昨日終於買了結他了

心想終於可以下定決心去學結他了

可是雄心壯志的我馬上就遇到困難使我卻步

因為正當我準備學習彈和弦的時候發覺我自己是不懂看和弦表的

我試了用不同的方法去彈

可是我也不知到底那個方法才是對的

弄得我混亂非常

十分煩惱

使我無從入手

Who can help me ?

↑這就是我的結他了

↑這張就是之前所講的阿東和阿蕭的出浴照

真的十分惡搞XD

有新相喇~~~

第1張係第1次踩單車的

其餘的就是第2次的

今日又喪玩了

朝早10點約左阿蕭、ZOE同阿東係又一城食早餐

11點就同冬瓜、子健、老霖同阿星係M記傾個份人際報告

傾到12點就同子健去書店搵阿東佢地

係書店行到1點就去溜冰了

溜左兩粒鐘都係唔多識

仲跌左鑊金既

比成60蚊就係入去跌

e鋪真係唔抵

下次想我再去都幾難喇

我寧願去踩單車都唔去溜冰了

溜完冰ZOE就話去西九食壽司

我都無咩所謂

咁咪去囉

但子健無咩錢

所以佢無去到

阿蕭、ZOE同阿東去到無幾耐就後悔了

個間咁既野叫野又漏單

迴轉又無咩好食

睇怕今次都係最後一次食e間野

唔會再有下次了

食到差唔多又玩辣辣壽司了

今次直情係就咁食wasabi壽司

唔係好似星期三咁食wasabi豉油壽司

ZOE食左半舊

我就食左一舊

阿蕭食左兩舊

阿東食得最多

無四舊都有三舊

佢仲要抵死到幫我落wasabi之後自己輸左自己食返

勁抵死XD

食完就坐係度霸住個位傾計

傾到7點先肯走

出到去見到勁多人係度等緊位

搞到我都有d唔係幾好意思

之後就去左影貼紙相了

本來都無咩特別的

但有一張係阿東同阿蕭既二人共浴照

真係超抵死XD

有機會既會放上黎比多d人欣賞欣賞

影完貼紙相就去行街了

行完西九又行鴨寮街

行到9點先散

本來丫玲姐都想黎溜冰的

但係佢約左人係觀塘傾人際報告

所以黎唔到

佢黎埋就好了

可以多個人去影貼紙相

不過都仲有機會去影既=]

今日全日洗左成140蚊

加埋星期五個次總共洗左成270蚊

今個星期真係破產喇

下星期真係要日日食18蚊米線慳返d錢

唔係就真的PK了=.=

星期三同同學去左西九食壽司

食完之後就喉嚨痛

搞到星期四要去睇醫生

醫生話我喉嚨發炎

比左d抗生素我食

星期四小肥、阿蕭、阿星同ZOE去唱K又唔叫我

話下次叫埋我

都唔知幾時先有下次

星期五約左阿蕭、ZOE、阿星、玲姐、東兄、健兄同冬瓜去踩單車兼BBQ

朝早9點去到大圍火車站

10點食完早餐就去租單車

租完就開始踩喇

踩到中途阿鋒、丫橙、丫澄、兆森同子聰又黎一齊踩

不過佢地唔BBQ的

踩到去大埔2點幾

買完BBQ野就踩去大尾督喇

4點幾入到去大尾督

今次終於輪到我等人地

唔係人地等我喇

入到去大尾督又BBQ又踢毽又打麻雀

夜晚仲講鬼故添

嚇到ZOE縮埋一舊

唔多記得9點幾定10點幾就去搭巴士出返大埔墟火車站返屋企喇

全日總共洗左130蚊

玩的代價真係大

阿蕭仲話聽日去溜冰

如無意外應該都會去的

最近真係喪玩

星期五相片後補

因為D相係阿鋒、阿星同ZOE度

今日終於去左剪頭髮

只是很簡單的剪短

沒什麼特別

今日始終無去到唱K

因為ZOE無返所以去唔成

咁又慳返筆

今日唔知咩事隻手又痛返

一寫字就痛

搞到功課都要小肥幫我做

不過我之前都幫左佢做份電腦喇

今次到佢幫返我

咪當打和囉

今日上普通話堂好正

隻旺財玩擦字膠碎飛到我

比我借題發揮鬧到佢無聲出

坐我隔離個個以為我真係發火

其實我係扮野架炸

係咪好好戲呢？

以下[又]係前幾日踩單車時的相片XD