這種感覺真好
我已經換左個新qooza喇
不過我唔係每個都講架
wing2103
暱稱: 白無常
性別: 女
國家: 香港
地區: 屯門區
«‹ September 2031 ›»
SMTWTFS
123456
78910111213
14151617181920
21222324252627
282930
最新文章
•[轉貼]生命中最寶貴的...
•小美
•「轉貼」盛怒之時,絕...
•(轉貼)享受生命中的自...
•「轉貼」創造此刻的永...
文章分類
•全部 (99)
•日本名星 (2)
•日常生活 (29)
•無聊白痴野﹗唔好睇﹗ (12)
•網上轉貼 (11)
•未分類 (45)
訪客留言
最近三個月尚無任何留言
每月文章
日誌訂閱
尚未訂閱任何日誌
好友名單
網站連結
尚無任何連結
最近訪客
最近沒有訪客
日誌統計
文章總數: 99
留言總數: 19
今日人氣: 37
累積人氣: 3305
站內搜尋
RSS 訂閱
RSS Feed
2008 年 3 月 5 日  星期三   晴天


唔開心﹗﹗﹗ 分類: 未分類

 難得今日記得帶返VCD返學校,諗住借返考試果陣想借又冇得借果本書,點知搵極都搵唔到,搵唔到自己想搵既野果種心情真係好難受,又搵唔到野梨發泄,呀﹗﹗﹗最後都係放棄,借左另一本書,關於人類演化既野,之後KEN SIR好似當我白痴咁,同我講話呢種書寫既都係似是而非既野,叫我唔好太信。超,我又唔係第一次睇呢種書,而且我自己都識分辨喇﹗不過今日上去都有少少收獲,上去果陣,正正有個男仔同KEN SIR係度整蝴蝶標本,近距離睇蝴蝶真係超得意呀﹗﹗而且蝴蝶既翅膀好軟,好好摸,不過大嘴好似好驚咁,望住我摸蝴蝶既翅膀不停咁話好核突,我都唔明有咩咁核突,莫名其妙﹗



2008 年 2 月 28 日  星期四   晴天


家長日 分類: 未分類

 TODAY係家長日,不過今次唔係我阿豆去,又唔係我阿媽去,而係我大哥去。MAYCEE姐話我阿哥個樣有少少KID,好似未瞓醒咁,當然喇﹗今朝佢都唔知醒,係我一野翻開佢張被,佢先肯醒……等左好耐先輪到我,超級驚﹗好驚MISS江會不停咁講我D衰野出梨,不過佢竟然冇講,佢第一句係話我個人好樂觀,好開心,嘻嘻哈哈就過一日,MISS仲讚我中文成績唔錯,佢好滿意。今次考試我考到全班第五名,全級就唔知,MISS都冇講,考全班第五名好似好叻咁,但都係果句,係我班冇用咋……



2008 年 2 月 27 日  星期三   晴天


又唔記得左喇﹗ 分類: 未分類

朝頭早,去左418室度做網上問卷調查,原本去之前都好開心,事關有可能見到李生,但落到去都未見過李生一面,剩係見到陳生,但最衰係得我見到陳生,陳生都見我唔到……超爆無奈。期間仲要不停咁比大嘴巴係咁激我,佢同馬仔講咁樣好好玩,超級賤格,簡直係厚顏無恥呀﹗本來同MAYCEE姐講好今日去搵2E果兩個人傾調IT.PERFECT既事,點知唔鬼記得,剩係記得去個書展睇書,唉,之後maycee姐話反正都知佢地咩班咩號,乾脆係e-class度send個e-mail比佢地,但宜到依家,我都唔知封e-mail應該點寫先好,今晚又要寫低一d我阿哥要知既野比佢記熟,費事搞到miss江已為我咩都冇同居企人講,煩,爆煩﹗



2008 年 2 月 26 日  星期二   晴天


文科定理科好d呢? 分類: 未分類

 已經同maycee姐傾好左調去星期四做IT.PERFECT,呵呵﹗本來星期五都唔錯,但係都唔知點解,學校成日都係星期五放假,但呢件事仲未確實,因為仲未知道原本係星期四做IT.PERFECT既人會唔會原意同我地調,而阿SIR就話只要我地說服到果一班人,之後再同佢講返,就唔會有問題。係唔係真係冇問題,就真係唔多知道,好似上次咁,我同MACYEE姐明明已經同佢講左,果一日我地三個都唔得閒,做唔到IT.PERFECT,佢仲應承左我地會幫手搵人代我地,話明唔會有問題,但到左最後未又係無喇喇比個MISS鬧,話我地好唔落去當值,話係溝通上出現問題WOR,我真係唔係幾想呢D事再次重現呀﹗上中文堂時,分左組梨上,我係歐SIR果組,今日要係半班面前做小組討論,個題目係「風水學說是否迷信?」,開頭真係完全唔知講咩好,超驚,不過到左最後又係無驚無險又過兩堂,之後MACYEE姐同我講返,我同謝嬸好似想鬧交咁,但真係唔多覺,呢次終於合格,之前說話堂做既個人短講冇一次合格,今次16分係滿分,我就�咧�13分,都算好喇﹗返到班房,謝嬸無端端同我SAY SORRY,真係嚇親,小組討論發生呢種情況都唔會係咩離奇既事,有咩值得講對唔住呢?

都唔知挑選咩科先好,我對理科既科目好有興趣,但成績唔算好;對文科既科目興趣比理科既科目低,但成績就比理科既好,但係理科既出路又會比文科好WOR﹗呀﹗﹗﹗都唔知自己想點呀﹗﹗﹗﹗﹗﹗﹗WHO CAN HELP ME?



2008 年 2 月 25 日  星期一   晴天


why? 分類: 未分類

 上數學堂時,容sir要用一個軟件,原本佢已經叫左418室既人係中三每一個班房既電腦度整個軟件,但點知418室既人唔知忙得滯定係點,冇做到容sir拜託佢地做既野╴於是容sir以極快既速度落去418室再上返梨,聽到阿sir去搵418室既人上梨,當堂精神百倍,就連死人嚴文康整爛我偶像(翁志強)同我交換既橡膠都即時唔再嬲,無他既,可能上梨既會係李生丫麻,有咩法子唔開心呢?但點知上梨既竟然係新梨既人,就算唔係李生上梨,陳生上梨都好呀,最少我同佢都算有兩句,個心情點都會好過見到果個人lo﹗不過我最想見既仍然都係李生,先從放假之後都冇再見過佢…就IT.PERFECT都冇得做,鬼咩,上個星期五放假,今個星期五又放假,如果我要見到佢,應該都要等到下個星期五先得喇﹗話時話,上次做IT.PERFECT都見佢唔到,愈來愈懷疑到底佢係唔係已經冇係學校做,如果真既,我都唔知點算呀﹗﹗﹗點解咁耐都見你唔到架,李生?﹗