唉 昨天晚上 無家課做 有d唔慣 主要係miss逼我地要做哂d家課先可以走嘛.....係學校停留到5點幾先番屋企 返去到 同班友仔打左一陣機 之後就食飯了 =3= 睇睇下電視 無啦啦 心情低落 繼而就係亂諗

去到最自閉的時候 自己居然拿左一大疊止出來 係度發洩.....我寫左已經3張止的時候 我發覺我仍未可以去到我遇期的效果 點知都係打左比子明 點知佢無人聽.....自己變得更加自閉 然後我打去搵杰杰 我本來以為佢會同佢老婆吹緊水 點知接通左 然後就開始發洩....

係琴晚 我哭了 真真正正的在朋友面前哭了出來 也發洩了 心情舒服了 哈哈~~面對果d野 我還是如此脆弱呢

當時我倆說話很少 佢只係聽我係度喊~喊完了 就開始講番大家共有的話題 wow 呵呵~~很愉快的由10點幾 傾到12點幾 在挂線那一刻突然想到 佢地都應該仲係度聊緊天呢......

所以我依家明白 依家呢個時候唔應該去諗同埋做果d野ge 又或者 從一開始就是自己的問題 唉~~人還真現實呢~ 我呢 還得要向現實低頭囉~

我果陣都同自己講 可以去同佢搶架嘛~~但係我再諗 我馮什麼去搶呢?搶到了 我又馮什麼可以給到她幸福呢? 因為 自己根本無能力 所以現實d講一句 一段美好的愛情 都係基建於金錢上的 說什麼真心不真心 我想都應該是其次吧  唉算了 本來自己就是一無所有的 就是因為自己的自私感 見到人地有好的東西 自己也想擁有.......

杰杰都話 你遲早都會搵到一個明白同埋愛你的人ge 我就話 我都係人 唔通我無權去搵咩 一定要等?所以說 根本就是自己的問題 呢個我更加肯定囉~~唉 算囉 呢d野 唔去諗囉 而且不應該去諗了 已經是初三的我 絕對唔可以比呢d野搞到自己咁 呵呵~ 初戀不一定再初中架姐 嘻嘻 我想 都應該是十年八年後的事吧 看通了這一點囉~~~現在還真有點輕鬆呢~

今日miss無啦啦話放學之後要等佢....不過我都估到佢要講我地咩架啦 丫 唔係 係罵我地d咩架啦.... 結果一入到來即刻破口大罵 令到個feel緊張起來先!

之後罵左一大輪.......最後給我的感覺就是 呢d野其實好耐之前 即係初一 初二果陣 已經有好多個miss咁樣罵我地架啦 ...可惜丫 班友係咁多年都仲係咁ge樣 我睇到今時今日我地個果個班... 還真有點兒心痛呢

好似miss話咁 今年已經係初三了 第二年就要拆班 但係依家班友好似想一齊留班多d喎...唉 唔知丫 總之就係惡搞 我好想幫佢地 但係...佢地個個都係咁 我可以點做呢?

唔好話幫人了 我自己依家都係咁 唔知自己搞緊咩 仲有 我依家先知 原來我地班有多朋友仔都正在被感情問題所困擾呢......如果不能自拔的話 將會自甘墮落 咁又無咩謂呢?係咪

與其係度自怨自唉 倒不如將d心機放係讀書到仲好啦 我依家已經去到一個 都唔知點勸掂班友的狀態了.....miss講完之後 各位人兄都仲係無咩反應咁....我真係有點失望呢

大家已經可以一齊升到上來初三 應該有咩搞唔掂 大家都已經一齊渡過左 估唔到今年 大家只係抱在一起 一齊死......不過依家仲係第一段ge 仲有3段 或者可以搞番掂ge 點都好 總之你地有覺醒的一天 我都會支持你們的! 唔好白費左咁多位教我地ge miss & sir呀

嗯 我依家諗番起我地以前初一丫 以前初一 我地幾差丫 個課室又骯髒 學習風氣又差 差唔多已經成為果一屆最差ge一個班呢~~不過去到最後 各位都終於覺醒了 由本來最差ge一個班 慢慢地 變成左可以係成個初中級 係頭5名都可以睇到我地ge班 去到初二 升各位都勁左好多 曾經成為左初二級分數最高ge班....

