尋日同表哥兩個人走左去九龍城唱k
由3點幾唱到8點
加埋Buffet每位77
不過我唔洗比錢
因為我表哥請
個度Buffet又無乜野好食
我淨係食左d甜品
唱完之後表哥話去食飯
咁就出左去旺角食飯
但我唔多肚餓
所以淨係飲左杯野
飲完野就搵小肥出黎一齊吹水
吹到11點幾先散
走個時已經有d暈暈地
之後搭車個時又喪出汗又手軟腳軟又心跳加速仲差d嘔左出黎
都唔知發生咩事
淨係知勁辛苦
辛苦到想死
差d就寫埋遺書跳樓死左去
返到屋企食左d藥就好返d喇
但個胃都仲係有d唔舒服
搞到成4點幾先訓得著
今日又出左旺角搵小肥
又係去左cafe吹水玩啤牌
同埋又去左機舖都DJMAX同灣岸
無野做的日子真無聊=3=
尋晚打機打到今朝5點先訓
之後10點就起身去旺角打桌球
打完就去左機鋪玩DJMAX
之後再去同小肥吹水+煲煙
唔洗一個鐘煲左成包煙
唔計小肥我自己都煲左成14支
煲完一支就即刻煲第二支
完全無停過
吹完水就搭車返屋企喇
今日奇蹟地竟然無肌肉酸痛
今日全日都同表哥一齊
兩個麻甩仔屈埋係屋企一齊玩The Sims 3
真係有夠無聊
又去左九龍灣睇車
真係得個睇字
又比表哥小我話我唔自己買煙
係咁R佢d煙黎煲
我有錢洗鬼R佢d煙咩
咁無錢係咁架喇
今日仲要比左個第一次我表哥
就係第一次比警察查身份證
係同我表哥一齊先會比人查
又唔見我自己一個會比人查
之前話就話應承左某人唔食煙
仲實牙實齒話[應承得你就一定唔會食]
但應承左又如何？
反正我食唔食煙佢都唔會有任何的反應
況且我同佢又唔係咩特別關係
根本無必要為左佢而戒煙
不過我的確係因為佢而越食越多
這可算是反叛心態的吧
但我有女朋友就一定會戒煙
不過可能到死個一刻都戒唔到煙
今日第7日考試
卓越溝通
又係無溫過書
又係20分鐘做完
又係做完去左機鋪玩DJMAX
玩完就去樂富食lunch+打羽毛球
打左成3個鐘
聽日一定肌肉酸痛死
Yeah~終於考完試喇
跟住又唔洗返學
都唔知搞咩好
又無錢喎
有錢都話可以出街玩丫
無錢都唔知玩咩好
除左訓就無野好做=3=
