哇哈哈哈哈~我終於買左PSP啦 好開心哦~正因為我買左PSP 所以我忍唔住昨晚要通肖打機........

早上上堂果陣 比個英文MISS叫左我好多次....佢都叫到無哂耐性 係就來發難揸果種..不過佢最後一次叫我果陣就臨落堂果陣....之後果D堂都好眼訓 係最後果堂化學堂我無咁眼訓炸.....通肖有時好幸福 但也有時候很辛苦的丫~

下午3點要返返學校拍短片(係關於話劇ge)  不過我係1點果左去左杰杰果度同佢係度屠龍 果2隻女王(其實係2隻雌性的火龍)難打到嘔丫 屠左3次 都係輸左 玩到2點8個字之後我去學校了

走到學校的時候 身水身汗 點知我3點正去到居然無人喎....等左一陣 小昕昕終於來左(你地唔識架啦 係男仔來的哦 唔誤會) ....我o哂嘴 我係最早來果個 等多15分鐘到 d人終於到齊了 諗住拍短片果陣..點知果個人話我地唔係穿校服 所以要後日再影果...結果搞到4點半先返番屋企 當然 亦是身水身汗

你們干什麼呢排老是講一d咁灰的說話jack  無論之後點都好 好好珍惜依家有ge野,朋友丫,家人丫咁~~因為 人生無常嘛 話唔我定今日仲好地地 明天我就已經不再人世了 我就係因為平時揸住呢個觀點 所以每天都可以過得好開心 不要做令自己遺憾的事就得架啦~~犯法就...另一點事啦~ 我依家唯一的遺憾 亦係暫時的心願就係...算了都係唔講了

哈哈哈哈~~~

早上依舊那麼悶丫~~不過都以成過去啦~早上上電腦堂果陣同杰杰仲有果2個新同學一齊玩cs~~好鬼低死丫 明明話只可以用刀仔架嘛 點知我犯左規哈哈~因為地下有熗汁丫嘛~~哈哈~

放學之後 杰杰 同埋佢隻...傻婆 陪我一齊去聚龍軒~~去做咩?就係去做一件令我好~~興奮的事啦! 就係陪我去買psp丫~~我買左部薄荷綠色的機身>0< 本來我想買鮮紅或者係綠色架嘛...不過綠色就無 紅色就有 不過果部係d主題機 好貴丫 要成2千幾$$丫 我得果2千$正 而且我諗住都係遇左1700-1850 ~最後都係1850交易左 而且仲有比左20$杰杰升級佢部機~不過就好對唔住e凡丫~~要佢等左接近30分鐘丫..sorry丫~呵呵~我知你唔介意ge~~有你ge...傻豬在丫嘛 對吧!  =..=)

整個下午都在同我阿哥屠龍~~不過就係各打各囉~佢只係同我做左個打老山龍任務~~之後就同隻金手指貓各先升hr值...算了都係等大家算到g級先一齊打了..

係丫 杰杰 我諗到一個傳果隻金手指貓方法唔駛咁麻煩的方法 算了  以文字方式去表達好麻煩~星期一告訴你吧~

都無咩寫呵呵~~就咁啦!

哈哈哈哈~痛苦的時光 往往係停留很久的 快樂的時光 一下子便過去   不過最痛苦的一個上午已經過去啦 哈哈~~快樂的下午已經來臨了

我放學返來之後 我以為我2哥返左學架嘛...點知佢都係無返..我仲諗住早d返來同佢爭機打 不過都好 佢話食完飯之後比我玩到4點丫~~我當然開心到飛起啦~ 人始終都係善良的一面ge~~~

我想我依家暫時都可以中意人架啦...因為之前果單野..我依家仲記在心上丫..我點都唔會唔記得果陣時的痛苦架 呵呵~~正確d來講 我是正在逃避吧~~我也不知道逃避什麼...只是每次談到果d話題的時候 我都不想談了 不是的話又會想起的了..... 我好似講到有好大陰影咁哦~~不過其實無咩野架 只係間唔中會咁姐  未拍過拖 ..不 不要這樣說了 未中意過人的男孩 ......算了

話劇果邊丫..唉 落選咯 不過算了 始終我還是新手 還需多學習嘛~ 唔緊要 原來丫 話劇唔單單係演戲咁簡單架~~仲有好多野我都係學緊~~

唉 豬皮就快走啦 佢話31號嘛 ......之前naka丫e凡丫 佢地話咩可能會搞個歡送會是吧~~記得遇埋我哦~~~即使豬皮平時幾咁八渣都好 不過她快要走了~~~對於一個快走去的人來說 我係唔會計較呢d野ge~~所以呢 一係唔搞 一係就搞大佢哦~

