今日要去做身體檢查...因為我細佬都要去,所以我呀媽都去埋!     搭車出去,搭搭吓見到羅浩枝,過左無幾耐(一分鐘都無),又見到黃卓霖跑過馬路,佢肯定係去會合羅浩枝!

去到喇!見到既係黃卓霖同羅浩枝,要做問卷!做做吓就入房度高磅重同聽野,果部電腦痴痴地,個姑娘都係,係咁自己講野!  今日見到好少熟人,見到李東燦,又見到 d 高F.    之後就過左隔離果間房驗眼,超快地驗完!    出去交問卷,見到林灝廷黎左,之後等入房見姑娘!等既其間同黃卓霖傾偈,傾左無耐,就要入去喇,同個姑娘傾左陣偈,就出左去喇!      今日真係做咩都快過人,明明遲過人地入去,但係又快過人地出黎!     出到黎等埋細佬先走得!黃卓霖又要等佢個枝枝,咪同佢傾偈 lor...    傾左超耐,佢成日攞佢 d 野黎打我個頭...       之後林灝廷出左黎,黃卓霖話佢着到好似大陸呢,哈哈!   都唔係丫,幾好呀!    傾左一陣,見到劉芷熹,哈哈,原來佢唔紮邊都幾令女架喎!       細佬出黎,走lu!

去葵芳食野,我細佬同佢 d fd會合,我就同呀媽去左一間叫紅樹林既野食...坐坐吓,呀媽見到細佬佢地喺出面,就招攬左佢地入黎! d 野都幾好食!    位位20$,仲要+1,,呀媽比晒,總共110$!    之後就真係分手喇,得番我同呀媽,去睇野!    睇左一陣就走!     搭車走,落車見到陳虹仿,講左陣野就走喇!     比 d 風吹到好頭痛呀!       但係都陪呀媽去買餸,乖!哈哈!      買買吓見到 irene姨(陳虹仿的媽媽),又係傾偈!      無 la la又見到張駿,呀媽叫左佢去m記,食野,同佢傾偈,哈哈,好耐無見過佢喇!     之後歸家了!       好頭痛呀!!><    help...!

中文堂,,閱讀理解+聆聽....    好快過!

phys,都係做功課,做完就教新書,無帶,,睇住出面個投影先...

bio,,睇片..好悶!同郭浩汶傾左陣偈!!

lunch,m記...又換左隻兔仔!  坐低左 la..有人問我知唔知佢係邊個!(果時同許佳寧家姐同佢 d fd 一齊坐!)  我諗左一陣,彈左個字出黎 : (禪)?    佢就點頭! 佢係李芷君呀!佢地走果時我問佢最近有冇見過丘素珊,佢就指去我既右邊,, <<遠左天邊,近左眼前>>原來佢就喺果邊!!   我地無講到野,可能係因為 d fd係則邊 la!!    不過見到佢我好開心呀!!!><      返到去,果時細b講緊野,,比我細佬見到就扮佢喇!哈哈!白痴!   之後行左過去karmen度問葉翠媚喺邊,葉翠媚就凸左個頭出黎!我就行埋去 la...  佢笑住咁問我 : 咦?!!!又換左隻公仔呀??(呢個時候,佢望住我條冷3)    我就勁串咁同佢講 : 我有話比你聽我換左咩??    佢好似聽唔到,,可能佢真係好專注咁望住我條3!  跟住佢就黎摷我喇!比佢攞到!  佢好開心呀!哈哈!   佢開心就得la..  只要我學校 d <親朋好友> 開心就得 la!!><  之後karmen比左枝野我,食得既~  我就食喇!細細枝,以為係咩黎,點知一食,哦~可樂味,,糖黎既!好好食呀!     跟住就同葉翠媚傾偈喇!

T.T.,art d 人要去睇畫展,去北角喎!真係遠喇!   喺新翼果面落去果時,,見到林燕佢地走喇,,就揮手說再見!    落到去抄野,,karmen作左篇野((讚頌))肥珈!真係好鬼精彩,我就+多句,哈哈!

