今朝過左老公度,同老公一齊返學,點知返到學校先知,,今日唔洗返學..唔怪之得 成10點都無咩人咁啦...

我地唯有返去,之後陪老公去機鋪打左一陣機..因為我太累了..唔覺意訓左一陣... 之後感覺唔錯的說

打左一陣,我地就答地鐵番屋企,買左少少野食,之後番到屋企 打機...之後老公msn有個人hi佢,我咪問下係邊個黎,老公都唔知,老公都想問係邊個,咁我咪順便幫佢問埋lo,點知而家d女仔咁冇教養,竟然同我講話,你一定唔係本人囉,佢一定知我係邊個囉

果下我火都黎,好聲好氣咁問,用埋d咁既態度囉,仲話 我識佢本人又唔係識你,做咩要同你解釋 ,,又話咩咩 你都係驚我溝左你條仔姐,又話自己靚過我,性格好過我,嘩..呢d咁既自大狂我真係第一次見,我都無話佢溝我條仔,有人不打自招,心虛爆哂出黎

靚唔靚過我咁又點姐,我認我係唔靚女,仲話我條仔鐘唔鐘意我就唔知la,係囉..唔知就唔好咁多野講啦,唔知頭唔知路~ 係唔鐘意我一早飛左我,走去同你講無女朋友啦,又唔用下腦   最頂唔順佢果幾句 講到自己咁好,以為佢溝我條仔,我老公一定受先得架~~ 都要睇下咩質素既,我老公係要都唔要d咁低質素啦  同我老公傾計又係另一種態度wo! 呢d咪係發姣囉,黎囉,黎幾多件 我頂得住,即管黎溝囉,有本事就黎!! 

唔好意思,身體不適搞到心情唔好,呻多2句!  因為呢d咁既人 年中出現幾次,實在太煩!! 扮可憐接近既又有 屈我既又有 ~ 

扮可憐果d又比較麻煩,你又唔知佢係咪真係無機心,一旦問多2句 懷疑個女仔,老公又當我好煩... 認為果個女仔係好,無機心,而我就係煩,多餘

但係知唔知,自從上幾次之後,我就對一切好敏感   我唔會再對陌生人放心,就算係朋友我都唔多放心,可能你覺得我咁樣好煩

但係我就是捨不得你阿!!是喜歡你才會緊張   自從以前果個飛左我之後,我就話,我唔想自己鐘意既男人會因為其他人去呃自己! 呻完!!

呼~~ 之後我封左個女仔msn  再del埋佢,呢d咁無禮貌 見男就有禮貌既人,連做談心對象都無資格,佢只係等緊機會上

之後我同老公玩左一陣...玩到累就一齊訓左了....訓醒一齊食完晚餐...我就回家同老公2人遊戲世界了>v<~!