今朝8點到過到去老公度,老公話訓唔著

之後我地睇左陣龍珠之後,老公煎左d豬扒一齊食,食左幾塊先知係豬扒黎...

因為唔同一般豬扒d肉咁"鞋",咬落去似食肥膏既口感,但明明係肉黎-.-,據說呢d係老公媽咪拎番黎~

真好味,想再食,不過因為還是早上的關係,唔食咁多了

我地跟住再煲龍珠,..實在太好睇了 \ v /細個同幾年前睇過一次,而家再睇都仲有衝動係咁睇

簡直係,未睇過龍珠根本唔可以叫有過童年咁既程度  哈哈 ~ 我地呢幾日係咁講番細細個d經典卡通,美少女戰士啦,幽遊白書啦,金田一,熱鬥小馬,不文泰山 以前無線都播過,次次睇到夜晚1點先訓

太正了> ^ <! 不過煲到2點幾,老公終告頂唔住,好眼訓,咁我就話一齊訓啦,如果要捱眼訓,老公遲d一定捱唔到,與其係咁,不如早d訓,起碼可以夜晚一齊番去打機

因為次次老公都話唔想一訓唔知訓到幾點,但係到左5-6點到就會頂唔住話訓一陣,一陣叫醒佢,但係次次都訓到深夜先再醒,哈哈,所以今次有咁早得咁早訓 = w =

我地訓前玩左陣 ~ 玩到太累了,老公不知不覺訓左,而我....眼光光....攰得濟..訓唔著= =!! 太可惡了,點解老公咁快訓得著.. 望住老公訓左個樣,唔知點解有股衝動好想搞醒佢

之後~我就將我最鐘意既雞雞公仔,擺係佢個頭度,無反應~~~哈哈

突然又好想將7隻倉鼠全部倒係老公身上,+_+,不過基於 咁樣玩完之後我一定屍骨無存,所以我無咁做

之後去到差唔多5點我先訓得到,原本諗住訓一陣就要起身落街買糧

點知一訓訓到6點半...點估到4次鬧鐘都嘈我唔醒丫~

拿拿聲起身沖涼換衫落街買糧,買完上黎同老公食野

睇左陣龍珠,都成差唔多9點,都返屋企lu

臨走前老公問我點解呢排好似悶悶不樂咁

其實你唔講,我都唔知, 你咁問我第一時間心諗:下,我有咩,我好似已經成日笑...- -''

之後老公話我擔心msn果d問題~ 無可否認有少少既

有時係度諗,其實我都知之前既野已經過去,呢d實會係每對情侶身上發生,無一幸免

其實唔係話怪你或者怨你,雖然呢d係我開頭預料之外

但其實仲係有一樣野諗唔通...今日俾你提一提以前..我諗番起呢個問題

之前你騙我前一晚,你係電話中同我講:我愛你..

其實我好想知...呢句我愛你... 係真係愛我..定係夫衍我..?

雖然以前既問題對而家既我已經唔重要..但我之前係度諗...點解可以..呢頭講完大話,呢頭同我講愛我...當中既含意係咩...但其實我地係果排...仲好開心tim...

我記得當時,無意中發現之後,個身震得好厲害~可能就係咁有左個陰影,

其實而家我都信你已經唔同左,但係唔知點解偏係我腦出現~我都好想擺脫!!

我覺得好煩,我覺得自己太固執,小小事姐

我對一切都太固執!太煩