                                                  ~~~各位記住  珍惜眼前人 時間無多 ~~~

今日亦過得非常休閒丫哈哈~~

早上的堂依舊是那麼令人悶..係悶得想訓覺果種  不過今日有d唔同 唔單只係悶咁簡單 簡直係麻煩丫 因為我地今日語文堂要...作文丫 作果個咩丫..西遊記哦  超級麻煩 好在我在初一同初二的基礎(好在得阿sir炸) 個miss要求我地作500字..但係我諗我都係可能作左300到...算了唔理佢 反正以成事實~~

唉 今日都係要返學校繼續練話劇 點知個結果就係...個肥仔做左男主角.....

果個話事人話 個肥仔表達多d 但係呢 你就把聲好d 不過呢 .....上到台都係表情重要過聲線 所以呢..個男主角都係肥仔做吧.....我都遇左架啦 唔知點解 我又唔係緊張哦 只係控制唔到自己的手手腳腳 同埋自己個表情......呢d野雖然要係自己訓練的話會好d  不過算了..沒所謂 今次做唔成 下次囉  而且我都幾佩服果個肥仔的表情架 佢可以無人同佢講做咩表情的情況之下 可能自己做出一ｄ幾符合果個場合ge野.... 我都學習ing

最後臨走的時候 果個話事人 叫我返屋企對住塊鏡 自己訓練下喜哀衷樂呢4個表情 話劇真係要好考自己的身體的協調丫 點架..總之就大比野可以學到啦我最佩服的就係果個話事人丫~~~其實如果佢會分身的話 佢真係可以一個人做哂成出劇架我頂 佢咩角色都可以扮到架..勁! 果個人都幾好 又搞笑哦~ 

....開始倒數了....

今天正常返學了~朝早的果d堂依舊那麼悶 甚至係那麼令人討厭 不過始終都係幾個鍾 對於呢d咁悶ge堂來講都好快過架姐 所以話咁快就到左中午了..

中午果陣 杰杰叫我同靖靖同佢一齊等埋e凡 一齊去左"白m" 佢地去果度食中午果餐 我就去同杰杰 靖靖 一齊屠龍(即係玩psp的果隻monster hunter)...不過好似 我地玩的時候 遺忘左e凡~呵呵~~

佢地食完之後 杰杰送e凡返屋企 之後佢同埋靖靖一齊來我屋企繼續屠龍 我阿哥都好識做 比左我玩~ 不過我昨天收到個消息 就係我3點鍾要返學校(因為話劇) "選角" 即係分配角色咁解 我仲以為係搞一陣之嘛...點知一搞就搞到我6點半先返到屋企...

大概內容就係 其中一個話事人比張槁我地8個人 之後分配里面的角色 邊d係女仔比較適合丫 邊d係男仔比較適合咁囉 分配好呢樣之後就開始逐個逐個出來讀一次   果個人分配比你讀的果一個角色的對白了~

誰不知最後決定就係....我同另一個肥仔爭緊做..."男主角"  我o哂嘴...新來都做到男主角 不過呢d雖然係實力關d事 不過始終都係咁岩好可能係 我個身形丫 講野的語調同槁里面的男主角差不多吧..點解係我同另一個肥仔爭做男主角呢~其實呢 都係大家各有優點姐佢就比較多感情丫 表情比較多d 而我呢 就純粹聲音比較滑稽 比較低死哦...但係佢地話 始終都係要我改左個尾音佢哦...因為我都唔知點解 我都改唔到丫 問題就係 我個尾音老是+上一d女仔發姣 的聲上去..有時真係控制唔到 可能因為平時同你地傾計的時候 我都用慣左係咁 而你地又無咩所謂.....所以就一直惡性循環下去囉..直到今日...我發覺我一定要改左佢 如果在係果d場合仲係咁ge話唔得架...而且讀槁的時候 身邊一大堆唔識的人....好在 佢地都幾有善~我都無咁驚....

不過我點估都估唔到我做左候選男主角.........果個人仲話....我地得番10日時間係去排練呢場戲炸 其實本來都有15日到的 不過有5日要做其他野 而且依家已經係月中了 7月15號了 8月2號要表演啦!!!

不過點都好 如果我做到呢個角色的話我一定會努力的! 而且...入到去原來都唔錯架 高中果d就唔講啦 太成熟了 唔看上眼 不過有幾個初中的~~都唔錯...好壞哦我 呵呵~~男孩子嘛