雖然依家又係過左12點啦 但係我依家打ge野都係開學果日ge野來架
今日係開學的第一日丫所以我昨晚沒通肖丫 11點幾就訓啦 起初都訓唔著架 但係我諗下我d朋友仔都成咩樣呢?個課室係咩樣架呢?個班主任係咩樣架啦?諗諗下就訓左囉~~~
我6點半就起左身了 唔知點解一個本來未夠11點都唔會起身的我 可以係6點半起左身喎...之後7點半果陣我約埋倉鼠一齊返學
返到學校 我同倉鼠一入到課室 雖然看到的都是一d熟識的嘴臉 但係仍然有一d比較陌生的感覺丫~~ 呵呵~不過一坐低左 我睇ge依然係初二丙的熱鬧丫 雖然多左2個唔識女仔 但係我相信好快就會熟架啦 哈哈~~~潔怡都已經搞掂佢旁邊果個了...我相信嫦姐都可以好快搞掂ge~
12點幾就放左學囉 但係要3點2個字返返學校影相丫(都係例排架啦!開親學都要架啦) 我放左學去左白m 子明請左我食m記丫~然後打包去杰杰屋企食~...唔知點解 每次去親佢屋企都有一種莫名其妙的興奮架...成日都搞到杰杰要我細聲d ..唔好意思哦 杰杰 >0< yo~)
返到學校..等左一陣就上左去乒乓球室到等影相...但係入面十分"熱"鬧丫 我地等左好耐都仲未到我地班...我地個個已經企到大汗淋漓啦 救命丫~有好多人都流汗流到好誇張架....
但係最唔好意思ge就係 要丫子明係門口等左我地接近一個鍾丫 超級唔好意思.....-0-"然後又係去左杰杰屋企 杰杰就尋回他的pvp隊伍 我同丫子明就係度屠龍~~哈哈~不過時光飛逝 好快就到左6點啦 子明要返屋企"煮飯"丫...(汗)....
到左晚上啦 我以為無野做丫 其實我果陣真係無野做架 係度無聊ing得睇緊你地d blog 本來我想打blog ge時候 我大哥個好朋友(即係由5歲識到依家架啦...我大哥大我16年 即係佢地識左接近廿幾年啦)車左我2個家姐 大哥去左"遊車河"
我地一開車就直去通往 氹仔ge果條橋 哇 真係好正架 上橋之前ge果段路丫 d風含含聲咁吹過來架 不過吹多陣都慣左囉 反而學會享受~~
我地一直楂丫楂 楂到去一個不知名ge山到 目的地係山頂上面個風景台 之後經過果個叫"澳門大酒店"的時候 我d家姐都問佢門口個麼天輪點解唔會開放比人上去坐ge?跟住我大個朋友就好似導遊咁就話 其實係風水問題 果個麼天輪並唔係比人坐ge 而係比"野"坐ge 跟住我d家姐都嚇左一跳 跟住我大哥個朋友仲話 其實我地之前已經經過個左個墳場 只係我地一邊吹水 沒什麼留意炸....跟住我d阿哥家姐都好似明白左d野咁....我聽ge時候都毛管棟丫!!
然後講下講下 我地就到達左個目的地---風景台了 我地去到ge時候 見到有對情侶係度親熱緊 如果我地唔阻佢ge話呢.....佢地可以...你地明架啦~~~話時話 果度可以望到個飛機場架 而且可以睇到威尼斯丫 澳門蛋丫 等等ge 總之就係一覽無遺咁啦 然後吹左一陣風 左走返落山囉 回程的時候我留意到...真係有個墳場係正果個澳門大酒店到丫...超邪丫~
然後我地去左 媽祖ge果個旅遊景點果度 哇 上果個斜路真係好黑架 燈右少 條路右窄 d樹左密喎...好恐怖架 我本來開住個窗吹風ge...不過嚇唔知有d咩野..會..咩入來架嘛 所以都係閂左佢......
最後都上到去目的地----媽祖像了 不過都要行一段路...燈光的光線都..幾充足 起碼可以睇到路先 然後上去玩左一陣~呵呵~~仲見到班外國人呢 係丫 係11點咁夜都有人上去丫 然後又落番來 楂番架車走囉~~
走ge時候有d眼訓丫 不過我過是比較享受吹海風丫 真係好舒服架 涼涼地 吹緊風果陣真係...可以咩都唔駛諗 就任由d風大力的打在你的面上 不過感覺好正架!係果一剎那 我諗左好多野丫 關於感情啦 朋友啦 親人啦 總之就諗緊一d一個將要死的人諗ge野囉 真架 係果個時候真係可以咩都唔駛諗 諗到咩就可以諗咩 唔駛理人感受架~~
係呢 杰杰提果d果首歌"當香煙愛上火柴"丫 果句ge ......... 如果你是我眼一的一滴淚 那我永遠都不會哭 因為我悶失去你 失去你~~ 呢首歌我第一次聽到就係係政政屋企 係佢屋企打緊機果陣 我聽左一次就愛上左啦 哈哈~~不過我家姐唔比我上網cup丫..各位 幫幫忙丫 係msn到seed比我丫 唔該哂!
|
