昨日收到成績表
英文唔合格要補考
不過這也是意料中事
雖然是意料之內
但看到很多同學合格
總會有一份莫名的空虛感及一絲的後悔
可是我十分迷惘
不知應該如何去溫習
幸好有蘊儀和她妹妹出手相助
給了一些生字我溫習
但我怕我自己不能堅持下去
半途而廢
辜負了她們的一番心意
想到這裡就覺得自己不能不合格
不能讓她們失望
可是我還是沒什麼幹勁去溫習
希望最終能英文pass對她們有一個好的交代
如果我英文合格的話就請蘊儀同佢妹妹食飯
尋日派左普通話考試的成績
本來一直都不合格的我
今次竟然奇蹟地口試同筆試都合格
口試成績竟然仲要高分過老霖
筆試雖然唔算高分
但都高分過唔少人了~呵呵
一開始我仲以為自己聽錯口試個個分
之後再問人聽唔聽到我幾多分先肯定個個分真係我的
不過小肥話可能miss計錯分
佢話我個個分可能係老霖的
我都覺得有可能
邊有可能一個口試無溫書既人會高分過有溫書既人架？
而且我拼音又無讀到
短文又講得個幾句就走左喇
邊有可能會合格架？
到底係miss計錯分定真係我讀得好呢？
e個答案只有miss先知
今日第二日返工
原定返12點放12點既
但丫玲話夜晚去唱k
所以就同經理要求早放
佢9點半就放我走喇
入到青衣10點幾
食埋野再入荃灣接埋阿星就去唱k喇
唱到3點就走喇
如果唔係聽日要返工我可以再玩夜d
同兆森出到去黃大仙食左d野就返屋企喇
4點返到屋企
今日真的有夠累呢
話說上次NLP技巧試輕易地合格
成班都無人唔合格
證明易到爆喇
都唔洗溫既
今日第一日返工
基本上乜都要做
係未做過整野食同洗碗
返4放11真係好累
不過都無咩所謂喇
累都好過係屋企度hea
係屋企都唔知做咩好
悶到死
下星期五仲要返12放12
唔知會累成點呢？
聽日仲要考NLP技巧試
溫都未溫過
都唔知點死比miss睇
唯有聽日返學先溫喇
尋晚去左洪鋒個生日派對
同一大班人係度喪玩猜王、大話骰、十五二十兼飲酒+煲煙
由下午7點幾玩到早上5點
走個時已經wing wing地
不過應該未算醉
5點半就返到屋企喇
沖埋涼大約6點半就訓喇
訓到8點幾因為作嘔所以被逼要起身去嘔
原本要去拜山都唔洗我去拜喇
嘔到咁上下又去訓返
訓到3點幾先起身食M記
食完傾左陣電話就做電腦功課喇
個份死人野煩到PK
做左陣就唔想做喇
聽日第一日返工喇
好緊張呀>_<
