今朝約左子健12點係尖咀食lunch

點知佢搭個架火車就停左成十幾分鐘

搞我地食飯要趕頭趕命

好彩都趕得切去搭車

但丫敏同家儀姐就趕唔上第一班車

家儀姐就上左第三班車

丫敏就好似自己搭車入屯門嶺大

入到去聽個d嘉賓吹左成幾個鐘水

個個所謂呂宇俊講來講去三督屁

我表哥中一聽佢講同我而家聽佢講d野都一樣

最叻咪又係個句[你憑咩丫？]

聽佢地講完就去搭車返尖咀

但丫敏同家儀姐又唔跟大隊

兩個人走左去搭另外一架車去左屯門教育中心

之後兩個仲要失散左各行各路

丫敏打黎我都唔知點幫佢

之後我返到尖咀搵埋我表哥去搭車返屋企個時打比佢

佢終於都搵到車搭返屋企了

咁我都放心d

之後同表哥係屋企樓下食晚飯

食完就上我屋企睇電視吹水

之後到10點半我就出左去旺角搵丫玲同洪鋒

點知我出到去等左成半個鐘佢地先到

咁約齊就上酒吧喇

但間酒吧話唔比18歲以下既人入

又唔可以唔比佢查身份證喎

咁查完我唔夠歲數咪同洪鋒走落去打機囉

佢又無喇喇比錢我話唔好意思

真係好心佢男人老狗唔好咁婆媽喇

我都唔介意

咁係我唔夠歲數先咁掃興姐

應該係我既錯

但佢又賴哂落自己度

我都無哂計

咁咪算囉

咁叫洪鋒返上去酒吧之後就搵小肥出黎飲酒吹水

吹到3點先散

返到屋企沖埋涼就打e篇野喇

但我今日真係wing得好厲害

飲得又唔係多

但嗒嗒都大嗒大嗒咁飲落去

所以wing得好勁

今次係我飲咁多次酒wing得最勁既一次

打字都wing wing下

係時候要訓喇

早抖

尋日去左石澳bbq

有丫yan、丫橙、洪鋒、阿星、梓聰、兆森、丫澄、何卓穎、戴政然、子健同丫玲

去到又玩閃避球又玩啤牌又玩十五二十仲玩埋骰盅

搞到我係咁比人對

夾夾埋埋對左都有成3-4罐啤酒

d啤酒仲要係祖國牌10蚊3罐

超難飲

走個時真係wing wing地

搭緊車出筲箕灣個時仲玩圍枚輸左打手

洪鋒比丫yan打到隻手出血

我就比丫玲打到隻手紅哂

返到屋企就訓死左喇

一直訓到今日下午比一個電話震醒左

原來係一個中學同學搵我今晚去唱k

但我今晚要留係屋企睇住細佬

搞到我去唔到

我同學仲問我[你細佬幾大呀？仲要人睇住]

我真係寧願無e個細佬

因為佢搞到我連玩的自由都無

甚至連我選擇的權利都無

咁既阿哥我唔做也罷

死喇

近視好似加深左

戴住眼鏡睇電腦都係矇矇地

再係咁深落去想唔盲都難喇

今日除左有尋日所講既英文口試之外

仲有個數學小測首當其衝

可是因為我認為數學唔洗溫都會合格

所以才沒有提及

考完都覺得會合格既

但唔會高分

不過幸好我對自己的要求不太高

所以並沒有對自己的表現過於耿耿於懷

而英文口試就剛剛好合格

真好彩XD

可是下次就唔會咁幸運的了

所以還是有些擔心

唉~好煩丫~好煩丫~好煩丫

英文實在是一樣在下理解不能的東西

什麼文法、生字等等的東東確實令在下頭上多了不少的問號

不論我怎努力也追不上同學們的英文進度

可真的有夠沮喪呢

聽日仲要英文口試

都唔知點算好=︿=

唉~好想去飲酒~好想去飲酒~好想去飲酒呀>口<

點解？點解要我今日上去接細佬？

聽日接洗死呀？

不嬲都星期五接架喇

點解今個星期係都要星期四上去接？

放假大哂呀？

我放假夠要返工喇

我都想有得放假呀

而家一至四返學

五至日返工

想搵日去飲下酒同同學玩下都唔比我去

返工又搞到唔夠訓

下星期同經理講放假訓死算喇=3=