麻甩佬超無奈 結果逼住要4點半走左上岸  我地走左上去沙灘搵果班女仔....我睇到佢地超無奈 佢地正在在一d污染達到4級的沙灘水中玩啦洗面啦 沖涼啦.......超嘔心 d水好混沌 周不時仲飄來一d垃圾...不過佢地似乎玩得好開心

佢地玩到大概5點幾吧 之後返去附近的地方沖身 佢地幾個女仔要我地4條麻甩佬去幫佢地睇住d野...你地知架啦 我 子明 杰杰 仲有政政 點睇都唔似係正經的人  而且坐在一d五顏六色的手袋,鞋.......我的感覺好..都唔知點講好 總之就十分之不安啦

最後我地(即係子明 杰杰 政政)一齊坐車走人了 我地仲去m記買左個"晚餐"上杰杰屋企食 點知返到去佢屋企之後 原來已經8點幾!我地4條友仔 都嚇左一跳 而且果陣時出面的天色都似係6點幾.....本來只係上去佢屋企食完野就走 不過見到都咁晚了 索性在杰杰屋企過左一晚 不過子明要返屋企煮飯.............我聽到o哂嘴 一個大男人(正確d來講係麻甩佬 要返屋企煮飯=..=  )

我果晚成晚打通肖 政政2點幾就訓左 本來杰杰係12點幾就訓左 不過政政同我都肚餓了 政政去堡水果陣 杰杰驚佢唔知會做d咩事出來 結果杰杰都係無訓 去幫我地6水食 杯man 之後佢又再之訓過 不過打後的果d時間佢都係訓唔到 .......佢成晚都同eva傾 成晚都在上格床依依哦哦...我都少理 一直都在打機 政政的睡相好恐怖架..事到如今 我都唔想再多想了 簡直係..惡夢丫

到左第2朝 我居然力不透支 倒下了 由8點幾訓到10點幾 之後番到屋企 又訓左一陣 由11點訓到2點幾 之後去左政政屋企 最後8點幾返到屋企 結束了呢倆日的行程.......

今日呢?仍然係那麼休閒丫

呢幾日我又學又好多野  有d時候真係要聽人講架~~我覺得自己適當的改變係好ge 不單單是為了自己而改變 而亦都為身邊的人而改變 所以呢 我仍然不停改變中丫

哈哈~終於開學啦 我地班有好多人都在丫 有LING LING啦 MAN MAN 塵+寶 TRAZY 阿煜 潘潘 偉哥 靖靖 李石仔啦 BIGGE  當然唔少得ge就係 杰杰啦 (不過佢昨天無番)

最好笑的就係 政政話早知唔補考英文啦補考代數/幾何算了 我問點解 佢就話:補考英文/會話果d全部都係豬排來架~我唔制丫 早知我補考代數/幾何啦 ....我聽到之後十分無奈 但係一直係度笑 

咁岩得岩橋 依家呢個室係我地以前初一果個哦~~呵呵~變左d野 就係個抽氣扇唔同左 中間之前係3排抬的 依家變左2排 其他都無咩變了 一樣都係咁細 呵呵~仲有好多野無變 就係以前杰杰在牆上面寫的果幾隻字 果個咩 xx杰到此一游丫 之類果d 以前果班男仔寫在那幅牆上的每一隻字 都睇得好清楚哦 

昨天bigger睇到之後都忍唔住 寫左幾隻字 呵呵~~~ 我記得偉哥講過一句野好低死架 我地落堂果陣 阿唔記得係李石仔定係政政話咩 可能係圓份啦 咁都比我地分到呢一班 跟住偉哥就話 當然啦 以前個冷氣壞左 依家要比番我地炭下又得架嘛~~超低死囉 我覺得佢

係唔係你地覺得我打左咁多野都好似同我呢個主題唔岩 其實呢個主題係比後面我所講的果d野的..........

昨天 我二哥佢臨訓前佢比左佢部psp我玩 而且佢話明早要去網吧 明天會比我玩 叫我玩一陣好訓啦 但係我當然唔會啦 難得有得玩 我當然要玩盡佢啦 結果我就通肖 由12點玩到5點幾先打個吨 我打算休息一會兒 大概7點幾起身再玩過架嘛 點知我訓過龍 10點幾先至起身...而且我二哥又臨時轉太又話唔去網吧 佢答應過我比我玩 但係佢都係....唉 不過都習慣了 12年了 12年佢都係咁ge屎忽樣 跟住我氣沖沖的沒理會佢 去食早餐 點知一食完唔夠幾分鐘.....我搞肚痛丫 我頂 我即刻沖入廁所 去"飛樓直下三千尺 疑是銀河落九天" 經過一輪大戰之後 我將我個早餐全部都潟哂出來........超無奈

我個二哥從我小到我現在大了 一直都給不到一個哥哥的形象給我....周不時就為難我 就西飛利果招 就係學我阿媽咁 用野威脅我..........所以咪話囉 超無奈丫!