可惜丫 依家 d人都變哂了 個個人都被一d唔應該係呢個時候要去愁ge野 搞到自己愁哂.....無論如何 以後個班係掂 係要靠我每個人一手一腳的去創造呢~ 好好的想想吧 各位陪伴左我3年的朋友們^.^

今日已經係考完試的2日後了 係呢倆日 都受到了不用程度的心靈創傷......我本來訂下的目標 結果還是達成唔到呢 呵呵....不過都好 暫時來講都無一科係唔合格ge 呵呵~

放左學之後 我去話劇果陣 原來先知今日唔駛訓練 我都唔記得左 呵呵~ 根住就返返課室 諗住停留一陣先走 點知我同miss話我代數唔係幾識 根住佢就同我講話 依家做 有唔明 我教你 咁話喎....反正番到屋企都係做家課的 而且有d唔係幾明 所以就留低左 同miss共處一室

我一直做到2個幾鍾...其實係呢2個鍾里面都唔係做家課ge 係同miss係度吹水 吹左好耐 咩都吹下 ........而且知道左好多野 對! 呢個時候唔應該沉默 我要作行動!  我知道左 原家係個好危險ge時期來ge...

唉 琴晚都唔知搞咩鬼 食左飯 溫溫下英文訓著左...訓到點幾 起左身 熨下校服 做下每日都要做ge野 沖個靚涼 繼續訓 係呢個幾鍾頭里面 諗左好多野 而且又靜 .....0.0 究竟點做先好?我又不可以眼白白看著她將要墮落 而不救她的呢....管她的現在是什麼狀況丫! 只是知道 我要保護她......

哇哈哈~~今日都終於考完試啦 我唔會在有顧慮 可以一心一意咁去打機啦 哇哈哈~~~考試丫....化學丫 代數&幾何都走唔甩架啦 就算合格都唔會高分果種囉 而且都唔知可唔可以達標 ..........算啦唔理佢啦 好似杰杰咁 都考完試了 就等於雨個天晴啦吧~~

放左學之後話劇果邊話要開一陣會 不過我都遇左要架啦 我仲以為今日仲去練習一陣...點知原來佢通知我話 下個星期開始地獄式的訓練 (地獄呢 正適合我) 同埋 每個星期六的3點至6點 都要去綜藝館到練習 可能到時無咩時間可以比我去打機囉 因為個比賽實在來得太快啦 到左依家都仲未開始訓練.....我都驚驚地丫   不過無論個結果係點 我都好開心呢~~

今日打機 手風都唔錯 幾好 嘻嘻 所以就算係遇到一d幾咁被人屈機ge事 都無咩野 因為?心情好囉  今日我知道 原來真的是這樣子呢  很多謝你哦 讓我可以正正式式的墮落

也許我只可以從打機身上搵到屬於自己的榮譽 / 快樂 / 成就感呢 呵呵 不過好快 我連魔獸世界都可能會玩少d呢 因為某種因素吧 呵呵~只可以係屋企同班朋友仔一齊係度 "挑信長"

我羨慕人家有的  亦都渴望人家沒有的 可能自己太自私和貪心吧.....也許墮落是成為一個天使好的開始呢 

唉....估唔到今日有咁多人來我個blog留cm丫 我真係好感動 我為左回饋返你地 所以我就打多篇呃下cm咁啦 嘿嘿~~

唉 元素周期表我已經背左囉 還不過自己想像中那麼難呢 呵呵~~仲有果個地穀含元素多少ge果個圓餅圖丫 都背左咁啦 又係頗容易的

整個下午在干什麼嘛 都沒什麼特別的 就是保電話同埋打機囉~~~5點果陣都比以前小學的朋友拖左去網吧同佢打機 玩到8點幾先返丫 還要趕緊溫習呢~

只是今個下午特別了一點 發覺自己又開始亂想and多想了 嘻嘻~~原來係自己最15/16而有無人可以幫到自己的時候 真係幾......咁無助呢 結果還是做了一個逃避的決定呢~~~去干一件那人不喜歡我干的事情~ 弄得成身都係臭煙的味道..........我不是去抽煙丫 大家要不誤會

還有2天而已 大家要努力呢~~好似杰杰話咁 博殺埋今晚 聽日就雨過天晴呢~~

如果我是那雨滴的話...那麼 我能夠像把不曾交會的天空與大地連接起來那樣.....把某人的心串聯起來嗎?