之後就入hall,睇咩音樂劇喎!     好好睇呀! 塞斯好令仔呀!><  佢真名好似叫鄧智堅!   果套野叫<天神愛說話>   以下係佢地劇場工作坊既網址  ----->    www.dramagallery.com     睇緊既時候不停同陳佩玲講果個令仔!哈哈!    art d 人無得睇,,真係可惜lu!      果個牙膏(雅高)朱鳳嫻都ok令女呀,,好得意!   其餘二人都好搞笑!

返上課室,同lulu(5c班的)玩打屎忽,,又同佢攬攬!哈哈!我地兩個好似變左細路仔咁!     之後入左廁所搵呀柿! 見到有條友係咁問人借紙巾,咪借比佢 lor...  點知呀柿話我溝女...無奈!     出到去,見到郭浩汶,佢無 la la喺我聽邊講左 d 野!     落到去,同葉翠媚講88,,再同文曉龍講,,跟住佢就(木)住個嘴(第)起隻手向我示意再見喇!哈哈!佢個樣好得意呀!!!        之後一路行一路話上呀柿屋企!佢就係咁唔好,,去到佢樓下,我幫佢開門,我見到佢入左去,就8佢!  佢即刻(超)左一聲!哈哈~(佢以為我真係會上去!)    返屋企 lu~~

今日林燕眼角腫左,,哈哈!佢真係好鬼得意~

maths堂,做數,傾偈!    哈哈,真係逢親maths堂都咁好玩架!!    都係咁 la....又係叫吓余家勇話吓佢呀媽咁 lor....

英文,mrs.heys! 要讀野,抽人黎讀,咁都抽到我,,不幸! 跟住就miss woo上番,唔記得做左 d 咩 la....就落堂喇,諗住唔洗默書,點知都係要默=..="    仲以為佢默晒添,好在佢只係默左12個姐,有24個架!!!

chem,test,唔識,直頭無寫到野咁!    之後要聽書就係咁同黃卓霖傾偈,之後miss袁無 la la話我地調位!個位係岩架,係謝佩慈唔比我地改坐位表咋!  上次又係咁,,比我地調位,又唔比我地改坐位表喎!正一死cheap精!    之後1對2咁話miss袁,,黃卓霖就費是比xxx見到佢話miss 袁,so停左口!   m.c.婷對抗左一陣都無再講過野喇!    我仲記得miss袁好似講過 : 我係老師,你係學生,,你唔夠我玩架!        今日我地承認左miss袁係謝佩慈既呀妹,,余家勇既呀姨!

lunch,無正正式式咁食過野,,靠許佳寧既少少野食填吓個肚!     返到去,同濂仔一齊搵manyee佢地,,搵唔到=..="   就一齊上左去喇!       上到去,馬瑋成問我係咪食左琴日牙銀果枝<波板糖>,,佢想講既其實係...珍寶珠!之後就.....唔好提喇!都唔知牙銀有冇嬲我!!

佛學,添番好耐好耐之前既卷,,34.5/100!  都ok高分!哈哈!      之後繼續同黃卓霖夾攻牙銀,依然話佢係高竇貓,,黃卓霖就話 : 喵喵怪進化....高竇貓!    我咪話高竇貓唔識講野架 lor...     跟住叫佢唔好將數碼爆龍通融入寵物小精靈度!佢就狂笑喇!!           勁快打左鐘!

入 hall,test.....超難的!!      做唔晒就夠鐘!

同戴麗珊走 ,好掛住佢呀!!><    跟住又同麥嘉裕講吓牙銀 d 野!  又問吓呀冰 d 野.....無,問佢做咩見到我唔hi我姐.....    之後我見到麥嘉裕抽住左一邊....我咪問佢 : 麥嘉裕,,你個袋呀!!特登架!! 佢就笑到咩~咁喇!      之後我見到麥嘉裕個拉鍊未拉到最上!  我又問喇 : 麥嘉裕,,你條拉鍊呀,又係特登架??!   佢又狂笑喇!     之後就同戴麗珊返屋企喇!!

呢添睇緊 d 野,, →  http://www.geocities.com/tw_buffalo3/story/nan001.htm     都ok好睇架!